(VOVWORLD) -ບັນດາສະມາຊິກພັກ ເປັນຊາວເຜົ່າສ່ວນໜ້ອຍ ໄດ້ມີບົດບາດສຳຄັນໃນການໂຄສະນາ ຂົນຂວາຍປະຊາຊົນ ຢູ່ເຂດຫ່າງໄກສອກຫຼີກ ເຂດປະສົບກັບຄວາມຫຍຸ້ງຍາກເປັນພິເສດ ເພາະວ່າເຂົາເຈົ້າເອງແມ່ນຂົວເຊື່ອມຕໍ່ທີ່ໃກ້ສິດ ສະໜິດສະໜົມທີ່ສຸດ ເພື່ອກຳແໜ້ນຄວາມໃນໃຈ ຄວາມມຸ່ງມາດປາດຖະໜາຂອງປະຊາຊົນໃນເຂດ. ຢູ່ຕາແສງ ກໍມະ ເມືອງ ທ້ວນເຈົາ ແຂວງ ເຊີນລາ ມີສະມາຊິກພັກຄົນໜຶ່ງ ແມ່ນລູກຮັກຫຼານແພງຂອງເຂດພູສູງ ໄດ້ຮັບຄວາມເຊື່ອໝັ້ນ ແລະ ຮັກແພງຈາກພໍ່ແມ່ປະຊາຊົນ ແລະ ໄດ້ຮັບຖືວ່າ ແມ່ນຜູ້ທີ່ມີອິດທິພົນຊື່ສຽງ ຍ້ອນມີບັນດາວຽກງານທີ່ແທດຈິງ ມີຄວາມໝາຍ ເພື່ອຊ່ວຍປະຊາຊົນສ້າງການດຳລົງຊີວິດທີ່ດີກວ່າເກົ່າ

(VOVWORLD) -ໃນການເຄື່ອນໄຫວຕໍ່ສູ້ ປ້ອງກັນ ສະກັດກັ້ນໂລກລະບາດ ໂຄວິດ - 19 ໄດ້ປາກົດມີຜູ້ອາສາສະໝັກຫຼາຍຄົນ ເຮັດວຽກໃນບັນດາເຂດແຍກຕົວ, ໂຮງໝໍຕ່າງໆ. ດ່າວທິເຟືອງແອັງ ຜູ້ນຳທ່ຽວສັງກັດບໍລິສັດຫຸ້ນສ່ວນບໍລິການທ່ອງທ່ຽວສາກົນ BesTour ແມ່ນໜຶ່ງໃນຈຳນວນຜູ້ອາສາສະໝັກດັ່ງກ່າວ. ນາງໄດ້ສະໝັກໃຈໄປຍັງແນວໜ້າ ຕ້ານໂລກລະບາດ ດ້ວຍໜ້າທີ່ເປັນຜູ້ແປພາສາໃຫ້ແກ່ຊາວຕ່າງປະເທດ ຢູ່ເຂດແຍກຕົວຕ່າງໆ

(VOVWORLD) -ໃນການຕໍ່ສູ້ປ້ອງກັນສະກັດກັ້ນໂລກລະບາດ ໂຄວິດ -19, ເພື່ອມີຮູບພາບຂໍ້ມູນຂ່າວສານເປັນຈິງ ກ່ຽວກັບສະພາບໂລກລະບາດ ແລະ ວຽກງານປ້ອງກັນ ສະກັດກັ້ນໂລກລະບາດຂອງທົ່ວປວງຊົນ, ຖັນແຖວນັກຂ່າວ ບັນນາທິການ ບັນດາອົງການສື່ມວນຊົນ ຕ້ອງກິ້ງເກືອກລີເລືອ ຢູ່ທົ່ວທຸກຫົນແຫ່ງ ເພື່ອເອົາຂ່າວຢູ່ບັນດາສະຖານທີ່ເປັນອັນຕະລາຍ. ນັກຂ່າວ ເຈິ່ນທິທ໋າວ ສັງກັດໜັງສືພິມເສດຖະກິດ ແລະ ຕົວເມືອງ ແມ່ນໜຶ່ງໃນບັນດາແບບຢ່າງທີ່ດີເດັ່ນ ບົນສະໜາມຮົບໂຄສະນາ ການຕໍ່ສູ້ປ້ອງກັນສະກັ້ນໂລກລະບາດໂຄວິດ -19. ໃນມໍ່ໆມານີ້ນາງໄດ້ມີຄວາມເປັນກຽດໄດ້ຮັບໃບຍ້ອງຍໍ ຈາກຄະນະກຳມະການປະຊາຊົນນະຄອນ ຮ່າໂນ້ຍ ຍ້ອນມີຜົນງານໃນການໂຄສະນາຢ່າງຕັ້ງໜ້າ ໃນວຽກງານປ້ອງກັນ ສະກັດກັ້ນໂລກລະບາດໂຄວິດ -19

