សៀវភៅរបស់អគ្គលេខាបក្សលោក Nguyen Phu Trong ស្ដីពីការទូតវៀតណាម - ត្រីវិស័យសម្រាប់កិច្ចការបរទេសក្នុងស្ថានភាពថ្មី

នារសៀលថ្ងៃទី ២១ វិច្ឆិកា នៅក្រសួងការបរទេស គណៈទាក់ទងបរទេសមជ្ឈិម គណៈកម្មការឃោសនាអប់រំមជ្ឈិម ក្រសួងការបរទេសវៀតណាម និងគ្រឹះស្ថានបោះ ពុម្ពផ្សាយនយោបាយជាតិ Truth បានរៀបចំពិធីបង្ហាញមុខសៀវភៅ “ការកសាង និង អភិវឌ្ឍការទូតនិងកិច្ចការបរទេសវៀតណាមគ្រប់ជ្រុងជ្រោយ ទំនើប ពោរពេញដោយ អត្តសញ្ញាណ “ដើមឬស្សីវៀតណាម” របស់អគ្គលេខាបក្សកុម្មុយនិស្តវៀតណាមលោក Nguyen Phu Trong។

គណៈប្រតិភូដែលអញ្ជើញចូលរួមពិធីបង្ហាញមុខសៀវភៅរបស់អគ្គលេខាបក្ស លោក Nguyen Phu Trong។ (រូបថត៖ VOV)

សៀវភៅនេះបានប្រមូល និងរៀបចំជាប្រព័ន្ធនូវអត្ថបទ សុន្ទរកថា បទសម្ភាសន៍ លិខិត សារទូរលេខ ជាង ៨០ ក្នុងសកម្មភាពកិច្ចការបរទេសរបស់អគ្គលេខាបក្សលោក Nguyen Phu Trong ក្នុងអំឡុងពេលជាង ២ ទសវត្សរ៍ ចាប់ពីឆ្នាំ ២០០១ មក។ ខ្លឹមសារ នៃសៀវភៅនេះមានបីផ្នែក៖ តួនាទីសំខាន់ និងការរួមចំណែកយ៉ាងធំធេងនៃកិច្ចការបរ ទេសក្នុងបុព្វហេតុកសាង និងការពារមាតុភូមិ; កិច្ចការបរទេសរបស់វៀតណាម ដើម្បី ឯករាជ្យ ភាពម្ចាស់ការ សន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ; សញ្ញា សម្គាល់នៃកិច្ចការបរទេស និងការទូត។

សៀវភៅរបស់អគ្គលេខាបក្សលោក Nguyen Phu Trong ស្ដីពីការទូតវៀតណាម - ត្រីវិស័យសម្រាប់កិច្ចការបរទេសក្នុងស្ថានភាពថ្មី។

ថ្លែងមតិក្នុងពិធីនេះ អចិន្ត្រៃយ៍នៃគណៈលេខា និងជាប្រធានគណៈចាត់តាំង មជ្ឈិម លោកស្រី Truong Thi Mai បានអះអាងថា សៀវភៅរបស់អគ្គលេខាបក្ស លោក Nguyen Phu Trong គឺជាត្រីវិស័យរបស់បក្សកុម្មុយនិស្តវៀតណាម និងជាមូលដ្ឋាន ទ្រឹស្តីជាក់ស្តែងអំពីកិច្ចការបរទេសក្នុងស្ថានភាពថ្មី។ “សម្រាប់មិត្តភក្តិអន្តរជាតិ សៀវភៅនេះនឹងក្លាយជាឯកសារកិច្ចការបរទេសដ៏ មានតម្លៃអំពីគោលនយោបាយកិច្ចការបរទេសរបស់បក្ស និងរដ្ឋនោះគឺ៖ ឯករាជ្យភាព ភាពខ្លួនទីពឹងខ្លួន សន្តិភាព កិច្ចសហប្រតិបត្តិការ និងការអភិវឌ្ឍ ការធ្វើពិពិធកម្ម និង ពហុភាគីភាវូបនីយកម្មនូវទំនាក់ទំនង ការធ្វើសមាហរណកម្មអន្តរជាតិយ៉ាងសកម្ម និងម្ចាស់ការ; ជាមិត្តភក្តិ ដៃគូដែលអាចទុកចិត្តបាន និងជាសមាជិកដែលទទួលខុស ត្រូវនៃសហគមន៍អន្តរជាតិ។ លើសពីនេះ ខ្លឹមសារនៃសៀវភៅនេះក៏បង្ហាញយ៉ាង ជ្រាលជ្រៅនូវការស្រុះចិត្តគំនិត ការគាំទ្រ និងការលើកទឹកចិត្តរបស់ប្រជាជន គ្រប់ស្រទាប់វណ្ណៈ សមាជិករដ្ឋសភា អ្នកនយោបាយ និងអ្នកប្រាជ្ញបរទេសសម្រាប់កិច្ច ការបរទេស និងការទូតរបស់វៀតណាមផងដែរ”៕