(VOVWORLD) -ບັ້ນຕໍ່ສູ້ຕ້ານໂລກລະບາດໂຄວິດ - 19 ຢູ່ຫວຽດນາມພວມກ້າວເຂົ້າສູ່ໄລຍະປະສົບກັບຄວາມຫຍຸ້ງຍາກ, ສິ່ງທ້າທາຍທີ່ສຸດ. ອຳນາດການປົກຄອງທຸກຂັ້ນ, ບັນດາກຳລັງເຂົ້າຮ່ວມການປ້ອງກັນຕ້ານໂລກລະບາດໂດຍກົງແລະປະຊາຊົນທຸກຊັ້ນວັນນະກໍ່ພວມມານະພະຍາຍາມທັງເວັນແລະຄືນເພື່ອຄວບຄຸມໂລກລະບາດໂຄວິດ - 19. ໃນຂະນະທີ່ບັ້ນຕໍ່ສູ້ທີ່ຕ້ອງການການຮ່ວມແຮງຮ່ວມໃຈດັ່ງກ່າວ, ແຕ່ພັດມີບັນດາອົງການຈັດຕັ້ງ, ສ່ວນບຸກຄົນທີ່ຍາມໃດກໍ່ຊອກຫາວິທີເສກສັນປັ້ນແຕ່ງເພື່ອແນໃສ່ທຳລາຍບັນດາໝາກຜົນໃນການປ້ອງກັນຕ້ານໂລກລະບາດຂອງພັກ, ລັດແລະປະຊາຊົນ.

(VOVWORLD) - ວັນທີ 30 ສິງຫາ, ພົນທະຫານຄົນສຸດທ້າຍຂອງ ອາເມລິກາ ໄດ້ອອກຈາກ ອາບການິດສະຖານ ຈາກສະໜາມບິນສາກົນ Hamid Kaizai ຢູ່ນະຄອນຫຼວງ Kabul, ສິ້ນສຸດບັ້ນຍົກຍ້າຍພົນລະເມືອງ ແລະ ຖອນກຳລັງທະຫານທັງໝົດຂອງ ອາເມລິກາ ອອກຈາກ ອາບການິດສະຖານ ຢ່າງເປັນທາງການຕາມຄຳໝັ້ນສັນຍາ.

(VOVWORLD) -ຫວຽດນາມ ໄດ້ເສຍສະຫຼະທາງດ້ານເສດຖະກິດ-ສັງຄົມເພື່ອປະຕິບັດການແຍກຫ່າງແລ້ວ, ດັ່ງນັ້ນຕ້ອງບັນລຸໝາກຜົນການຕ້ານໂລກລະບາດໃຫ້ສຳລັດຜົນ, ຕ້ອງສະກັດກັ້ນ, ຍູ້ໂລກລະບາດໃຫ້ຖອຍໄປໂດຍໄວ ແລະ ມີປະສິດທິຜົນ.

(VOVWORLD) -ວົງການນັກໄຈ້ແຍກຖືວ່າ, ເລື່ອງການຖອນທະຫານອອກຈາກປະເທດນີ້ໃຫ້ໝົດນັ້ນ ພວມປະເຊີນໜ້າກັບຄວາມສ່ຽງ ແລະ ຄວາມກົດດັນຮ້າຍແຮງຫຼາຍຢ່າງ.

