(VOVWORLD) - ມວຍໄທ ແມ່ນມວຍພື້ນເມືອງຂອງປະເທດໄທ, ໄດ້ເຊື່ອມເຂົ້າ ຫວຽດນາມ ນັບແຕ່ທົດສະວັດທີ 90 ຂອງສະຕະວັດກ່ອນ. ມາຮອດປະຈຸບັນ, ມວຍໄທ ໄດ້ກາຍເປັນປະເພດກິລາມະຫາຊົນ, ໄດ້ນຳເຂົ້າໃນລາຍການຝຶກແອບ ແລະ ແຂ່ງຂັນຢ່າງກ້ວາງຂວາງ.

(VOVWORLD) - ດ້ວຍບົດບາດເປັນຫົວໜ່ວຍປະສານງານ ໂຄງການ “ພັດທະນາຜະລິດຕະພັນທ່ອງທ່ຽວງານບຸນ ອາຊຽນ”, ນັກຊ່ຽວຊານກົມທ່ອງທ່ຽວແຫ່ງຊາດ ຫວຽດນາມ ໄດ້ນຳສະເໜີໂດຍສັງເຂບກ່ຽວກັບບັນດາງານບຸນຢູ່ ອາຊີຕາເວັນອອກສ່ຽງໃຕ້, ສະພາບການຂຸດຄົ້ນ, ນຳສະເໜີບັນດາມາດຕະການເພື່ອພັດທະນາການທ່ອງທ່ຽວງານບຸນໃຫ້ ອາຊຽນ ໃຫ້ມີປະສິດທິຜົນ ໃນນັ້ນ ມີ ຫວຽດນາມ.

(VOVWORLD) - ໃນບົດກ່າວຄຳເຫັນຮັບດຳລົງຕຳແໜ່ງເປັນປະທານໝູນວຽນຂອງອາຊຽນ ໃນປີ 2024 ທີ່ພິທີອັດກອງປະຊຸມສຸດຍອດອາຊຽນຄັ້ງທີ 43 ແລະບັນດາກອງປະຊຸມຂັ້ນສູງທີ່ກ່ຽວຂ້ອງຢູ່ຈາກາຕາ, ອິນໂດເນເຊຍ ທີ່ຜ່ານມາ, ທ່ານນາຍົກລັດຖະມົນຕີລາວສອນໄຊສີພັນດອນໄດ້ປະກາດຫົວຂໍ້ຂອງອາຊຽນ 2024 ຢ່າງເປັນທາງການ,ນັ້ນແມ່ນ “ເພີ່ມທະວີການເຊື່ອມຈອດແລະຄວາມເຂັ້ມແຂງອາຊຽນ” ເຊິ່ງແມ່ນສັນຍານກ່ຽວກັບອາຍຸການທີ່ພົ້ນເດັ່ນແລະມີປະສິດທິຜົນ. ນີ້ກໍ່ແມ່ນຄັ້ງທີ 3 ທີ່ປະເທດລາວ ດຳລົງຕຳແໜ່ງສຳຄັນນີ້

(VOVWORLD) - ໃນຊຸມປີຜ່ານມາ, ຫວຽດນາມ ແລະ ກຳປູເຈຍ ໄດ້ຍູ້ແຮງການຮ່ວມມືໃນຫຼາຍຂົງເຂດ, ໃນນັ້ນມີການຮ່ວມມືບຳລຸງສ້າງທີ່ນັບມື້ນັບໄດ້ຮັບຄວາມເອົາໃຈໃສ່ເປັນພິເສດ ດ້ວຍຫຼາຍໂຄງການເຄື່ອນໄຫວທີ່ແທດຈິງ ແລະ ມີປະສິດທິຜົນ. ທຸກໆປີ, ຈຳນວນນັກຮຽນ, ນັກສຶກສາ ແລະ ນັກຄົ້ນຄ້ວາລະຫວ່າງສອງປະເທດລ້ວນແຕ່ເພີ່ມຂຶ້ນ. ຕາມບົດລາຍງານໝາກຜົນການປະຕິບັດໜ້າທີ່ສົກປີ 2022 – 2023, ທິດທາງ, ໜ້າທີ່ຈຸດສຸມສົກປີ 2023 – 2024 ຂອງກະຊວງສຶກສາ ແລະ ບຳລຸງສ້າງ ຫວຽດນາມ ແລ້ວ, ປັດຈຸບັນ ມີນັກສຶກສາຕ່າງປະເທດປະມານ 22.000 ຄົນທີ່ພວມຮ່ຳຮຽນຢູ່ ຫວຽດນາມ, ໃນນັ້ນມີນັກຮຽນ, ນັກສຶກສາ ກຳປູເຈຍ ປະມານ 4.000 ຄົນ.

