(VOVWORLD) -ກວດກາການເຄື່ອນໄຫວຂອງກຳປັ່ນ ຫາປາຢູ່ທະເລ ແມ່ນຫນຶ່ງໃນບັນດາມາດຕະການສຳຄັນຕ້ານການຂຸດຄົ້ນ IUU (ຂຸດຄົ້ນສິນທະເລຜິດກົດໝາຍ, ບໍ່ລາຍງານ ແລະ ບໍ່ປະຕິບັດຕາມຂໍ້ກຳນົດ). ຢູ່ ແຂວງ ກວ໋າງນິງ ບັນດາມາດຕະການຫັນເປັນດິຈີຕອນ, ໝູນໃຊ້ເຕັກໂນໂລຊີຂໍ້ມູນຂ່າວສານ ໄດ້ ແລະ ພວມໄດ້ຮັບການຜັນຂະຫຍາຍເພື່ອຄຸ້ມຄອງກຳປັ່ນຫາປາ ແລະ ຫນູນຊ່ວຍຊາວປະມົງ, ກ້າວໄປເຖິງການ ຍົກເລີກ “ບັດເຫລືອງ” ຂອງ EC ໃນໄລຍະຈະມາເຖິງ.

(VOVWORLD) -ໂຄງການດຳເນີນງານ ແລະ ຄຳຂວັນ “Make in Vietnam” ໂດຍ ກະຊວງຖະແຫລງຂ່າວ ແລະ ສື່ສານ ຫວຽດນາມ ປຸກລະດົມແຕ່ປີ 2019. ນັບແຕ່ນັ້ນມາຮອດປະຈຸບັນ ນັບມື້ນັບມືຫລາຍຜະລິດຕະພັນ, ການບໍລິການເຕັກໂນໂລຊີ ຕອບສະຫນອງຢ່າງຄົບຖ້ວນບັນດາມາດຖານ “Make in Vietnam”. ນັ້ນແມ່ນ: ຄົ້ນຄ້ວາຢູ່ ຫວຽດນາມ, ປະດິດສ້າງຢູ່ ຫວຽດນາມ, ຜະລິດຢູ່ ຫວຽດນາມ. ການຫັນປ່ຽນຢ່າງແຮງຂອງບັນດາວິສາຫະກິດເຕັກໂນໂລຊີ ດິຈີຕອນ ພ້ອມກັບບັນດາຜະລິດຕະພັນເຕັກໂນໂລຊີ ດິຈີຕອນ ພວມຄ່ອຍໆນຳຂະແຫນງອຸດສາຫະກຳເຕັກໂນໂລຊີ ກາຍເປັນເສົາຄ້ຳຂອງພື້ນຖານເສດຖະກິດ ພ້ອມທັງສ້າງທ່ວງທ່າໃຫ້ແກ່ ຫວຽດນາມ ກາຍເປັນປະເທດດິຈີຕອນ ໃນປີ 2030.

(VOVWORLD) -ໄລຍະ 2020-2025, ແຂວງເຊີນລາວາງຄາດໝາຍກາຍເປັນສູນໝູນໃຊ້ກະສິກຳເຕັກໂນໂລຊີສູງ; ສູນການຜະລິດ, ປຸງແຕ່ງຜະລິດຕະພັນກະເສດຂອງໄຕບັກ(ຕາເວັນຕົກສຽງເໜືອ). ພາຍຫຼັງປະຕິບັດແຜນນະໂຍບາຍນຳເອົາຕົ້ນໄມ້ກິນໝາກມາປູກຢູ່ເທິງດິນຄ້ອຍຢ່າງສຳເລັດຜົນ, ແຂວງເຊີນລາ ໄດ້ມີຫຼາຍວິທີເຮັດທີ່ມີຫົວຄິດປະດິດສ້າງ, ເໝາະສົມກັບສະພາບເງື່ອນໄຂຂອງທ້ອງຖິ່ນ, ເພື່ອຊຸກຍູ້ການເຕີບໂຕສີຂຽວ ແລະ ມານະພະຍາຍາມເພື່ອບັນລຸເປົ້າໝາຍທີ່ໄດ້ວາງອອກ.

