 ភ្ញៀវបរទេសស្វែងយល់អំពីគ្រឿងសង្ហារិមនៅការតាំងពិព័រណ៍កាលពីខែមីនាឆ្នាំនេះនៅទីក្រុងហូជីមិញ។ |
អាជីវកម្មវៀតណាមដែលចូលរួមពិព័រណ៌បានចាត់ទុកនេះជាឱកាសដើម្បីឧទ្ទេសនាមនិងផ្សព្វផ្សាយផលិតផលរបស់ខ្លួន។ លោក Tran Hoai Huu នាយកក្រុមហ៊ុន Gia Nhien ឯកទេសខាងនាំចេញគ្រឿងសិប្បកម្មវិចិត្រសិល្បៈបានចែករំលែកថា៖ “ក្នុងខែសីហានេះ អតិថិជនចាប់ផ្ដើមមានទំនោរវិលត្រលប់មកវិញ បន្ទាប់ពីធ្លាក់ ចុះយ៉ាងខ្លាំងក្នុងមួយរយៈ ហើយកំពុងទំនាក់ទំនងច្រើន។ មានកិច្ចសន្យាជាច្រើនដែល យើងកំពុងចរចា ហើយអាចក្លាយជាការបញ្ជាទិញ។ យើងកំពុងមានយុទ្ធសាស្ត្រផ្សព្វ ផ្សាយបន្ថែមទៀត ដើម្បីស្វែងរកប្រភពអតិថិជនថ្មី។ ពីមុន ទីផ្សារអាស៊ីមិនសូវមានច្រើនទេ ប៉ុន្តែយើងកំពុងជំរុញការផ្សព្វផ្សាយយ៉ាងខ្លាំងក្លា ព្រោះនាបច្ចុប្បន្ន នេះជាទីផ្សារដ៏មានសក្ដានុពលខ្លាំងណាស់”។
នាពេលបច្ចុប្បន្ននេះ អាស៊ីអាគ្នេយ៍បានក្លាយទៅជាតំបន់សេដ្ឋកិច្ចដ៏សំខាន់ និង ស្វាហាប់របស់ពិភពលោក ហើយក៏ជាមជ្ឈមណ្ឌលផលិតកម្ម និងផ្គត់ផ្គង់គ្រឿង សង្ហារិមនិងគ្រឿងសិប្បកម្មវិចិត្រសិល្បៈឈានមុខគេ លើពិភពលោក។ ក្នុងនោះ វៀតណាមជាប្រទេសនាំចេញផលិតផលឈើឈានមុខគេនៅអាស៊ីអាគ្នេយ៍ និងទីពីរនៅអាស៊ី៕
