លោកអនុរដ្ឋមន្រ្តីការបរទេស Nguyen Quoc Dung (ស្ដាំ) ប្រគល់គ្រឿងឥស្សរិយយសមិត្តភាពជូនលោកឯកអគ្គរដ្ឋទូត Daniel Kritenbrink។ (រូបថត៖ baoquocte.vn)
នាថ្ងៃទី១៦ មេសា នៅក្នុងជំនួបជាមួយឯកអគ្គរដ្ឋទូតអាមេរិកប្រចាំវៀតណាម លោក Daniel Kritenbrink ដែលមកជម្រាបលាបញ្ចប់អាណត្តិបេសកកម្មការទូត អនុរដ្ឋ មន្រ្តីការបរទេសវៀតណាម លោក Nguyen Quoc Dung បានវាយតម្លៃខ្ពស់ចំពោះកិច្ច សហការរបស់ស្ថានទូតអាមេរិក ជាពិសេសគឺលោកឯកអគ្គរដ្ឋទូតផ្ទាល់ ដែលបាន ខិតខំប្រឹងប្រែងជំរុញទំនាក់ទំនងរវាងប្រទេសទាំងពីរឲ្យមានការអភិវឌ្ឍប្រកបដោយ ផ្លែផ្កា ចីរភាព និងកាន់តែស៊ីជម្រៅ ដោយឈរលើមូលដ្ឋាននៃការគោរពឯករាជ្យភាព អធិបតេយ្យភាព បូរណភាពដែនដីនិងប្រព័ន្ធនយោបាយរបស់គ្នាទៅវិញទៅមក។ លោកអនុរដ្ឋមន្រ្តីការបរទេស បានបញ្ជាក់ពីគោលជំហររបស់វៀតណាមដែលចាត់ទុក ថា អាមេរិកជាដៃគូមួយក្នុងចំណោមដៃគូរដ៏សំខាន់ជួរមុខ ព្រមទាំងមានគោលបំណង ជំរុញនិងធ្វើឲ្យស៊ីជម្រៅថែមទៀតនូវទំនាក់ទំនងភាពជាដៃគូគ្រប់ជ្រុងជ្រោយជាមួយ អាមេរិកលើក្របខ័ណ្ឌទាំងបីគឺ ទ្វេភាគី តំបន់និងអន្តរជាតិ ផងដែរ។ ឆ្លៀតឱកាសនេះ ដែរ លោកអនុរដ្ឋមន្រ្តីការបរទេស Nguyen Quoc Dung បានប្រគល់គ្រឿង ឥស្សរិយយសមិត្តភាពជូនលោកឯកអគ្គរដ្ឋទូត Daniel Kritenbrink ដើម្បីការរួមវិភាគ ទានយ៉ាងសកម្មនិងប្រកបដោយប្រសិទ្ធភាពទៅក្នុងការអភិវឌ្ឍទំនាក់ទំនងភាពជាដៃគូគ្រប់ជ្រុងជ្រោយវៀតណាម-សហរដ្ឋអាមេរិក៕