(VOVWORLD) -ກວ່າ 4 ປີທີ່ຜ່ານມາ, ນັກວິສະວະກອນ ເຈິ່ນຫວູແທັ່ງ ໄດ້ສຸມຈິດສຸມໃຈນຳຈັກກັ່ນຕອງນ້ຳເຄັມເປັນນ້ຳຈືດ ມາຮັບໃຊ້ປະຊາຊົນເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ. ໃນຊ່ວງເວລາປະສົບກັບໄພແຫ້ງແລ້ງ ແລະ ນ້ຳທະເລຊຶມຢູ່ບັນດາແຂວງ ເຂດທົ່ງພຽງແມ່ນນ້ຳຂອງທາງພາກໃຕ້ ຫວຽດນາມ, ນັກວິສະວະກອນ ເຈິ່ນຫວູແທັ່ງ ແລະ ບັນດາເພື່ອນຮ່ວມງານຍາມໃດກໍ່ມີໜ້າ ແລະ ຊ່ວຍເຫຼືອພໍ່ແມ່ປະຊາຊົນຢູ່ເຂດດັ່ງກ່າວ ເພື່ອມີນ້ຳຈືດຮັບໃຊ້ຄວາມຕ້ອງການໃນຊີວິດປະຈຳວັນ

(VOVWORLD) -ຮອງສາດສະດາຈານ ປອ ເຈິ່ນທິທູຮ່າ ຫົວໜ້າສະຖານບັນຄົ້ນຄວ້າ ແລະ ພັດທະນາປ່າໄມ້ ມະຫາວິທະຍາໄລກະສິກຳປ່າໄມ້ (ມະຫາວິທະຍາໄລ ຖາຍງວຽນ) ແມ່ນນັກວິທະຍາສາດຍິງທີ່ສຸມຈິດສຸມໃຈ ແລະ ມີຄວາມເມົາມົວໃນການຄົ້ນຄວ້າ ແລະ ອະນຸລັກ ຂະຫຍາຍແນວພັນບັນດາປະເພດຕົ້ນໄມ້, ຕົ້ນຢາສະໝູນໄພທີ່ມີຄ່າຢູ່ ຫວຽດນາມ. ຜົນງານທີ່ໜ້າສົນໃຈ ແມ່ນນາງໄດ້ຄົ້ນຄວ້າປະສົມພັນ ແລະ ປູກຕົ້ນຢາສະໝູນໄພ 40 ຊະນິດຢ່າງສຳລັບຜົນ ອັນໄດ້ນຳມາເຊິ່ງຜົນປະໂຫຍດທາງດ້ານເສດຖະກິດສູງ. ດ້ວຍບັນດາການອຸທິດສ່ວນນີ້, ນາງ ເຈິ່ນທິທູຮ່າ ມີຄວາມເປັນກຽດໄດ້ຮັບລາງວັນ ໂກວາແລັບສະກາຍອາ ປີ 2019 ຈາກສະຫະພັນແມ່ຍິງ ຫວຽດນາມ

(VOVWORLD) -ໂດຍບໍ່ຫວາດຫວັ່ນຕໍ່ຄວາມຫຍຸ້ງຍາກລຳບາກ, ສຸດຈິດສຸດໃຈຕໍ່ວຽກງານ, ນັ້ນແມ່ນບັນດາຄຳຍ້ອງຍໍ ເຊິ່ງບັນດາເພື່ອນອາຊີບ ຢູ່ໂຮງໝໍເມືອງ ຖູດຶກ ນະຄອນ ໂຮ່ຈີມິນ ໄດ້ສະຫງວນໃຫ້ແກ່ທ່ານໝໍ ກີມຟຸກແທັ່ງ ຫົວໜ້າພະແນກແຜນການສັງລວມຂອງໂຮງໝໍ. ທ່ານໝໍໜຸ່ມຄົນນີ້ ຍັງແມ່ນຜູ້ໄດ້ສ້າງບັນດາຂີດໝາຍ ໃນວິຊາສະເພາະ ແລະ ໃນຂະບວນການອາສາສະໝັກ ຢູ່ໂຮງໝໍຂັ້ນເມືອງລະດັບໜຶ່ງ ແຫ່ງທຳອິດໃນທົ່ວປະເທດ . ດ້ວຍບັນດາການອຸທິດສ່ວນໃຫ້ແກ່ໂຮງໝໍ ແລະ ສັງຄົມ, ທ່ານໝໍ ກີມຟຸກແທັ່ງ ໄດ້ມີຄວາມເປັນກຽດກາຍເປັນໜຶ່ງໃນບັນດາແບບຢ່າງຕົວແບບ “ຮ່ຳຮຽນ ແລະ ເຮັດຕາມແນວຄິດຄຸນສົມບັດ ແບບແຜນການດຳລົງຊີວິດຂອງປະທານ ໂຮ່ຈີມິນ” ເຊິ່ງຄະນະພັກນະຄອນ ໂຮ່ຈີມິນ ໄດ້ຍ້ອງຍໍຊົມເຊີຍ ໃນໂອກາດສະເຫຼີມສະຫຼອງ 130 ປີ ແຫ່ງວັນຄ້າຍວັນເກີດຂອງປະທານ ໂຮ່ຈີມິນ

