ថ្នាក់ដឹកនាំរុស្ស៊ីរូបនេះបានអះអាងថាលោកពិភាក្សាអំពីជំលោះអ៊ីស្រាអែលនិងប៉ាឡេស្ទីនជាមួយលោក Donald Trumps ហើយទទួលស្គាល់ថាស្ថានភាពជាក់ស្ដែងគឺមិនដូចជាបំណងរបស់ភាគីទាំងពីរឡើយ។ លោក Vladimir Putin បានអះអាងថា លោកគាំទ្រប៉ាឡេស្ទីនជានិច្ច។
រីឯខ្លួនវិញ ចាប់តាំងពីអាមេរិកសម្រេចចិត្តទទួលស្គាល់ យេរូសាឡឹម ជារដ្ឋធានីរបស់អ៊ីស្រាអែលកាលពីឆ្នាំទៅមិញនោះ ប្រធានាធិបតី Mahmoud Abbas បានបដិសេធរាល់ជំនួបសន្ទនាជាមួយរដ្ឋអំណាចលោក Donald Trumps ក៏ដូចជាមិនទទួលយកកិច្ចសហប្រតិបត្តិការជាមួយអាមេរិក ក្នុងមុខងារជាអាជ្ញាកណ្ដាលធ្វើការផ្សះផ្សា។ តាមផែនការ លោក Mahmoud Abbas នឹងចូលរួមសន្និសីទមជ្ឈឹមបូព៌ាប្រចាំខែរបស់ក្រុមប្រឹក្សាសន្តិសុខអង្គការសហប្រជាជាតិនៅនាថ្ងៃទី ២០ ខែកុម្ភៈខាងមុខ៕
