រូបភាពតួអង្គយក្សក្នុងសិល្បៈល្ខោនបាសាក់

រូបភាពតួអង្គយក្សក្នុងសិល្បៈល្ខោនបាសាក់របស់ជនជាតិខ្មែរ។ (រូបថត៖ VOV)

នៅក្នុងសិល្បៈល្ខោនបាសាក់ តួអង្គយក្ស គឺជាតំណាងឲ្យមនុស្សអាក្រក់។ យក្សជាតួអង្គមិនមានពិត ដែលមានកម្លាំងខ្លាំង និងមន្តអាគមដែលអាចកាឡាខ្លួនជាមនុស្ស ឬសត្វផ្សេងៗ។ យក្សមិនមែនជាមនុស្សផ្ដេសផ្ដាស ស្រេកឃ្លានទេ តែជាមនុស្សដែលមានល្បិចកលជាច្រើន ចិត្តអាក្រក់ និងល្មោភស្រីស្អាត។ ឧត្តមភាពរបស់យក្ស គឺប្រើមន្តអាគមដើម្បីបង្កសង្គ្រាម និងជម្លោះ។

ជាទូទៅក្នុងសិល្បៈល្ខោនបាសាក់ ដំណើររឿងទាក់ទងដល់ការកម្ចាត់យក្សសង្គ្រោះជីវិតមនុស្សគឺជាការពេញនិយម និងធ្លាប់ស្គាល់ជាមួយទស្សនិកជន។ តាមរយៈដំណើររឿងទាំងនោះ បង្កប់នូវអត្ថន័យដែលថា អំពើល្អនិងអំពើអាក្រក់តែងតែដើរទន្ទឹមគ្នាជានិច្ច ហើយអំពើល្អ យកឈ្នះលើអំពើអាក្រក់ គឺជាការបញ្ចប់រឿងដ៏ល្អប្រសើរដែលទស្សនិកជនទន្ទឹងរង់ចាំ។ អនុបណ្ឌិត យ័ញមេន គ្រូបង្រៀននៃសាលាមធ្យមសិក្សាបំពេញវិជ្ជាបាលីណាមបូ ទីក្រុង Can Tho បានឲ្យដឹងថា៖

យក្សតែងតែប្រើសិល្ប៍យុទ្ធគុនដើម្បីបង្ក្រាបគូប្រយុទ្ធ និយាយស្តីតិច ភាគច្រើនគឺបញ្ចេញសំឡេងដូចការស្រែកហ៊ោ។ (រូបថត៖ VOV)

យក្សតែងតែប្រើសិល្ប៍យុទ្ធគុនដើម្បីបង្ក្រាបគូប្រយុទ្ធ និយាយស្តីតិច ភាគច្រើនគឺបញ្ចេញសំឡេងដូចការស្រែកហ៊ោ។ ហេតុដូច្នេះ ដើម្បីអាចសម្តែងតួអង្គនេះឲ្យបានល្អបំផុត សិល្បករត្រូវចំណាយពេលច្រើនខែឆ្នាំ ដើម្បីហាត់សមតាមរបៀបរៀបរយម៉ត់ចត់និងល្អិតល្អន់។ លោក ឡឹមថាញ់ហ៊ុង មកពីក្រុមសិល្បៈខ្មែរទីក្រុង Can Tho បានចែករំលែកថា តួអង្គយក្សលើឆាកល្ខោនបាសាក់ មាន ចង្កូម វែងនិងកោង ១ គូ ពេលខ្លះលេបចូល ពេលខ្លះលេចចេញមាត់ទាំងសងខាង ធ្វើឲ្យទស្សនិកជនឃើញភាពសាហាវឃោរឃៅ និងអំណាចងងឹតកាន់តែច្បាស់។