(VOVWORLD) -ດ້ວຍຄວາມເຄົາລົບນັບຖື ແລະ ຮັກແພງທ່ານປະທານ ໂຮ່ຈີມິນ, ລຸງ ເຈິ່ນວັນກາວ ຊາວກະສິກອນຢູ່ບ້ານ ເຖາະເດື່ອງ ຕາແສງ ດ້າຍອຽນ ເມືອງ ເຈືອງໝີ ນະຄອນຮ່າໂນ້ຍໄດ້ສະຫງວນເວລາຫຼາຍປີເພື່ອກໍ່ສ້າງຫ້ອງທີ່ລະນຶກ ກ່ຽວກັບເພິ່ນ. ຫ້ອງທີ່ລະນຶກນີ້ໄດ້ເກັບຮັກສາ ແລະ ວາງສະແດງຮູບຖ່າຍນັບຮ້ອຍແຜ່ນ ກ່ຽວກັບປະທານ ໂຮ່ຈີມິນ ໂດຍທ່ານໄດ້ເກັບກຳມາຫຼາຍປີ

(VOVWORLD) -ຕາມປະເພນີແລ້ວ ຊາວເຜົ່າ ຜູ້ໄທ ເຄີຍຢູ່ເຮືອນຮ້ານ. ໃນເຮືອນຮ້ານແຕ່ລະຫຼັງເຄີຍມີເຮືອນຄົວສອງຫ້ອງ. ນອກຈາກມີຄຸນປະໂຫຍດ ເພື່ອປຸງແຕ່ງອາຫານແລ້ວ, ເຮືອນຄົວຍັງແມ່ນຄວາມງາມໃນຈິດສຳນຶກຂອງຊາວເຜົ່າ ຜູ້ໄທ ແຕ່ລະຄົນ

(VOVWORLD) -ພົນຈັດຕະວາ ເລແທັງເຊີນ ນັກວິລະຊົນກຳລັງປະກອບອາວຸດປະຊາຊົນ, ອະດີດຫົວໜ້າບັນຊາກອງບັນຊາການທະຫານແຂວງ ເກິ່ນເທີ, ອະດີດຫົວໜ້າບັນຊາການກອງພັນ ເຕິຍໂດ ພ້ອມກັບເພື່ອນຮ່ວມກົມກອງຂົນຂວາຍ, ກໍ່ສ້າງເຮຶອນແຫ່ງສາຍຈິດສາຍໃຈ ໄດ້ກວ່າ 1.000 ຫຼັງ. ໄລຍະທາງ 17 ປີແຫ່ງການໄປຂົນຂວາຍ, ປຸກສ້າງເຮືອນດ້ວຍອະນຸສອນຫຼາຍຢ່າງ. ຄວາມເບີກບານມ່ວນຊື່ນຂອງທ່ານໄດ້ທະວີຄູນຂຶ້ນ ເມື່ອມີເຮືອນຂອງເພື່ອນຮ່ວມກົມກອງ ໄດ້ຖືກກໍ່ສ້າງສຳເລັດ

(VOVWORLD) - ເວທີສະແດງລະຄອນຕ່ວງ ຫວຽດນາມ ຫາກໍ່ຖືກສູນເສຍນັກສິລະປິນຍິງ ທີ່ເກັ່ງກ້າສາມາດ ນັ້ນແມ່ນນັກສິລະປິນປະຊາຊົນ ດ່າມລຽນ. ນາງໄດ້ຮັບຖືວ່າ ແມ່ນດາວດວງເດັ່ນຂອງສິລະປະລະຄອນຕ່ວງ ຫວຽດນາມ, ນາງໄດ້ຮັບຄວາມນິຍົມນັບຖືຈາກວົງການນັກສິລະປິນ ຜູ້ນິຍົມລະຄອນຕ່ວງ