នៅក្នុងការបោះឆ្នោតសម្ងាត់មួយដែលបានធ្វើឡើងនៅថ្ងៃដដែលនោះ លោក Khalilur Rahman ទទួលបានសំឡេងគាំទ្រចំនួន ៩៩ សំឡេង បើធៀបនឹងសំឡេងគាំទ្រចំនួន ៩១ សំឡេងរបស់អ្នកការទូតនៃសាធារណៈស៊ីប លោក Andreas Kakouris។ ដូច្នេះ លោក Khalilur Rahman នឹងកាន់តំណែងជាប្រធានមហាសន្និបាត ពីអ្នកកាន់តំណែងមុនគឺអតីតរដ្ឋមន្ត្រីការបរទេសអាល្លឺម៉ង់ លោកស្រី Annalena Baerbock នៅក្នុងខែកញ្ញាឆ្នាំនេះ។
នៅក្នុងខែកុម្ភៈ ឆ្នាំ ២០២៦ លោក Khalilur Rahman បានក្លាយជារដ្ឋមន្ត្រីការបរទេសបង់ក្លាដែស បន្ទាប់ពីធ្លាប់កាន់តំណែងជាទីប្រឹក្សាសន្តិសុខជាតិ និងទទួលបន្ទុកបញ្ហាជនភៀសខ្លួន Rohingya ពីប្រទេសមីយ៉ាន់ម៉ានៅក្នុងរដ្ឋាភិបាលបណ្តោះអាសន្ន។ លោក Rahman មានសញ្ញាបត្រផ្នែកច្បាប់ និងសេដ្ឋកិច្ចពីសាកលវិទ្យាល័យអាមេរិក និងធ្លាប់បានចូលរួមក្នុងកិច្ចចរចាពាណិជ្ជកម្មជាមួយទីក្រុងវ៉ាស៊ីនតោន៕