(VOVWORLD) -ໃນໄລຍະມໍ່ໆມານີ້, ໂຮງໝໍແມ່ ແລະ ເດັກ ສູນກາງ ຮ່າໂນ້ຍ ໄດ້ປະສົບຜົນສຳເລັດໃນການເບິ່ງແຍງລ້ຽງເດັກທາລົກຫຼາຍຄົນທີ່ເກີດກ່ອນກຳນົດ ເຊິ່ງອາຍຸຄັນ 24 – 25 ອາທິດ ໄດ້ມີຊີວິດ,ໃນນັ້ນ ມີເດັກທາລົກບາງຄົນທີ່ມີນ້ຳໜັກພຽງແຕ່ 400 – 500 ກຼາມ ເທົ່ານັ້ນ. ຫວ່າງແລ້ວນີ້, ບັນດາແພດໝໍ, ພະຍາບານ ໄດ້ປະສົບຜົນສຳເລັດໃນການເບິ່ງແຍງດູແລ, ຮັກສາປິ່ນປົວໃຫ້ເດັກທາລົກຊາຍທີ່ເກີດໃນຕອນອາຍຸຄັນໄດ້ 25 ອາທິດ, ມີນ້ຳໜັກ 600 ກຼາມ, ເປັນລຳໄສ້ອັກເສບ (ປະເພດເນື້ອຕາຍ). ນີ້ກໍ່ແມ່ນເດັກທາລົກທີ່ນອນຢູ່ໂຮງໝໍດົນທີ່ສຸດນັບແຕ່ກ່ອນມາຮອດປັດຈຸບັນ ເຊິ່ງເປັນເວລາ 05 ເດືອນ. ຜົນສຳເລັດນີ້, ອີກເທື່ອໜຶ່ງ ໄດ້ຢັ້ງຢືນລະດັບສີມື ແລະ ຄວາມສຸດຈິດສຸດໃຈຂອງແພດໝໍ ຂະແຫນງຜະດຸງຄັນ ຫວຽດນາມ.

(VOVWORLD) -ເອົາໃຈໃສ່ເບິ່ງແຍງດູແລຜູ້ມີຄຸນງາມຄວາມດີ ແມ່ນນະໂຍບາຍມະນຸດສາດ, ສະແດງໃຫ້ເຫັນສິນທຳ “ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ” ຂອງພັກ, ລັດ ຫວຽດນາມ ສຳລັບບັນດາຜູ້ທີ່ໄດ້ອຸທິດສ່ວນ, ເສຍສະຫລະຊີວິດເພື່ອພາລະກິດທ້ອນໂຮມປະເທດຊາດ. ໃນຊຸມປີຜ່ານມາ, ທ້ອງຖິ່ນຕ່າງໆໃນທົ່ວປະເທດ ຍາມໃດກໍ່ເອົາໃຈໃສ່ເບິ່ງແຍງດູແລຜູ້ມີຄຸນງາມຄວາມດີໃນບໍລິເວນໃຫ້ເປັນຢ່າງດີ.

(VOVWORLD) -ດ້ວຍຕາໜ່າງສາຍນ້ຳລຳເຊເຊື່ອມຕໍ່ກັນຫນາແຫນ້ນຊື່ງໄດ້ມີມາແຕ່ຫຼາຍຮ້ອຍປີແລ້ວນັ້ນ, ໄດ້ນຳມາໃຫ້ເຂດດິນຢູ່ທາງທິດຕາເວັນຕົກພາກໃຕ້, ໃນນັ້ນມີນະຄອນ ເກີ່ນເທີມີສີສັນວັດທະນະທຳສະເພາະ. ນີ້ກໍ່ແມ່ນທ່າໄດ້ປຽບເພື່ອໃຫ້ນະຄອນ ເກີ່ນເທີ ພັດທະນາການທ່ອງທ່ຽວລົງສຳຜັດກັບສະພາບແວດລ້ອມແມ່ນ້ຳຕິດພັນກັບຊີວິດການເປັນຢູ່ກະສິກຳຂອງຊາວທ້ອງຖິ່ນ.

(VOVWORLD) -ໂຮງຮຽນສຶກສາ ບາລີ ຊັ້ນກາງພາກໃຕ້ຫວຽດນາມ ໄດ້ຮັບການສ້າງຕັ້ງແຕ່ ປີ 1994 ຢູ່ແຂວງ ຊອັກຈັງ. ນີ້ແມ່ນສະຖານທີ່ບຳລຸງສ້າງໃຫ້ບັນດາພະສົງຊາວຂະແມ ຂອງບັນດາແຂວງເຂດພາກໃຕ້ ຫວຽດນາມ. ພວກເຮົາຈົ່ງພ້ອມກັນທັດສະນະໂຮງຮຽນຫລັງນີ້ໂດຍຜ່ານບົດຂຽນຂອງ ງອັກແອັງ.

