 អគ្គលេខាធិការអង្គការសហប្រជាជាតិលោក Antonio Guterres។(រូបថត៖ THX/TTXVN) |
ថ្លែងទៅកាន់អ្នកសារព័ត៌មាននាថ្ងៃទី ២៧ ខែមករា អ្នកនាំពាក្យអង្គការសហប្រជាជាតិ លោក Stephane Dujarric បានឲ្យដឹងថា លោកអគ្គលេខាធិការ Guterres ជឿជាក់ថា ភាគីទាំងពីរនឹងមិនអនុញ្ញាតឱ្យកើតមានជម្លោះយោធាឡើយ ហើយលើកទឹកចិត្តភាគីទាំងពីរ ឱ្យផ្អែកលើមាគ៌ាការទូត ដោយប្រើប្រាស់បណ្តាញទំនាក់ទំនង និងក្របខ័ណ្ឌដែលមានស្រាប់ ដែលភាគីទាំងពីរបានយល់ព្រម ក៏ដូចជាប្រើប្រាស់ដំណោះស្រាយការទូតទាំងអស់ដែលអាចធ្វើទៅបាន ដើម្បីដោះស្រាយវិបត្តិដែលកំពុងកើតមានឡើង។ លោក Dujarric ក៏បានឲ្យដឹងថា អគ្គលេខាធិការអង្គការសហប្រជាជាតិកំពុងតាមដានយ៉ាងដិតដល់លើការប្រែប្រួលនៃវិបត្តិ ហើយបានទាក់ទងនិងតភ្ជាប់ជាមួយឯកអគ្គរដ្ឋទូតនៃប្រទេសពាក់ព័ន្ធប្រចាំនៅអង្គការសហប្រជាជាតិ ដើម្បីពិភាក្សា និងស្វែងរកដំណោះស្រាយ៕