(VOVWORL) - ດ້ວຍຈິດໃຈ “ຕ້ານໂລກລະບາດຄືຕ້ານສັດຕູ”, ກອງທັບປະຊາຊົນ ຫວຽດນາມ ພວມແມ່ນກຳລັງສຳຄັນເຂົ້າຮ່ວມການປ້ອງກັນ ຕ້ານໂລກລະບາດໂຄວິດ 19 ໃນທຸກແຖບຖິ່ນຂອງປະເທດຊາດ, ພິເສດ ແມ່ນຢູ່ບັນດາແຂວງທາງພາກໃຕ້ຫວຽດນາມ. ແຕ່ຢູ່ບ່ອນໃດຫນຶ່ງພັດມີຄຳລະແວງສົງໃສກ່ຽວກັບຈຸດປະສົງຂອງບັ້ນຕໍ່ສູ້ເພື່ອຜົນປະໂຫຍດຂອງຊາດ, ຂອງປະເທດ, ສຸຂະພາບ,ຊີວິດອິນຊີຂອງປະຊາຊົນ. ການເສກສັນປັ້ນແຕ່ງບິດເບືອນຄວາມຈິງໃນສະພາບການທົ່ວປະເທດພວມມານະພະຍາຍາມພ້ອມກັບປະຊາຊົນ ພາກໃຕ້ທີ່ຮັກແພງ ຍູ້ໂລກລະບາດໃຫ້ຖອຍໄປນັ້ນ ແທ້ຈິງແມ່ນບັນດາຖ້ອຍທຳນອງບິດເບືອນຄວາມຈິງ, ຊົ່ວຮ້າຍ ແລະ ໄຮ້ຄວາມເປັນມະນຸດ.

(VOVWORLD) - ນັບແຕ່ເມື່ອນຳພາກອງທັບປະຊາຊົນ ຫວຽດນາມ ຍາດເອົາໄຊຊະນະໃນບັ້ນຮົບ ດ້ຽນບຽນຝູ ທີ່ກ້ອງກັງວານໄປທົ່ວ 5 ທະວີບ ເມື່ອປີ 1954 ມາຮອດປະຈຸບັນ, ພົນເອກ ຫວໍງວຽນຢາບ ບໍ່ພຽງແຕ່ແມ່ນນາຍພົນເກັ່ງກ້າສາມາດໃນດວງໃຈຂອງປະຊາຊົນ ຫວຽດນາມ ເທົ່ານັ້ນ ຫາກຍັງແມ່ນນາຍພົນແຫ່ງເທບນິຍາຍຊື່ງໄດ້ຮັບການຮັບຮູ້ຈາກໂລກອີກດ້ວຍ. ຄຸນທາດການທະຫານ ແລະ ອຸດົມຄະຕິອັນສູງສົ່ງຂອງ ພົນເອກ ຫວໍງວຽນຢາບ ໄດ້ເຮັດໃຫ້ປະຊາຄົມສາກົນມີຄວາມເຄົາລົບນັບຖື. ນັບທັງບັນດາປະເທດຝ່າຍຕາເວັນຕົກ, ຊ້ຳບໍ່ໜຳຍັງມີບັນດາປະເທດທີ່ເຄີຍແມ່ນສັດຕູຂອງຫວຽດນາມ ກໍ່ຍອມຮັບຕໍ່ວິລະກຳຂອງເພິ່ນທີ່ໄດ້ຈາລຶກໃນປະຫວັດສາດການທະຫານໂລກ. ພວກເຮົາພ້ອມກັນຫວນຄືນຄຳຍ້ອງຍໍສັນລະເສີນຂອງປະຊາຄົມສາກົນທີ່ມີຕໍ່ ພົນເອກ ຫວໍງວຽນຢາບ ເນື່ອງໃນໂອກາດສະເຫລີມສະຫລອງ 110 ປີແຫ່ງວັນຄ້າຍວັນເກີດຂອງເພິ່ນ (25/8/1911-25/8/2021).