(VOVWORLD) -ຈາກແຫຼ່ງເງິນກູ້ຢືມໂດຍສະມາຄົມຊາວກະສິກອນແມ່ນຫົວຫນ່ວຍໄດ້ຮັບສິດມອບຫມາຍ ແລະ ທຶນຈາກກອງທຶນໜູນຊ່ວຍຊາວກະສິກອນ, ສະນັ້ນ ຫຼາຍຄອບຄົວຊາວກະສິກອນຢູ່ເຂດພູດອຍແຂວງລາຍເຈົາ ໄດ້ມີເງື່ອນໄຂພັດທະນາເສດຖະກິດຄອບຄົວ. ນັບແຕ່ນັ້ນມາ, ໄດ້ປະກົດມີຫລາຍຕົວແບບເສດຖະກິດໃໝ່ ຊ່ວຍພໍ່ແມ່ປະຊາຊົນຫຼຸດພົ້ນອອກຈາກຄວາມທຸກຍາກ, ປັບປຸງ ແລະ ເຮັດໃຫ້ຊີວິດການເປັນຢູ່ມີຄວາມເປັນປົກກະຕິ.

(VOVWORLD) -ຕາແສງ Ea Drơng (ເມືອງ Cư M’gar, ແຂວງ ດັກລັກ) ມີ 3.100 ກວ່າຄອບຄົວ, ດ້ວຍພົນລະເມືອງ 14.400 ຄົນ, ໃນນັ້ນ ຊາວເຜົ່າສ່ວນໜ້ອຍຢູ່ທ້ອງຖິ່ນກວມ 72%. ກ່ອນນີ້, ຊີວິດການເປັນຢູ່ຂອງພໍ່ແມ່ປະຊາຊົນສ່ວນຫລາຍແມ່ນອີງໃສ່ການຜະລິດກະສິກຳ, ດັ່ງນັ້ນ ຍັງປະສົບກັບຄວາມຫຍຸ້ງຍາກຫຼາຍຢ່າງ. ເຖິງຢ່າງໃດກໍຕາມ, ແຕ່ປີ 2017 ມາຮອດປະຈຸບັນ, ປະຊາຊົນຕາແສງ Ea Drơng ໄດ້ຫຼຸດພົ້ນອອກຈາກຄວາມທຸກຍາກ ຍ້ອນໄດ້ຮັບເບ້ຍໄມ້, ແນວພັນປູກ ຈາກຮູບແບບປະຢັດ “ລ້ຽງໝູດິນ” ຫລືເອີ້ນວ່າ ກະປຸກອອມສິນ ທີ່ໄດ້ປະຕິບັດຢູ່ເມືອງ Cu M’gar. ຮູບແບບທີ່ມີປະສິດທິຜົນນີ້ພວມໄດ້ຮັບການແຜ່ຂະຫຍາຍຢ່າງກວ້າງຂວາງຢູ່ໝູ່ບ້ານ, ຕາແສງໃນເມືອງ, ສ້າງກຳລັງຫນູນຊຸກຍູ້ການດຳເນີນທຸລະກິດ ແລະ ຊ່ວຍໃຫ້ປະຊາຊົນມີຊີວິດການເປັນຢູ່ທີ່ນັບມື້ນັບດີຂຶ້ນ.

(VOVWORLD) -ນິງທ້ວນແມ່ນທ້ອງຖິ່ນທີ່ມີເນື້ອທີ່ປູກອະງຸ່ນໃຫຍ່ທີ່ສຸດຂອງຫວຽດນາມ, ເພື່ອແກ້ງແຍ່ງກັບໝາກອະງຸ່ນນຳເຂົ້າຈາກຕ່າງປະເທດ ແລະ ມຸ່ງໄປເຖິງການສົ່ງອອກ, ບັນດານັກວິທະຍາສາດຢູ່ທ້ອງຖິ່ນໄດ້ ແລະ ພວມປະສົມ ແລະ ຜະລິດແນວພັນໃຫມ່ຫຼາຍຊະນິດ, ໃນນັ້ນ ມີແນວພັນອະງຸ່ນດໍາທີ່ບໍ່ມີແກ່ນ NH04-102. ແນວພັນອະງຸ່ນນີ້ເໝາະສົມກັບດິນຫລາຍຊະນິດ ພິເສດລາຄາແມ່ນສູງກວ່າ 4 ຫາ 5 ເທົ່າເມື່ອທຽບໃສ່ແນວພັນທີ່ມີຢູ່.