យោងតាមរបាយការណ៍ បណ្តាប្រទេសរួមមានម៉ាឡេស៊ី ប្រ៊ុយណេ ឥណ្ឌូនេស៊ី និងសិង្ហបុរី មានហានិភ័យប្រឈមមុខនឹងការបំពុលដោយផ្សែងនិងធូលីយ៉ាងធ្ងន់ធធ្ងរ ជាពិសេសក្នុងដំណាក់កាលកំពូលនៅខែសីហា និងខែកញ្ញាឆ្នាំនេះ។ នេះជាលើកទីពីរហើយដែល SIIA បានចេញការព្រមានពណ៌ក្រហមចាប់តាំងពីររបាយការណ៍ដំបូងនៅឆ្នាំ ២០១៩ មក បន្ទាប់ពីការព្រមានស្រដៀងគ្នានេះក្នុងឆ្នាំ ២០២៣។
មជ្ឈដ្ឋានអ្នកជំនាញឧតុនិយមជឿជាក់ថា ហានិភ័យនៃការបំពុលដោយផ្សែងនិងធូលីកើនឡើងគឺបណ្តាលមកពីការរួមបញ្ចូលគ្នានៃបាតុភូត El Nino និងបាតុភូត ឌីប៉ូលមហាសមុទ្រឥណ្ឌា (IOD)។ ស្ថានភាពអាកាសធាតុទាំងនេះត្រូវបានព្យាករណ៍ថា នឹងអូសបន្លាយរដូវប្រាំង ធ្វើឱ្យអាកាសធាតុកាន់តែក្តៅ និងស្ងួត ដោយបង្កើនហានិភ័យនៃភ្លើងឆេះព្រៃនៅទូទាំងតំបន់៕
