 ប្រធានរដ្ឋសភាវៀតណាម លោក ត្រិន ថាញ់មិន បានទទួលជួបឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំនៅវៀតណាម លោក He Wei។ រូបថត៖ VOV |
ប្រធានរដ្ឋសភាវៀតណាម លោក ត្រិន ថាញ់មិន បានស្នើឱ្យឯកអគ្គរដ្ឋទូត He Wei បន្តយកចិត្តទុកដាក់ ធ្វើឲ្យស៊ីជម្រៅនិងរឹងមាំថែមទៀតទំនាក់ទំនងរវាងរដ្ឋសភាវៀតណាម និងសភាតំណាងប្រជាជនទូទាំងប្រទេសចិន ជំរុញការផ្លាស់ប្តូររវាងក្រុមសមាជិកសភាមិត្តភាពនៃប្រទេសទាំងពីរ ក្រុមសមាជិកសភាស្ត្រី និងក្រុមសមាជិកសភាវ័យក្មេងនៃប្រទេសទាំងពីរ។ ជាមួយនឹងសក្ដានុពល គុណសម្បត្តិ និងឱកាសដ៏ធំធេងរបស់ប្រទេសទាំងពីរ ប្រធានរដ្ឋសភាលោក ត្រិន ថាញ់មិន ជឿជាក់ថា ទំនាក់ទំនងវៀតណាម-ចិននាពេលខាងមុខនឹងកាន់តែស៊ីជម្រៅ ទូលំទូលាយ និងជាក់ស្តែងថែមទៀត។
រីឯខ្លួនវិញ លោកឯកអគ្គរដ្ឋទូត He Wei បានអះអាងថា ក្នុងតួនាទីជាឯកអគ្គរដ្ឋទូតចិនប្រចាំនៅវៀតណាម លោកនឹងខិតខំប្រឹងប្រែងអស់ពីសមត្ថភាព ដើម្បីអភិវឌ្ឍន៍ទំនាក់ទំនងរវាងប្រទេសទាំងពីរឡើងដល់កំពស់ថ្មី។ លោកឯកអគ្គរដ្ឋទូត He Wei ជឿជាក់ថា កិច្ចសហប្រតិបត្តិការរវាងសភាតំណាងប្រជាជនទូទាំងប្រទេសចិន និងរដ្ឋសភាវៀតណាមនឹងកាន់តែអភិវឌ្ឍន៍ថែមទៀត៕
