អគ្គលេខាបក្សកុម្មុយនិស្តវៀតណាម លោក Nguyen Phu Trong និងអគ្គលេខាបក្សកុម្មុយនិស្ត ចិន ប្រធានរដ្ឋចិន លោក Xi Jinping។ (រូបថត៖ VOV)
សារទូរលេខមានការសរសេរថា៖ បញ្ចប់ដោយ ជោគជ័យល្អប្រសើរនូវដំណើរទស្សនកិច្ចផ្លូវការរបស់ខ្ញុំទៅកាន់សាធារណៈរដ្ឋប្រជា មានិតចិន ខ្ញុំសូមថ្លែងអំណរគុណយ៉ាងស្មោះស្ម័គ្រជូនចំពោះលោកអគ្គលេខាបក្ស ប្រធានរដ្ឋចិន Xi Jinping ថ្នាក់ដឹកនាំបក្ស រដ្ឋ និងប្រជាជនចិន ចំពោះចំណងមិត្តភាព រួមជាមួយនឹងការទទួលស្វាគមន៍យ៉ាងកក់ក្តៅ យកចិត្តទុកដាក់ ពោរពេញទៅដោយ មនោសញ្ចេតនាជាភាតរៈ ដែលបក្ស រដ្ឋ និងប្រជាជនចិនបានលៃទុកឲ្យខ្ញុំនិងគណៈ ប្រតិភូជាន់ខ្ពស់នៃបក្សនិងរដ្ឋវៀតណាម។ ខ្ញុំជឿជាក់ថា ដំណើរទស្សនកិច្ចនេះនឹង រួមចំណែកក្នុងការតម្រង់ទិសរយៈពេលវែងសម្រាប់ទំនាក់ទំនងរវាងបក្សទាំងពីរ ប្រទេសទាំងពីរ និងប្រជាជនទាំងពីរវៀតណាម-ចិន បន្តអភិវឌ្ឍន៍យ៉ាងល្អប្រសើរ ប្រកបដោយស្ថិរភាព និងចីរភាព។ ប្រាកដណាស់ថា លទ្ធផលវិជ្ជមានដែលសម្រេច បានក្នុងដំណើរទស្សនកិច្ចលើកនេះ នឹងរួមចំណែកយ៉ាងសំខាន់ក្នុងការពង្រឹងចំណង មិត្តភាព ការជឿទុកចិត្តផ្នែកនយោបាយ បន្តជំរុញនិងធ្វើឲ្យស៊ីជម្រៅថែមទៀតនូវ ទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយវៀតណាម-ចិន ដើម្បីការអភិវឌ្ឍនៃប្រទេសទាំងពីរ ដើម្បីផលប្រយោជន៍របស់ប្រជាជននៃប្រទេស ទាំងពីរ ដើម្បីសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងលើ ពិភពលោកផងដែរ៕