(VOVWORLD) - ກອງປະຊຸມກາແດງ ແລະ ຊີກວົງເດືອນແດງສາກົນ ພາກພື້ນ ອາຊີ - ປາຊີຟິກ ຄັ້ງທີ 11 (AP 11) ດ້ວຍຫົວຂໍ້: “ອາຊີ - ປາຊີຟິກ: ກຽມພ້ອມຮັບມືກັບວິນາດສະກຳ”, ຫາກໍ່ຈັດຂຶ້ນຢູ່ຮ່າໂນ້ຍ ໃນລະຫວ່າງວັນທີ 21 – 23 ພະຈິກ. ກອງປະຊຸມຄັ້ງນີ້ແມ່ນຂີດໝາຍສຳຄັນໃນຄວາມມານະພະຍາຍາມຂອງສະພາກາແດງບັນດາປະເທດ ເພື່ອແນໃສ່ແກ້ໄຂບັນດາສິ່ງທ້າທາຍມະນຸດສະທຳ ເຊິ່ງພາກພື້ນພວມຕ້ອງປະເຊີນໜ້າ, ສືບຕໍ່ປະຕິບັດພາລະກຳ ມະນຸດສະທຳໃນສະພາບການໃໝ່.

(VOVWORLD) - ຕົ້ນເດືອນຕຸລາ ປີ 2023, ຄລີນິກ Medlatec Cambodia ຂຶ້ນກັບລະບົບສາທາລະນະ Medlatec ຫວຽດນາມ ໄດ້ເປີດຕົວຢ່າງເປັນທາງການ, ນຳການບໍລິການສາທາລະນະສຸກທີ່ສະດວກ, ນຳໃຊ້ເຕັກໂນໂລຢີສູງມາຮັບໃຊ້ປະຊາຊົນ, ກໍ່ຄືສ້າງໂອກາດຮ່ວມມືໃຫ້ແກ່ທ່ານໝໍ, ໂຮງໝໍ, ຄລີນິກ ໃນທົ່ວປະເທດ ກຳປູເຈຍ ກ່ຽວກັບການວິໄຈ ແລະ ບົ່ງມະຕິພະຍາດດ້ວຍພາບຖ່າຍ 4.0. ໂດຍຕັ້ງຢູ່ນະຄອນຫຼວງ ພະນົມເປັນ, ກຳປູເຈຍ, Medlatec Cambodia ໄດ້ຮັບສ້າງຕັ້ງຕາມດ້ວຍຄວາມຫວັງຢາກປະກອບສ່ວນເຂົ້າໃນການພັດທະນາຂະແໜງສາທາລະນະສຸກ ຂອງນະຄອນຫຼວງ ພະນົມເປັນ ກໍ່ຄືຂອງປະເທດ ກຳປູເຈຍ.

(VOVWORLD) - ການຮ່ວມມືດ້ານເສດຖະກິດ ແມ່ນເສົາຄ້ຳສຳຄັນໃນການພົວພັນລະຫວ່າງ ຫວຽດນາມ ແລະ ສິງກະໂປ, ພ້ອມທັງແມ່ນແບບຢ່າງໃນການພັດທະນາໃນພາກພື້ນ ແລະ ທົ່ວໂລກ. ໃນສະພາບການເສດຖະກິດສາກົນ ແລະ ພາກພື້ນ ມີການຜັນປ່ຽນໂດຍໄວ, ເລິກເຊິ່ງ ດ້ວຍບັນດາທ່າອ່ຽງພັດທະນາແບບຍືນຍົງ ຕິດພັນຕິດກັບການເຕີບໂຕສີຂຽວ ແລະ ການປະຕິວັດອຸດສາຫະກຳ 4.0, ຂົງເຂດດີຈີຕອນ, ເສດຖະກິດສີຂຽວ ໄດ້ຮັບຖືວ່າແມ່ນກຳລັງໜູນພັດທະນາໃໝ່ໃນການພົວພັນຮ່ວມມືລະຫວ່າງ ຫວຽດນາມ - ສິງກະໂປ ໃນອະນາຄົດ. ບົດຂຽນຂອງນັກຂ່າວ ຮວ່າງຫາຍ.

