 មីស៊ីប៉ាលីស្ទីកបែបថ្មីត្រូវបានបាញ់បង្ហោះជាសាកល្បងពីនាវាមុជទឹកនៅតំបន់សមុទ្រ Sinpo ស.ប.បកូរ៉េកាលពីថ្ងៃទី១៩ តុលា។ (រូបថត៖ Yonhap/VNA) |
យោងតាមអ្នកយកព័ត៌មាននៃទីភ្នាក់ងារសារព័ត៌មានវៀតណាមប្រចាំអ.ស.ប បានដកស្រង់ប្រភពព័ត៌មានការទូតឲ្យដឹងថា គ្មានសមាជិកណាមួយរបស់ក្រុមប្រឹក្សា សន្តិសុខស្នើឲ្យចេញសេចក្ដីប្រកាសរួមបន្ទាប់ពីកិច្ចប្រជុំឡើយ។ ប្រទេសសមាជិក អចិន្រ្តៃយ៍នៃក្រុមប្រឹក្សាសន្តិសុខចំនួន៣គឺ អាមេរិក អង់គ្លេសនិងបារាំងបានឲ្យដឹងថា នាពេលខាងមុខ គេនឹងជំរុញឲ្យមានការអនុវត្តយ៉ាងម៉ឺងម៉ាត់ជាងទៀតនូវបទដាក់ ទណ្ឌកម្មទៅលើស.ប.បកូរ៉េ។ ក្នុងពេលជាមួយគ្នានោះប្រទេសសមាជិកអចិន្រ្តៃយ៍ ចំនួន២នៅសេសសល់គឺចិននិងរុស្ស៊ីមិនថ្លែងមតិនោះឡើយ។
និយាយជាមួយទីភ្នាក់ងារសារព័ត៌មានវៀតណាមប្រចាំអ.ស.ប តំណាង វៀតណាមបានបង្ហើបឲ្យដឹងថា ក្នុងនាមជាសមាជិកនៃក្រុមប្រឹក្សាសន្តិសុខ វៀតណាម បានចែករំលែកការព្រួយបារម្ភរបស់បណ្ដាប្រទេសអំពីករណីបាញ់បង្ហោះសាកល្បង មីស៊ីលរបស់ស.ប.បកូរ៉េកាលពីថ្ងៃទី១៩ តុលា។ វៀតណាមអំពាវនាវឲ្យភាគីពាក់ព័ន្ធ ជៀសវាងសកម្មភាពដែលបណ្ដាលឲ្យភាពតានតឹងកើនឡើងនៅឧបទ្វីបកូរ៉េព្រមទាំង សង្កត់ធ្ងន់លើសារសំខាន់នៃការចាប់ផ្ដើមការចរចាឡើងវិញក្នុងពេលឆាប់បំផុតតាម ដែលអាចធ្វើទៅបានផងដែរ។
វៀតណាមបានរំលឹកសារជាថ្មីម្ដងទៀតនូវគោលនយោបាយដ៏ឥតងាករេ ដែល គាំទ្រចំពោះការរំសាយសព្វាវុធនិងមិនរីកសាយភាយអាវុធនុយក្លេអ៊ែរ ឆ្ពោះទៅលុប បំបាត់ទាំងស្រុងប្រភេទអាវុធនេះ៕
