(VOVWORLD) - ລະດູບານໃໝ່ປີ 1975, ສົງຄາມທີ່ແກ່ຍາວທີ່ສຸດໃນປະຫວັດສາດ ອາເມລິກາ ໂດຍກອງທັບ ອາເມລິກາ ເຮັດສົງຄາມຢູ່ ຫວຽດນາມ ໄດ້ສິ້ນສຸດລົງຢ່າງສິ້ນເຊີງ ດ້ວຍບັ້ນຮົບ ໂຮ່ຈີມິນ ແຫ່ງປະຫວັດສາດ. ພາຍຫຼັງ 46 ປີ ນັບແຕ່ລະດູບານໃໝ່ປີນັ້ນເປັນຕົ້ນມາ, ການພົວພັນລະຫວ່າງ ຫວຽດນາມ - ອາເມລິກາ ໄດ້ມີການຫັນປ່ຽນຫຼາຍຢ່າງ, ຈາກການພົວພັນທີ່ສູ້ຢັນກັນປ່ຽນມາສົນທະນາກັນ ແລ້ວກາຍເປັນສາຍພົວພັນແບບເພື່ອນມິດ, ເປັນຄູ່ຮ່ວມມືຂອງກັນ ແລະ ພັດທະນາກາຍເປັນສາຍພົວພັນຄູ່ຮ່ວມມືຮອບດ້ານ. ເພື່ອບັນລຸໄດ້ຜົນງານດັ່ງກ່າວ ກໍຍ້ອນວ່າ ທັງສອງຝ່າຍໄດ້ພ້ອມກັນມານະພະຍາຍາມແກ້ໄຂຄວາມຄຽດແຄ້ນບາດໝາງ, ສ້າງຄວາມໄວ້ເນື້ອເຊື່ອໃຈ, ພ້ອມກັນແກ້ໄຂຜົນຮ້າຍຢ້ອນຫຼັງຈາກສົງຄາມ ບົນເນື້ອໃນຈິດໃຈສ້າງສັນ.

(VOVWORLD) - ມະຫາໄຊລະດູບານໃຫມ່ ເມື່ອວັນທີ 30 ເມສາປີ 1975 ກ່ອນນີ້ 46 ປີເຕັມ ໄດ້ສ້າງບາດລ້ຽວອັນຍິ່ງໃຫຍ່ໃນປະຫວັດສາດຂອງຊາດ ຫວຽດນາມ, ນຳປະເທດກ້າວເຂົ້າສູ່ສັງກາດໃຫມ່ ເອກະລາດ ເສລີພາບ, ເປັນເອກະພາບ ແລະ ສັງຄົມນິຍົມ. ນັບແຕ່ນັ້ນເປັນຕົ້ນມາ, ຫວຽດນາມ ໄດ້ມີການພັດທະນາຢ່າງບໍ່ຢຸດຢັ້ງ, ຢຶດໝັ້ນຕາມບັນດາເປົ້າໝາຍທີ່ໄດ້ເລືອກ, ພັດທະນາແບບຍືນຍົງ ແລະ ເຊື່ອມໂຍງຢ່າງແຮງພ້ອມກັບປະຊາຄົມນາໆຊາດໃນໂລກ.

(VOVWORLD) -ສະພາເລືອກຕັ້ງແຫ່ງຊາດ ໃນວັນທີ 27 ເມສາ ໄດ້ປະກາດບັນຊີລາຍຊື່ຜູ້ສະໝັກເລືອກຕັ້ງເປັນສະມາຊິກສະພາແຫ່ງຊາດຊຸດທີ 15 868 ທ່ານ. ຕາມຂໍ້ກຳນົດຂອງກົດໝາຍ, ເລີ່ມແຕ່ວັນປະກາດບັນຊີລາຍຊື່ຢ່າງເປັນທາງ, ບັນດາຜູ້ສະໝັກຮັບເລືອກຕັ້ງ ຈະດຳເນີນການຂົນຂວາຍເລືອກຕັ້ງ ແລະ ວຽກງານນີ້ຕ້ອງສິ້ນສຸດລົງກ່ອນເວລາເລີ່ມປ່ອນບັດເລືອກຕັ້ງ 24 ຊົ່ວໂມງ. ການຂົນຂວາຍເລືອກຕັ້ງ ແມ່ນວຽກງານສຳຄັນທີ່ສຸດ ເພື່ອໃຫ້ຜູ້ມີສິດເລືອກຕັ້ງ ເລືອກເອົາບັນດາຜູ້ແທນທີ່ເໝາະສົມ. ໃນຂະນະນີ້, ຄະນະກຳມະການແນວໂຮມປະເທດຊາດ ບັນດາແຂວງ, ນະຄອນ ພວມສົມທົບກັບຄະນະກຳມະການປະຊາຊົນຂັ້ນດຽວກັນ ເພື່ອກະກຽມໃຫ້ແກ່ການຈັດຕັ້ງກອງປະຊຸມພົບປະກັບຜູ້ມີສິດເລືອກຕັ້ງເພື່ອໃຫ້ບັນດາຜູ້ສະໝັກເລືອກຕັ້ງປະຕິບັດສິດຂົນຂວາຍເລືອກຕັ້ງ.