(VOVWORLD) - ເວທີປາໄສວິສາຫະກິດ ຫວຽດນາມ - ລາວ - ໄທ - ກຳປູເຈຍ - ມຽນມາ ປີ 2023 ໄດ້ດຳເນີນໃນເວລາ 3 ວັນ ແຕ່ວັນທີ 17 – 19 ພະຈິກ, ຢູ່ແຂວງອຸດອນ ທານີ, ໄທ ພາຍໃຕ້ການອຸປະຖຳຂອງສະຖານທູດ ຫວຽດນາມ ປະຈຳ ໄທ. ເວທີປາໄສ ໂດຍສະມາຄົມນັກທຸລະກິດ ໄທ - ຫວຽດນາມ ທົ່ວປະເທດໄທ ສົມທົບກັບສະຫະສະມາຄົມນັກທຸລະກິດ ຫວຽດນາມ ຢູ່ຕ່າງປະເທດ ຈັດຂຶ້ນ.

(VOVWORLD) - ສົງຄາມໄດ້ຜ່ານໄປຫຼາຍສິບປີແລ້ວ, ແຕ່ຢູ່ບາງແຂວງທາງພາກເໜືອຂອງປະເທດລາວ (ຄື: ຊຽງຂວາງ, ຄຳມ່ວນ, ບໍລິຄຳໄຊ, ສະຫວັນນະເຂດ ແລະ ອັດຕະປື) ຄວາມເຈັບປວດ, ຄວາມເສຍຫາຍຍ້ອນລູກລະເບີດ, ໝາກໝິ່ນຍັງຕົກຄ້າງຢູ່. ຢູ່ແຂວງ ຊຽງຂວາງ, ມີຫຼາຍຄອບຄົວ, ຫ້າງຮ້ານໃຊ້ ຊາກຂອງລູກລະເບີດ ເພື່ອເຮັດເປັນຮົ້ວເຮືອນ, ຄືດັ່ງວິທີໜຶ່ງເພື່ອຕັກເຕືອນເຖິງຄວາມເຈັບປວດຈາກສົງຄາມ, ລູກລະເບີດ, ໝາກໝິ່ນປະໄວ້ໃຫ້. ຫຼັງຮົ້ວເຮືອນນັ້ນ, ຍັງມີຫຼາຍຄົນຕ້ອງແບກຫາບຄວາມເຈັບປວດ, ຄວາມເສຍຫາຍຍ້ອນລູກລະເບີດທີ່ຍັງບໍ່ທັນແຕກຍັງຢູ່ທີ່ນັ້ນ.

(VOVWORLD) - ກອງປະຊຸມໄດ້ໃຫ້ຄຳໝັ້ນສັນຍາຊຸກຍູ້ການເຂົ້າຮ່ວມ ແລະ ການຊີ້ນຳຢ່າງຄົບຖ້ວນ, ຍຸຕິທຳ ແລະ ມີຄວາມໝາຍຂອງແມ່ຍິງໃນທຸກຂົງເຂດສັນຕິພາບ ແລະ ຄວາມໝັ້ນຄົງ, ພິເສດແມ່ນໃນການປ້ອງກັນ, ສະກັດກັ້ນ, ຄຸ້ມຄອງ ແລະ ແກ້ໄຂການປະທະກັນທີ່ນຳໃຊ້ອາວຸດ, ກໍຄືການສ້າງ ແລະ ຟື້ນຟູສັນຕິພາບຫຼັງການປະທະກັນ ເພື່ອແນໃສ່ມຸ່ງໄປເຖິງການສ້າງພາກພື້ນມີສະຖຽນລະພາບ, ສັນຕິພາບ ແລະ ປອດໄພ.