 អគ្គនាយកទីភ្នាក់ងារថាមពលបរមាណូអន្តរជាតិ (IAEA) លោក Rafael Mariano Grossi (រូបថត៖ VNA) |
អញ្ជើញថ្លែងទៅកាន់មជ្ឈដ្ឋានសារព័ត៌មានកាលពីថ្ងៃទី ១៥ ខែវិច្ឆិកា អ្នកនាំពាក្យក្រសួងការបរទេសអ៊ីរ៉ង់ លោក Saeed Khatibzadeh បាននិយាយថា លោក Grossi ត្រូវបាន "អញ្ជើញ" មកកាន់ទីក្រុង Tehran ក្នុងពេលវេលាដូចដែលបានស្នើ។ តាមផែនការ លោក Grossi នឹងមានជំនួបជាមួយរដ្ឋមន្ត្រីការបរទេសអ៊ីរ៉ង់ និងថ្នាក់ដឹកនាំទីភ្នាក់ងារថាមពលបរមាណូរបស់អ៊ីរ៉ង់។
នាខែកញ្ញាកន្លងទៅ លោក Grossi បានធ្វើទស្សនកិច្ចនៅទីក្រុង Tehran។ លោកទទួលបានការព្រមព្រៀងអំពីសិទ្ធិត្រួតពិនិត្យឧបករណ៍ឃ្លាំមើលនៅមូលដ្ឋាននុយក្លេអ៊ែររបស់អ៊ីរ៉ង់។ កាលពីដើមខែកញ្ញា កន្លងទៅ IAEA បានប្រកាស របាយការណ៍ដោយបានបញ្ជាក់ថាបេសកកម្មត្រួតពិនិត្យនុយក្លេអ៊ែររបស់ខ្លួននៅអ៊ីរ៉ង់ត្រូវបាន "ចុះខ្សោយយ៉ាងធ្ងន់ធ្ងរ" ក្រោយពីទីក្រុងTehran បានផ្អាកសកម្មភាពត្រួតពិនិត្យមួយចំនួនរបស់ IAEA ចំពោះសកម្មភាពនុយក្លេអ៊ែរនៅប្រទេសនេះផងដែរ៕
