(VOVWORLD) - ກໍ່ເຊັ່ນດຽວກັນກັບເຜົ່າອື່ນໆ, ພໍ່ແມ່ພີ່ນ້ອງເຜົ່າສະຟາງຢູ່ບ້ານ ແທ່ນປ່າຕາແສງຊາລົງເມືອງເມື່ອງຈ່າແຂວງ ດ້ຽນບຽນໃນທຸກວັນນີ້ ໄດ້ຕ້ອນຮັບບຸນເຕັດຂອງຕົນພ້ອມກັບບຸນປີໃໝ່ປະຈຳຊາດຫວຽດນາມ.ເຖິງຢ່າງໃດກໍ່ຕາມພໍ່ແມ່ພີ່ນ້ອງກໍ່ຍັງມີບັນດາປະເພນີຕ້ອນຮັບບຸນເຕັດພິເສດສະເພາະເຂັ້ມຂົ້ນໄປດ້ວຍສີສັນວັດທະນະທຳຂອງເຜົ່າຕົນ

(VOVWORLD) - ໂດຍນອນຢູ່ເຂດພູດອຍທາງທິດຕາເວັນຕົນພາກເໜືອ, ຫຼຸງເວິນຖືກອຸປະມາດັ່ງຫຼັງຄາເຮືອນຂອງດິນແດນ ເມື່ອງບີ ຍ້ອນນອນຢູ່ເທິງສາຍພູສູງສະຫຼັບສັບຊ້ອນຖືກປົກຄຸມໄປດ້ວຍກຸ່ມເມກເລື່ອນລອຍ ແລະ ທັງແມ່ນອູ່ວັດທະນະທຳໃຫຍ່ ແລະເກົ່າແກ່ທີ່ສຸດຢູ່ເຂດເມືອງຮວ່າບິ່ງ. ຫຼຸງເວິນມີອາກາດເຢັນສະບາຍຕະຫຼອດປີທິວທັດທຳມະຊາດໃຫຍ່ໂຕມະໂຫຖານແລະຮົກເຮື້ອພ້ອມກັບການດຳເນີນຊີວິດວັດທະນະທຳທີ່ເປັນເອກະລັກສະເພາະຂອງຊາວເຜົ່າເມື່ອງ ອັນໄດ້ກາຍເປັນສະຖານນທີ່ດຶງດູດໃຈແຂກທ່ອງທ່ຽວ.

(VOVWORLD) -ນະຄອນບວນມາທວດ ແຂວງ ດັກລັກ ແມ່ນໜຶ່ງໃນບັນດານະຄອນທີ່ມີອັດຕາການປົກຄຸມຕົ້ນໄມ້ຂຽວຫຼາຍກວ່າໃນທົ່ວປະເທດ ດ້ວຍເນື້ອທີ່ປູກຕົ້ນໄມ້ຂຽວຫຼາຍກວ່າ 8 ຕາແມັດຕໍ່ຄົນ. ລະບົບຕົ້ນໄມ້ຂຽວຢູ່ ບວນມາທວດ ພວມສ້າງສະພາບແວດລ້ອມ ທີ່ເປັນໜ້າດຳລົງຊີວິດໃຫ້ແກ່ປະຊາຊົນ ແລະ ຈຸດເດັ່ນທີ່ໜ້າປະທັບໃຈສຳລັບແຂກທ່ອງທ່ຽວ. ຕົ້ນໄມ້ຂຽວຢູ່ບວນມາທວດ ໃນວັນນີ້ກໍ່ແມ່ນໝາກຜົນຂອງການປູກຕົ້ນໄມ້ເປັນເວລາຫຼາຍທົດສະວັດ ແລະ ສິ່ງນີ້ພວມສືບຕໍ່ໄດ້ຮັບການເສີມຂະຫຍາຍ ດ້ວຍບັນດາແຜນງານມະຕິກຳນົດທິດພັດທະນານະຄອນເຖິງປີ 2030 ວິໄສທັດເຖິງ 2045