(VOVWORLD) -ພາຍຫຼັງການເດີນທາງໄປຢ້ຽມຢາມ ສິງກະໂປ ແຕ່ວັນທີ 22 ຫາວັນທີ 24 ສິງຫາ, ວັນທີ 24 ສິງຫາ, ທ່ານນາງຮອງປະທານາທິບໍດີ ອາເມລິກາ Kamala Harris ຈະສືບຕໍ່ການເດີນທາງຂອງຕົນ ມາຢ້ຽມຢາມ ຫວຽດນາມ ພາຍໃນເວລາ 3 ວັນ. ນີ້ແມ່ນການເດີນທາງໄປປະຕິບັດງານການຕ່າງປະເທດຄັ້ງທຳອິດຂອງທ່ານນາງ Kamala Harris ໃນຖານະເປັນຮອງປະທານາທິບໍດີ ພາຍໃຕ້ອຳນາດການປົກຄອງຊຸດໃໝ່ຂອງ ອາເມລິກາ ເພື່ອແນໃສ່ສະແດງຄຳໝັ້ນສັນຍາຍາວນານ ຂອງ ອາເມລິກາ ກັບ ພາກພື້ນອາຊີຕາເວັນອອກສ່ຽງໃຕ້ ແລະ ຊຸກຍູ້ການຮ່ວມມືໃນຫຼາຍຂົງເຂດ.

(VOVWORLD) -AIPA ຕ້ອງຮ່ວມເດີນທາງ, ຮຽງບ່າຮຽງໄຫຼ່ພ້ອມກັບອາຊຽນ ຊຸກຍູ້ການປະຕິບັດບັນດາຂໍ້ລິເລີ່ມກ່ຽວກັບກອງທຶນຮັບມືກັບໂລກລະບາດໂຄວິດ-19, ພິເສດແມ່ນການຜັນຂະຫຍາຍແຜນການລວມຂອງອາຊຽນ

(VOVWORLD) -ບົດກ່າວຄຳເຫັນຂອງທ່ານນາຍົກລັດຖະມົນຕີ ຟ້າມມິນຈິ໊ງ ໄດ້ຊີ້ໃຫ້ເຫັນສິ່ງທ້າທາຍຢ່າງຖືກຕ້ອງ, ຮຽກຮ້ອງຕ້ອງວິທີການຮັບມືທີ່ມີລັກສະນະລວມໝູ່ ແລະ ທົ່ວໂລກຢ່າງແທ້ຈິງ.

(VOVWORLD) -ການປະຕິວັດເດືອນສິງຫາ ແລະ ການສ້າງຕັ້ງລັດ ສາທາລະນະລັດ ປະຊາທິປະໄຕ ຫວຽດນາມໃນລະດູໃບໄມ້ຫລົ່ນປີ 1945 ໄດ້ສ້າງບາດລ້ຽວປະຫວັດສາດ, ເຮັດໃຫ້ຊະຕາກຳຂອງປະເທດ ແລະ ຂອງຊາດຫວຽດນາມ ປ່ຽນແປງໂດຍພື້ນຖານ. ໄຊຊະນະຂອງ ການປະຕິວັດເດືອນສິງຫາ ໄດ້ຢັ້ງຢືນບົດບາດສຳຄັນຂອງພັກກອມມູນິດ ຫວຽດນາມ ໃນການວາງອອກແນວທາງປົດປ່ອຍຊາດອັນຖືກຕ້ອງ, ເຕົ້ມໂຮມຄວາມສາມັກຄີກຳລັງແຮງຂອງທົ່ວປວງຊົນ ແລະ ມີວິທີການຕໍ່ສູ້ຢ່າງເໝາະສົມເພື່ອສ້າງກຳລັງແຮງສັງລວມ ພ້ອມທັງໃຫ້ກຳລັງໃຈປະຊາຊົນທົ່ວປະເທດຍາດໄດ້ໄຊຊະນະ. ບັນດາບົດຮຽນເຫຼົ່ານີ້ຍັງຄົງມີຄຸນຄ່າ ແລະ ພວມໄດ້ຮັບການເສີມຂະຫຍາຍຢ່າງແຮງໃນກິດຈະການສ້າງສາ, ປົກປັກຮັກສາ ແລະ ພັດທະນາປະເທດຊາດປະຈຸບັນ.