នាយករដ្ឋមន្រ្តីរដ្ឋាភិបាលវៀតណាមលោក Pham Minh Chinh ចាប់ផ្ដើមដំណើរទស្សនកិច្ចជាផ្លូវការនៅជប៉ុន។ (រូបថត៖ VOV)
កាសែត Mainichi បានសង្កត់ធ្ងន់ថា លោកនាយករដ្ឋមន្រ្តី Pham Minh Chinh ជាភ្ញៀវថ្នាក់ជាតិដើមដំបូងដែលអញ្ជើញទៅបំពេញទស្សនកិច្ចជាផ្លូវការនៅជប៉ុន ចាប់តាំង ពីរដ្ឋអំណាចរបស់លោកនាយករដ្ឋមន្រ្តី Kishida Fumio បង្ហាញជាផ្លូវការ។ ដំណើរ ទស្សនកិច្ចគឺសំដៅធ្វើជាក់ស្ដែងភាវូបនីយកម្មនូវកិច្ចសហប្រតិបត្តិការទ្វេភាគីលើវិស័យជាច្រើនដូចជាសន្តិសុខ សេដ្ឋកិច្ច ឆ្ពោះទៅរកតំបន់មហាសមុទ្រឥណ្ឌា-ប៉ាស៊ីហ្វិកសេរី និងបើកចំហ។ កាសែត Mainichi បានបញ្ជាក់ថា រដ្ឋាភិបាលជប៉ុនគោរពទំនាក់ទំនង ភាពជាដៃគូយុទ្ធសាស្ត្រជាមួយវៀតណាម។ ទំនាក់ទំនងការទូតក៏រីកចម្រើនយ៉ាងខ្លាំង ដែរ នៅពេលដែលកាលពីខែតុលាឆ្នាំ២០២០ លោក Yuga Yoshihide នៅពេលនោះ ទើបចូលកាន់តំណែងជានាយករដ្ឋមន្រ្តី បានជ្រើសរើសវៀតណាមជាគោលដៅនៃ ដំណើរទស្សនកិច្ចការងារនៅឯបរទេសលើកដំបូង។ ចំណែកឯ នាយករដ្ឋមន្រ្តីកំពុង កាន់អំណាចលោក Kishida Fumio នៅពេលអញ្ជើញចូលរួមកិច្ចប្រជុំអំពីការប្រែប្រួល អាកាសធាតុនៅអង់គ្លេសនាពេលថ្មីៗនេះ ក៏បានជួបពិភាក្សាការងារជាមួយនាយក រដ្ឋមន្រ្តីវៀតណាមលោក Pham Minh Chinh ផងដែរ។
ក្នុងពេលជាមួយគ្នានោះ កាសែត Nikei បានឲ្យដឹងថា ភាគីទាំងពីរនឹងពិភាក្សា អំពីការពង្រឹងកិច្ចសហប្រតិបត្តិការឆ្លើយតបនឹងជម្ងឺកូវីដ-១៩ ព្រមទាំងបញ្ជាក់ថា ចំពោះជប៉ុន ប្រទេសសមាជិកនានានៃសមាគមន៍ប្រជាជាតិអាស៊ីអាគ្នេយ៍ (អាស៊ាន) គឺជាដៃគូសំខាន់ដែលមានគោលដៅរួមជាមួយជប៉ុន ក្នុងនោះវៀតណាមជាដៃគូដែល មានផលប្រយោជន៍រួមដោយមានលក្ខណៈយុទ្ធសាស្ត្រនិងទូលំទូលាយ៕