ទេសាភិបាលធនាគាររដ្ឋ លោកស្រី Nguyen Thi Hong បកស្រាយបំភ្លឺបញ្ហាមួយចំនួននៅចំពោះមុខរដ្ឋសភា។ (រូបថត៖ VNA)
ថ្លែងមតិនៅសាលប្រជុំ ទេសាភិបាលធនាគាររដ្ឋ លោកស្រី Nguyen Thi Hong បានឲ្យដឹងថា ក្នុងការគ្រប់គ្រងអត្រាការប្រាក់ និងឥណទាន ស្ថានភាពនៅចុងឆ្នាំមុន មានការវិវឌ្ឍន៍ថ្មីៗជាច្រើន ស្មុគស្មាញ មិនអាចទាយទុកជាមុនបាន ដែលបង្កឡើង ការលំបាក និងបញ្ហាប្រឈមជាច្រើន។ ធនាគាររដ្ឋបានខិតខំរក្សាយ៉ាងខ្ជាប់ខ្ជួននូវស្ថិរ ភាពម៉ាក្រូសេដ្ឋកិច្ច រូបិយវត្ថុ តាមដានយ៉ាងដិតដល់នូវការវិវឌ្ឍន៍ និងស្ថានភាព ដើម្បីសម្រេចលើភារកិច្ចសំខាន់ៗ ក្នុងពេលវេលានីមួយៗ ដើម្បីឆ្លើយតបដោយភាពបត់ បែន។ នៅចំពោះមុខការប្រែប្រួលរបស់ធនាគារអាមេរិកនាពេលកន្លងមកនេះ លោកស្រីទេសាភិបាលធនាគាររដ្ឋបានចាត់ទុកថា៖ “ផ្តល់អាទិភាពដល់ការធានាសុវត្ថិភាពប្រតិបត្តិការនៃប្រព័ន្ធធនាគារ ធនាគាររដ្ឋ និងរដ្ឋាភិបាល គឺជាជម្រើសដ៏ត្រឹមត្រូវ។ ដំណោះស្រាយ កម្រិត និងពេលវេលានៃ គោលនយោបាយត្រូវបានធនាគាររដ្ឋពិចារណាយ៉ាងយកចិត្តទុកដាក់ ដើម្បីផ្តោតលើ ស្ថិរភាពម៉ាក្រូសេដ្ឋកិច្ច ធានាសុវត្ថិភាពប្រព័ន្ធ បង្កើតបរិយាកាសអាជីវកម្មអំណោយ ផលសម្រាប់សហគ្រាស និងប្រជាជន”។
ថ្លែងមតិអំពីការអភិវឌ្ឍសេដ្ឋកិច្ច រដ្ឋមន្ត្រីក្រសួងផែនការ និងវិនិយោគ លោក Nguyen Chi Dung បានឲ្យដឹងថា រដ្ឋាភិបាលបានកំណត់អត្តសញ្ញាណនៃការលំបាក របស់ខឿនសេដ្ឋកិច្ចចាប់តាំងពីចុងឆ្នាំមុនរួចហើយ។ ដូច្នេះកំណើនក្នុងប៉ុន្មានខែដើម ឆ្នាំនេះទទួលបានលទ្ធផលវិជ្ជមាន៕