(VOVWORLD) -ໂຄງການ “ເພີ່ມທະວີຄວາມສາມາດຮັບມືກັບຜົນກະທົບຈາກການປ່ຽນແປງຂອງດິນຟ້າອາກາດໃຫ້ແກ່ວົງຄະນະຍາດທີ່ມີຄວາມສ່ຽງ ຢູ່ ເຂດແຄມທະເລຫວຽດນາມ” ໂດຍລັດຖະບານ ຫວຽດນາມ ສົມທົບກັບອົງການພັດທະນາສະຫະປະຊາຊາດປະຈຳ ຫວຽດນາມ (UNDP) ຜັນຂະຫຍາຍແຕ່ປີ 2018 ເປັນຕົ້ນມາ. ຫລືເອີ້ນຫຍໍ້ວ່າ ໂຄງການ GCF. ໄລ່ມາຮອດປະຈຸບັນ ມີ ເຮືອນປອດໄພ ເພື່ອຕ້ານພາຍຸ, ນ້ຳຖ້ວມ 4.100 ຫລັງ ຂອງໂຄງການ ໜູນຊ່ວຍຄອບຄົວທຸກຍາກຢູ່ບັນດາແຂວງແຄມທະເລພາກກາງ ຫວຽດນາມ ໄດ້ຊ່ວຍໃຫ້ເຂົາເຈົ້າມີຄວາມອຸ່ນອ່ຽນໃຈ ບໍ່ກັງວົນເປັນຫ່ວງຕໍ່ນ້ຳຖ້ວມ ຫລື ເຮືອນຖືກເພພັງເມື່ອພາຍຸນ້ຳຖ້ວມພັດມາ.

(VOVWORLD) -ກົມໃຫຍ່ສະຖິຕິ ແລະ ກອງທຶນປະຊາກອນ ສະຫະປະຊາຊາດ(UNFPA)ຢູ່ ຫວຽດນາມ ຫາກໍ່ຈັດຕັ້ງ ພິທີເລີ່ມເຄື່ອນໄຫວໂຄງການໃຫມ່ ເພື່ອແນໃສ່ຫນູນຊ່ວຍ ຫວຽດນາມ ກໍ່ສ້າງ ແລະ ນຳໃຊ້ຂໍ້ມູນກ່ຽວກັບປະຊາກອນ ແລະ ພັດທະນາຢ່າງມີຄຸນນະພາບ ເພື່ອຮັບໃຊ້ການສ້າງ ແລະ ຕິດຕາມກວດກາບັນດານະໂຍບາຍ, ຍຸດທະສາດ ແລະ ແຜນການພັດທະນາເສດຖະກິດ ສັງຄົມ. ໄລ່ມາຮອດປະຈຸບັນ, UNFPA ໄດ້ຮ່ວມເດີນທາງກັບ ຫວຽດນາມ ມາເປັນເວລາ 45 ປີ ແລະ ມີການປະກອບສ່ວນສຳຄັນເຂົ້າໃນການຫນູນຊ່ວຍການສຳຫລວດ, ສະຖິຕິປະຊາກອນ ຕິດພັນກັບການພັດທະນາເສດຖະກິດ ສັງຄົມ ຂອງຫວຽດນາມ.

(VOVWORLD) -ໃນເດືອນ ເມສາ, ພິເສດ ພາຍຫລັງວັນພັກການ 30 ເມສາ, ວັນທີ 1 ພຶດສະພາ, ຢູ່ ເຂດທ່ອງທ່ຽວ, ເຂດພັກຜ່ອນບຳລຸງສຸຂະພາບ ຈຳນວນຫນຶ່ງ ຢູ່ ແຂວງອຽນບາຍ ມີແຂກມາຈ່ອງຫ້ອງພັກເຕັມໝົດ, ສະຖານທີ່ລະຫລິ້ນບັນເທີງ ແລະ ທັດສະນີຍະພາບຢູ່ ບໍລິເວນໃນທົ່ວແຂວງ ຍາມໃດກໍ່ມີແຂກທ່ອງທ່ຽວພາຍໃນປະເທດ ແລະ ສາກົນມາທ່ຽວເປັນຈຳນວນຫລວງຫລາຍ. ຜ່ານນັ້ນ ເປັນການສະແດງໃຫ້ເຫັນ ການຟື້ນຟູຂອງການທ່ອງທ່ຽວຢູ່ເຂດພູດອຍ ພາຍຫລັງຖືກປິດມາດົນຍ້ອນຜົນສະທ້ອນຈາກໂລກລະບາດໂຄວິດ 19.

