វៀតណាមអំពាវនាវឱ្យមានសន្តិសុខសម្រាប់ប្រជាជនម៉ាលី

យោងតាមវាយតម្លៃរបស់ លោក Mahamat Saleh Annadif បេសកជនពិសេសរបស់អគ្គលេខាធិការអង្គការសហប្រជាជាតិ បានលើកឡើងថាដំណើរការនយោបាយនិងការអនុវត្តកិច្ចព្រមព្រៀងស្តីពីសន្តិភាពនិងការផ្សះផ្សាជាតិនាឆ្នាំ ២០១៥ សម្រេចបាននូវវឌ្ឍនភាពវិជ្ជមានមួយចំនួនក្នុងរយៈពេលកន្លងមក។

ទោះជាយ៉ាងណាក៏ដោយ ស្ថានភាពសន្តិសុខនៅម៉ាលីនៅមិនទាន់ត្រូវបានធ្វើឱ្យប្រសើរឡើង ហើយសកម្មភាពរសប់ក្រុមភេរវករនិងក្រុមប្រដាប់អាវុធនៅប្រទេសនេះក៏មិនទាន់បានថយចុះនៅឡើយ។ ម្យ៉ាងវិញទៀត ស្ថានភាពមនុស្សធម៌នៅតែមានការព្រួយបារម្ភផងដែរ។ អញ្ជើញចូលរួមក្នុងសម័យ ប្រជុំនេះ ឯកអគ្គរដ្ឋទូត Dang Dinh Quy ប្រធានក្រុមបេសកម្មប្រចាំវៀតណាមប្រចាំនៅអង្គការសហប្រជាជាតិ បានសង្កត់ធ្ងន់អំពីសារសំខាន់នៃការធានាសន្តិសុខនិងសុវត្ថិភាពសម្រាប់ប្រជាជន ជាពិសេស ស្ត្រីនិងកុមារ រួមទាំងកងកម្លាំងសន្តិសុខនៅម៉ាលីនិងកម្លាំងរក្សាសន្តិភាពរបស់អង្គការសហប្រជាជាតិផងដែរ៕