រដ្ឋមន្ត្រីការបរទេសវៀតណាម លោក Bui Thanh Son ជួបជាមួយជាមួយរដ្ឋមន្ត្រីការបរទេសនូវែលសេឡង់លោកស្រី Nanaia Mahuta។ (រូបថត៖ VOV)
ក្នុងជំនួបជាមួយរដ្ឋមន្ត្រីការបរទេសនូវែលសេឡង់លោកស្រី Nanaia Mahuta ភាគីទាំងពីរបានឯកភាពនាំកិច្ចសហប្រតិបត្តិការសេដ្ឋកិច្ចឲ្យឈានដល់កំណើនជា មធ្យម ២០% ក្នុងមួយឆ្នាំ ស្របនឹងទំនាក់ទំនងភាពជាដៃគូយុទ្ធសាស្ត្រ; ស្តារឡើងវិញ នូវវិស័យកិច្ចសហប្រតិបត្តិការ ដូចជា ការអប់រំ ទេសចរណ៍ ការជួបប្រាស្រ័យរវាង ប្រជាជននិងប្រជាជន... បន្ទាប់ពីជំងឺកូវីដ-១៩ ត្រូវបានគ្រប់គ្រង។ លោកស្រីរដ្ឋមន្ត្រី Nanaia Mahuta បានបញ្ជាក់ថា នូវែលសេឡង់នឹងរក្សាជំនួយអភិវឌ្ឍន៍ផ្លូវការ (ODA) អាហារូបករណ៍សម្រាប់វៀតណាម ហើយបង្កើនកិច្ចសហប្រតិបត្តិការនៅតំបន់ ទន្លេមេគង្គ។
ផ្លាស់ប្ដូរមតិជាមួយរដ្ឋមន្ត្រីក្រសួងពាណិជ្ជកម្មអន្តរជាតិ សហគ្រាសខ្នាតតូច និង មធ្យម និងជំរុញការនាំចេញកាណាដា លោកស្រី Mary Ng លោករដ្ឋមន្ត្រី Bui Thanh Son បានស្នើឲ្យកាណាដាបង្កើនកិច្ចសហប្រតិបត្តិការក្នុងយន្តការតំបន់នានា រួមទាំង វេទិកាតំបន់អាស៊ាន ហើយជួយឧបត្ថម្ភដល់ការអភិវឌ្ឍប្រកបដោយចីរភាពនៃតំបន់ មេគង្គ។ វៀតណាមសង្ឃឹមថា កាណាដានឹងជួយឧបត្ថម្ភដល់ការឆ្លើយតបនឹងការ ប្រែប្រួលអាកាសធាតុ ហើយអាជីវកម្មកាណាដានឹងបង្កើនការវិនិយោគនៅ វៀតណាម។
លោករដ្ឋមន្ត្រី Bui Thanh Son និងរដ្ឋលេខាធិការទទួលបន្ទុកកិច្ចការអាស៊ី នៃក្រសួងការបរទេស និងអភិវឌ្ឍន៍អង់គ្លេស លោកស្រី Amanda Milling។ (រូបថត៖ VOV)
ក្នុងជំនួបរវាងលោករដ្ឋមន្ត្រី Bui Thanh Son និងរដ្ឋលេខាធិការទទួលបន្ទុកកិច្ច ការអាស៊ី នៃក្រសួងការបរទេស និងអភិវឌ្ឍន៍អង់គ្លេស លោកស្រី Amanda Milling ភាគីទាំងពីរបានឯកភាពជំរុញកិច្ចសហប្រតិបត្តិការក្នុងការឆ្លើយតបទៅនឹងការប្រែ ប្រួលអាកាសធាតុ ជំរុញថែមទៀតនូវការផ្លាស់ប្ដូរពាណិជ្ជកម្មនិងវិនិយោគ អនុវត្តន៍ ប្រកបដោយប្រសិទ្ធភាពនូវកិច្ចព្រមព្រៀងពាណិជ្ជកម្មសេរីអង់គ្លេស-វៀតណាម (UKVFTA)។ លោករដ្ឋមន្ត្រី Bui Thanh Son បានស្នើឲ្យចក្រភពអង់គ្លេសជួយគាំ ទ្រវៀតណាមក្នុងការបង្កើតទំនាក់ទំនងភាពជាដៃគូខាងបំបន្លែងថាមពលប្រកបដោយសមភាពជាមួយក្រុមប្រទេសឧស្សាហកម្មឈានមុខគេទាំង ៧ (G៧) ហើយជួយ ឧបត្ថម្ភវៀតណាមក្នុងវិស័យហិរញ្ញវត្ថុបៃតង ការផ្ទេរប្រគល់បច្ចេកវិទ្យា ការអភិវឌ្ឍធន ធានមនុស្ស ព្រមទាំងចង់ឲ្យធុរកិច្ចអង់គ្លេសវិនិយោគបន្ថែមទៀតចូលមកវៀតណាម ជាពិសេសក្នុងវិស័យថាមពលកកើតឡើងវិញ ធនាគារ ហិរញ្ញវត្ថុ ឱសថ បច្ចេកវិទ្យា ព័ត៌មាន ការចាប់ផ្តើមអាជីវកម្ម នវានុវត្តភាព និងការអភិវឌ្ឍហេដ្ឋារចនាសម្ព័ន្ធ ផងដែរ៕