(VOVWORLD) - ດ້ວຍເກືອບ 100% ຄອບຄົວຊາວຊົນເຜົ່າ Bahnarດຳລົງຊີວິດຢູ່ຮ່ວມກັນມາເປັນເວລາຫລາຍປີ, ໝູ່ບ້ານ Dơk Rơng, ຕາແສງ Glar,ເມືອງĐak Đoa, ແຂວງ ຢາລາຍ ແມ່ນຫນຶ່ງໃນຈຳນວນໝູ່ບ້ານພົ້ນເດັ່ນໃນການປະຕິບັດໂຄງການເປົ້າໝາຍແຫ່ງຊາດກ່ຽວກັບການກໍ່ສ້າງຊົນນະບົດໃຫມ່. ພ້ອມກັບອຳນາດການປົກຄອງທ້ອງຖິ່ນ, ປະຊາຊົນໃນໝູ່ບ້ານກໍ່ຮ່ວມແຮງຮ່ວມໃຈຂົນຂວາຍທຸກຄົນເຂົ້າຮ່ວມການຕອບສະຫນອງເຮັດໃຫ້ໂສມຫນ້າບ້ານເກີດເມືອງນອນມີການປ່ຽນແປງໃຫມ່. ຍ້ອນເຫດນັ້ນ ພາບພົດຂອງໝູ່ບ້ານຈຶ່ງນັບມື້ນັບໃຫຍ່ໂຕສວຍງາມ ສະອາດກວ່າ, ປະກອບສ່ວນນຳ ຕາແສງ Glar ກາຍເປັນຫນຶ່ງໃນບັນດາຕາແສງບັນລຸມາດຖານຊົນນະບົດໃຫມ່ຂອງເມືອງ Đak Đoa.

(VOVWORLD) -ຢາດເລືອດທີ່ບໍລິຈາກດ້ວຍຄວາມສະໝັກໃຈ ບໍ່ພຽງແຕ່ແມ່ນຢຸກຢາກູ້ເອົາຊີວິດຂອງມະນຸດເທົ່ານັ້ນ ຫາກຍັງແມ່ນຄວາມຮັກແພງ, ແມ່ນການແບ່ງປັນຄວາມເຈັບປວດ ແລະ ເພີ່ມການໄດ້ມີຊີວິດກັບຄົນເຈັບ. ນີ້ຍັງແມ່ນການກະທຳອັນສູງສົ່ງຂອງມະນຸດກັບມະນຸດນຳກັນ. ດ້ວຍມູນເຊື້ອ “ອຸ້ມຊູຊ່ວຍເຫລືອກັນ” ຂອງຊາດ ຫວຽດນາມ ເວົ້າລວມ ແລະ ປະຊາຊົນ ແຂວງ ດັກລັກ ເວົ້າສະເພາະ, ຂະບວນການ ບໍລິຈາກເລືອດດ້ວຍຄວາມສະໝັກໃຈຢູ່ ແຂວງ ດັກລັກ ພວມໄດ້ຮັບການແຜ່ຂະຫຍາຍຢູ່ ຫລາຍທ້ອງຖິ່ນ ໃນທົ່ວແຂວງ.

(VOVWORLD) -ດຶກເກີ ແມ່ນເມືອງຊາຍແດນ ດ້ວຍອັດຕາຄອບຄົວທຸກຍາກຢູ່ໃນລະດັບສູງ ແຂວງ ຢາລາຍ, ເປັນຕົ້ນແມ່ນໃນເຂດຊົນເຜົ່າສ່ວນຫນ້ອຍ. ສະນັ້ນ ເລື່ອງຍູ້ແຮງການຫລຸດຜ່ອນຄວາມທຸກຍາກແບບຍືນຍົງ ແລະ ວ່ອງໄວ ແມ່ນວຽກງານໄດ້ຮັບຄວາມເອົາໃຈໃສ່ເປັນພິເສດຈາກອຳນາດການປົກຄອງເມືອງ ດຶກເກີ. ຫນຶ່ງໃນບັນດາໂຄງການຈຸດສຸມທີ່ຄະນະບໍລິຫານງານອົງຄະນະພັກເມືອງ ດຶກເກີ ຫັນເປັນລະອຽດໃນ ອາຍຸການ 2020 – 2025 ແມ່ນ ຫລຸດຄອບຄົວທຸກຍາກທີ່ເປັນຊາວຊົນເຜົ່າສ່ວນຫນ້ອຍ ໃນໄລຍະ 2021 – 2025 ລົງຢ່າງວ່ອງໄວ ເພື່ອຍູ້ແຮງວິວັດການຫລຸດຜ່ອນຄວາມທຸກຍາກຢູ່ ທ້ອງຖິ່ນ.

