អ៊ីរ៉ង់អះអាងនឹងបន្តប្រឆាំងជំទាស់នឹងបទដាក់ទណ្ឌកម្មមិនស្របច្បាប់របស់អាមេរិក

តាមរយៈបណ្ដាញសង្គម Twitter រដ្ឋមន្ត្រីការបរទេសអ៊ីរ៉ង់លោក Mohammad Javad បានលើកច្បាស់ថា “អ៊ីរ៉ងនឹងបន្តសហប្រតិបត្តិការជាមួយបណ្ដាដៃគូ សំដៅបង្កើតបរិយកាសថ្មី។ យើងខ្ញុំនឹងបន្តខិតខំប្រឹងប្រែង ប្រឆាំងជំទាស់នឹងបទដាក់ទណ្ឌកម្ម ដែលមិនស្របច្បាប់របស់អាមេរិក”។

រដ្ឋមន្ត្រីការបរទេសអ៊ីរ៉ង់លោក Mohammad Javad ក៏បាន សង្តត់ធ្ងន់ថា វ៉ាស៊ីនតោនកំពុង បង្កអស្ថិរភាពប្រព័ន្ធអន្តរជាតិដោយចេតនា។ លោកអះអាងថា “គួរឲ្យសោកស្ដាយណាស់ ខណៈដែល រដ្ឋអំណាចអាមេរិកជាមួយ គោលនយោបាយឯកតោភាគីជាអវិជ្ជមាន បានឆ្លៀតយកវេទិកាពហុភាគី ដើម្បីវាយប្រហារលើយន្តការពហុភាគី”៕