លេខាគណៈកម្មាធិការបក្សទីក្រុងហាណូយ លោក Dinh Tien Dung ចូលជួបសម្តែងការគួរសមអគ្គលេខាបក្ស និងជាប្រធានរដ្ឋឡាវ លោក Thongloun Sisoulith។ (រូបថត៖ VOV)
ក្នុងបណ្ដាជំនួបនេះ អគ្គលេខាបក្ស ប្រធានរដ្ឋឡាវ លោក Thongloun Sisoulith និងនាយករដ្ឋមន្ត្រីឡាវ លោក Sonexay Siphandone បានវាយតម្លៃខ្ពស់ចំពោះលទ្ធ ផលនៃជំនួបពិភាក្សាការងាររវាងលេខាគណៈកម្មាធិការបក្សទីក្រុងហាណូយ លោក Dinh Tien Dung និងលេខាគណៈកម្មាធិការបក្សទីក្រុងវៀងច័ន្ទ លោក Anouphap Tounalom។ ថ្នាក់ដឹកនាំឡាវក៏បានកត់សម្គាល់នូវលទ្ធផលកិច្ចសហប្រតិបត្តិការនា ពេលកន្លងមក រវាងរដ្ឋធានីទាំងពីរ តាមកិច្ចព្រមព្រៀងសហប្រតិបត្តិការរវាងរដ្ឋធានី ទាំងពីរក្នុងដំណាក់កាល ២០២២ - ២០២៥ ជាពិសេសការជួយឧបត្ថម្ភជាក់ស្តែងរបស់ ទីក្រុងហាណូយចំពោះទីក្រុងវៀងច័ន្ទ។ ទន្ទឹមនឹងនោះ ថ្នាក់ដឹកនាំឡាវក៏បានសម្ដែង ជំនឿជាក់ថា រដ្ឋធានីទាំងពីរនឹងដាក់ពង្រាយខ្លឹមសារកិច្ចសហប្រតិបត្តិការថ្មី ឲ្យកាន់តែ ជាក់ស្តែង និងមានប្រសិទ្ធភាព ហើយមានបំណងចង់ឲ្យទីក្រុងហាណូយចែករំលែក យ៉ាងសកម្មជាមួយមូលដ្ឋាននានារបស់ឡាវ អំពីមេរៀនបទពិសោធន៍លើវិស័យ ជាច្រើន។
ថ្នាក់ដឹកនាំឡាវជឿជាក់ថា រដ្ឋធានីទាំងពីរនឹង នាំទំនាក់ទំនងសហប្រតិបត្តិការ មិត្តភាពក្លាយជាគំរូក្នុងកិច្ចសហប្រតិបត្តិការថ្នាក់មូលដ្ឋានរវាងវៀតណាម និងឡាវ រួមចំណែកពូនជ្រុំទំនាក់ទំនងជិតស្និទ្ធ ស្មោះត្រង់ដ៏កម្រ មហិមារ និងសាមគ្គីភាព ពិសេស កិច្ចសហប្រតិបត្តិការគ្រប់ជ្រុងជ្រោយ ដែលត្រូវបានពូនជ្រុំដោយឥតឈប់ ឈរដោយមេដឹកនាំនៃបក្សទាំងពីរនិងរដ្ឋទាំងពីរផងដែរ៕