(VOVWORLD) -ຮ້ານອາຫານເຈ ເຍີດເຕີມ ໂດຍບໍ່ເກັບຄ່າ ຕັ້ງຢູ່ຖະຫນົນ ເລດຶກເທາະ ເມືອງ ນາມຕືລຽມ ຮ່າໂນ້ຍ, ແຕ່ລະມື້ ໄດ້ຮັບໃຊ້ຜູ້ມາກິນເຂົ້ານັບຮ້ອຍໆຄາບໂດຍບໍ່ເກັບຄ່າ ນັບທັງຜູ້ທຸກຍາກ ແລະ ຜູ້ກິນເຈ. ນີ້ ແມ່ນຂໍ້ລິເລີ່ມຂອງນັກສະແດງ, ນັກທຸລະກິດ ຮ່ວາງກີມງອກ ແລະ ແມ່ຂອງເອື້ອຍແມ່ນ ປ້າ ເຈີນເກີ໋ມຕວຽດ ເປັນຜູ້ສ້າງຕັ້ງຂຶ້ນ ດ້ວຍຄວາມປາດຖະຫນາຢາກນຳມາເຊິ່ງຄວາມປິຕິຊົມຊື່ນ, ສິ່ງທີ່ດີຕໍ່ສຸຂະພາບໃຫ້ທຸກຄົນ ແລະ ຜູ້ໃດມາກິນເຂົ້າຢູ່ຮ້ານນີ້ ກໍ່ລ້ວນແຕ່ຮູ້ສຶກວ່າຄືໄດ້ກັບຄືນເມືອເຮືອນຂອງຕົນ

(VOVWORLD) -ລ້າງເຊີນ ແມ່ນທ້ອງຖິ່ນ ໄດ້ຜ່ານຜ່າສົງຄາມມາ ສະນັ້ນ ຈຳນວນລູກລະເບີດ, ໝາກມິ່ນບໍ່ທັນແຕກ ທີ່ຕົກຄ້າງຫລັງສົງຄາມແມ່ນຍັງຫລາຍຢູ່. ຜົນຮ້າຍຢ້ອນຫລັງຈາກລູກລະເບີດ, ໝາກມິ່ນ ໄດ້ເຮັດໃຫ້ຫລາຍຄົນຖືກເຄາະຮ້າຍ, ກໍ່ໃຫ້ເກີດຜົນຮ້າຍຢ້ອນຫລັງຢ່າງຫນັກຫນ່ວງ, ອຸບັດຕິເຫດເຫຼົ່ານັ້ນ… ໄດ້ສົ່ງຜົນສະທ້ອນເຖິງການຜະລິດ, ຊີວິດການເປັນຢູ່ຂອງປະຊາຊົນ. ແຕ່ດ້ວຍການຫນູນຊ່ວຍຈາກລັດ, ບັນດາອົງການຈັດຕັ້ງສາກົນ, ແຂວງ ລ້າງເຊີນ ໄດ້ ແລະພວມມານະພະຍາຍາມແກ້ໄຂມົນລະພິດຈາກລູກລະເບີດ, ສ້າງຊີວິດການເປັນຢູ່ຂອງປະຊາຊົນໃຫ້ມີສະຖຽນລະພາບເພື່ອພັດທະນາເສດຖະກິດສັງຄົມ.

(VOVWORLD) - ເພື່ອແນໃສ່ຍົກສູງຄຸນນະພາບການທ່ອງທ່ຽວ, ດ້ວຍເປົ້າໝາຍ ສ້າງຫລາຍຮູບແບບການທ່ອງທ່ຽວທີ່ເປັນເອກະລັກສະເພາະ, ດູດດື່ມ ພວມແມ່ນວິທີຊື່ງຫົວຫນ່ວຍຂຸດຄົ້ນການທ່ອງທ່ຽວຢູ່ ລາວກາຍ ພວມມຸ່ງໄປເຖິງ. ຈຸດເວລານີ້ ຫລາຍບໍລິສັດທ່ອງທ່ຽວຢູ່ ລາວກາຍ ພວມຍູ້ແຮງປະຕິບັດ ຮູບແບບການທ່ອງທ່ຽວກະສິກຳສົມທົບກັບການຂຸດຄົ້ນຄຸນຄ່າສີສັນ ວັດທະນະທຳທີ່ເປັນມູນເຊື້ອຂອງທ້ອງຖິ່ນ.

(VOVWORLD) - ໂດຍຕອບສະຫນອງໂຄງການເຮືອນຢູ່ “ແຫ່ງສາຍຈິດມິດໃຈຈາກອົງການກຳມະບານ” ໂດຍ ສະຫະພັນໃຫຍ່ແຮງງານ ຫວຽດນາມ ປຸກລະດົມ, ໃນໄລຍະຜ່ານມາ ສະມາພັນແຮງງານ ແຂວງ ດັກລັກ ໄດ້ຜັນຂະຫຍາຍເຖິງກຳມະບານຂັ້ນຮາກຖານ ແລະ ໄດ້ຮັບການຕອບສະຫນອງຈາກສະມາຊິກກຳມະບານ, ກຳມະກອນ, ຜູ້ອອກແຮງງານ, ອົງການ ຫົວຫນ່ວຍເປັນຈຳນວນຫລວງຫລາຍ. ໂຄງການໄດ້ກາຍເປັນການເຄື່ອນໄຫວສັງຄົມທີ່ມີການແຜ່ກະຈາຍຢ່າງເລິກກວ້າງ.