(VOVWORLD) - ບໍ່ຮູ້ວ່ານັບແຕ່ຍາມໃດທີ່ຊາວບ້ານເຍິນເຮົ້າຕາແສງ ຮວ່າເຮົ້າ ເມືອງຫຼີເຍິນ ແຂວງຮ່ານາມມີປະເພນີເຮັດຕົ້ມເຄັມປາໃນໂອກາດບຸນປີໃໝ່ປະຈຳຊາດຫຼືບຸນເຕັດວຽນມາເພື່ອໄຫວ້ບູຊາປູ່ຍ່າຕາຍາຍ ບັນພະບູລຸດແລະ ເຮັດເປັນອາຫານກິນໃນແຕ່ລະວັນ. ແຕ່ລະຄອບຄົວກໍ່ລ້ວນແຕ່ມີໝໍ້ຕົ້ມເຄັມປາເພື່ອຕ້ອນຮັບບຸນເຕັດ ພ້ອມທັງເອົາໃຫ້ລູກຫຼານໃຊ້ເປັນຂອງຕ້ອນເມື່ອອອກເດີນທາງໄປແດນໄກ. ແລະ ນັບແຕ່ນັ້ນມາ ເຍື່ອງອາຫານຕົ້ມເຄັມປາໄດ້ກາຍເປັນອາຊີບຢູ່ບ້ານເຍິນເຮົ້າ ແລະ ໄດ້ມີຊື່ສຽງໂດ່ງດັງຢູ່ທົ່ວທຸກແຫ່ງ

(VOVWORLD) - ໄລຍະທີ່ຜ່ານມາ ເຖິງວ່າໄດ້ຮັບຜົນສະທ້ອນຢ່າງໃຫຍ່ຫຼວງ ຈາກໂລກລະບາດໂຄວິດ - 19 ກໍ່ຕາມ ແຕ່ແຂວງ ບິ່ງເຢືອງ ໄດ້ມີຄວາມມານະພະຍາຍາມຫຼາຍຢ່າງ ໃນການຍູ້ແຮງການເຄື່ອນໄຫວໂຄສະນາການທ່ອງທ່ຽວ. ໂດຍຜ່ານການເຄື່ອນໄຫວເຫຼົ່ານີ້ ຮູບພາບການທ່ອງທ່ຽວຂອງແຂວງ ບິ່ງເຢືອງ ໄດ້ຮັບຄວາມສົນໃຈຈາກແຂກທ່ອງທ່ຽວ ທັງຢູ່ພາຍໃນແລະຕ່າງແຂວງ ຈາກນັ້ນ ສ້າງຄວາມສະດວກຕື່ມອີກໃນການຍູ້ແຮງວຽກງານໂຄສະນາ ສົ່ງເສີມການທ່ອງທ່ຽວ ແລະ ດຶງດູດແຂກທ່ອງທ່ຽວເຂົ້າມາແຂວງ ບິ່ງເຢືອງ.

(VOVWORLD) -ເມືອງເລິມບິ່ງແຂວງຕວຽນກວາງມີລະບົບຊີວະພາບຫຼາຍຮູບຫຼາຍສີທິວທັດທຳມະຊາດເປັນໜ້າຈັບອົກຈັບໃຈດ້ວຍພູຜາປ່າໄມ້ແມ່ນ້ຳລຳເຊທີ່ໃຫຍ່ໂຕມະໂຫຖານ ໂດຍທຳມະຊາດບັນດານໃຫ້. ເມື່ອກ່ອນນີ້ ຢູ່ແຫ່ງນີ້ເຄີຍເປັນໜຶ່ງໃນບັນດາອູ່ຂອງຊາວຫວຽດບູຮານດຳລົງຊີວິດ

(VOVWORLD) -ປີ 2021 ເຊິ່ງເປັນຂີດໝາຍໄລຍະທາງ 30 ປີແຫ່ງການສ້າງຕັ້ງ ແລະ ຂະຫຍາຍຕົວຂອງແຂວງ ບາເຣັຍ - ຫຫວຸງເຕົ່າ. ຊຸມປີທີ່ຜ່ານມາແຂວງ ບາເຣັຍ - ຫວຸງເຕົ່າ ຍາມໃດກໍ່ຮັກສາການພັດທະນາ, ຢັ້ງຢືນບົດບາດເປັນຂົງເຂດເຕີບໂຕທີ່ສຳຄັນຂອງທົ່ວປະເທດ. ໃນໄລຍະພັດທະນາໃໝ່,ບາເຣັຍ - ຫວຸງເຕົ່າ ສືບຕໍ່ກຳນົດທິດ ກາຍເປັນແຂວງທີ່ເຂັ້ມແຂງທາງດ້ານອຸດສາຫະກຳ, ທ່າກຳປັ່ນທະເລ, ທ່ອງທ່ຽວ ແລະ ກະສິກຳເຕັກໂນໂລຊີສູງ ສູ້ຊົນຮອດປີ 2025 ກາຍເປັນທ້ອງຖິ່ນຢືນຢູ່ແຖວໜ້າໃນທົ່ວປະເທດ ກ່ຽວກັບດັດຊະນີຍອດຜະລິດຕະພັນພາຍໃນບໍລິເວນ (GRDP).

(VOVWORLD) - ເຂດທ່ອງທ່ຽວຊຸມຊົນ ກາລູ ຫ່າງຈາກໃຈກາງເມືອງ ດັກຣົງ ແຂວງ ກວ໋າງຈິ ໄປທາງທິດຕາເວັນຕົກ 8 ກິໂລແມັດ ນອນຢູ່ຄຽງຂ້າງທາງຫຼວງເລກ 9 ແຄມແມ່ນ້ຳ ດັກຣົງ ເທບນິຍາຍ. ມາຮອດແຫ່ງນີ້ ແນ່ນອນວ່າແຂກທ່ອງທ່ຽວຈະໄດ້ເຊື່ອມຕົວເຂົ້າກັບເຂດວັດທະນະທຳ ແລະ ອາຫານການກິນ ຂອງພໍ່ແມ່ພີ່ນ້ອງເຜົ່າ ເວິນກ່ຽວ.

(VOVWORLD) -ໂດຍຖືກຕັ້ງຢູ່ບ່ອນມີຄວາມສູງ 1.800 ແມັດເມື່ອທຽບໃສ່ໜ້ານ້ຳທະເລ, ຕາແສງລຸ່ງຟິ່ງເມືອງບັກຮ່າແຂວງລ່າວກາຍບໍ່ພຽງແຕ່ມີຕະຫຼາດນັດລຸ່ງຟິ່ງທີ່ເປັນເອກະລັກພ້ອມກັບບັນດາໝູ່ບ້ານທີ່ລຽບງ່າຍແບບດັ້ງເດີມເທົ່ານັ້ນຫາກຍັງມີບັນດານ້ຳຕົກຕາດສ່ວຍງາມໄຫຼມາຈາກເຂດປ່າດົງດິບ. ນ້ຳຕົກຕາດລຸ່ງຟິ່ງແມ່ນໜຶ່ງໃນບັນດາສະຖານທີ່ໃໝ່ທີ່ດູດດື່ມສຳລັບແຂກທ່ອງທ່ຽວທັງຢູ່ພາຍໃນ ແລະຕ່າງປະເທດ

(VOVWORLD) -ໂດຍປູກຊ້າກວ່າເມື່ອທຽບໃສ່ບັນດາແນວພັນເຂົ້າໜຽວທົ່ວໄປ, ໃນຊ່ວງເວລານີ້ບັນດາເນື້ອທີ່ນາປູກເຂົ້າໜຽວ ຕ່ານດ໊ອນໃນຕາແສງຖ້ຳເຢືອງເມືອງວັນບ໊ານແຂວງລ່າວກາຍໄດ້ເລີ່ມສຸກເຫຼືອງ. ຍ້ອນຖືກພໍ່ແມ່ພີ່ນ້ອງໃນເຂດ ຖືເປັນເຂົ້າໜຽວອັນດັບໜຶ່ງ, ດັ່ງນັ້ນຜະລິດຕະພັນເຂົ້າເໝົ້າທີ່ເຮັດຈາກແນວພັນເຂົ້ານີ້ໄດ້ມີຊື່ສຽງທັງຢູ່ໃກ້ແລະໄກກ່ຽວກັບລົດຫວານ, ຫອມ ແລະ ໜຽວເປັນພິເສດ