(VOVWORLD) -ວັນທີ 25 ເມສາ, ທ່ານພົນຕີ Austin Scott Miller, ຜູ້ບັນຊາການບັນດາກຳລັງສາກົນ ໂດຍ ອາມເລິກາ ນຳໜ້າ ຢູ່ ອາບການິດສະຖານ ຖະແຫຼງວ່າ: ອາເມລິກາ ແລະ ອົງການ ນາໂຕ ເລີ່ມຖອນທະຫານອອກຈາກ ອາບການິດສະຖານ ແລ້ວ. ຄຳຖະແຫຼງດັ່ງກ່າວຖືກຖືວ່າ ແມ່ນບາດກ້າວຫັນຄຳໝັ້ນສັນຍາຖອນທະຫານອອກຈາກສະໜາມຮົບ ອາຊີໃຕ້ ໃຫ້ປະກົດຜົນເປັນຈິງ ຊື່ງທ່ານປະທານາທິບໍດີ ອາເມລິກາ Joe Biden ໄດ້ຍົກອອກມາກ່ອນນັ້ນ.

(VOVWORLD) -ເຂົ້າຮ່ວມກອງປະຊຸມ, ທ່ານນາຍົກລັດຖະມົນຕີ ຟ້າມມີນຈິ໊ງ ໄດ້ຍົກອອກບັນດາຂໍ້ລິເລີ່ມ, ຂໍ້ສະເໜີແນະຢືນຢັນບົດບາດ, ທີ່ຕັ້ງຂອງຫວຽດນາມ ແມ່ນເພື່ອປະກອບສ່ວນແກ້ໄຂບັນດາສິ່ງທ້າທາຍທີ່ພວມພົ້ນເດັ່ນຂຶ້ນຢູ່ພາກພື້ນ.

(VOVWORLD) - ໂດຍໄດ້ຮັບຄຳເຊີນຂອງ ພະບາດສົມເດັດພະມະຫາຊີວິດ ບຣູໄນ Darussalam Haji Hassanal Bolkiah, ປະທານ ອາຊຽນ 2021, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິ໊ງ ໄດ້ເຂົ້າຮ່ວມກອງປະຊຸມບັນດາການນຳ ອາຊຽນ ຢູ່ ຈາກາຕາ, ປະເທດ ອິນໂດເນເຊຍ ໃນລະຫວ່າງວັນທີ 23 – 24 ເມສາ. ນີ້ແມ່ນການເດີນທາງໄປປະຕິບັດງານຢູ່ຕ່າງປະເທດຄັ້ງທຳອິດ ຂອງທ່ານ ຟ້າມມິນຈິ໊ງ ໃນຖານະເປັນນາຍົກລັດຖະມົນຕີ, ພ້ອມທັງຢັ້ງຢືນບຸລິມະສິດຂອງ ຫວຽດນາມ ແມ່ນປັບປຸງຄວາມສາມັກຄີ, ການອູ້ມຊູຊ່ວຍເຫຼືອກັບບັນດາປະເທດສະມາຊິກ ອາຊຽນ ໃນການແກ້ໄຂບັນດາສິ່ງທ້າທາຍ, ຜ່ານນັ້ນ ສ້າງສະພາບແວດລ້ອມແຫ່ງສັນຕິພາບ ແລະ ຄວາມສະດວກ ໃຫ້ແກ່ການພັດທະນາແບບຍືນຍົງຂອງແຕ່ລະປະເທດ ແລະ ຂອງທັງພາກພື້ນ. ການປະຕິບັດງານຄັ້ງນີ້ ກໍຢັ້ງຢືນຄຳໝັ້ນສັນຍາ, ຄວາມຮັບຜິດຊອບ, ການປະກອບສ່ວນຢ່າງເປັນເຈົ້າການ ແລະ ຕັ້ງໜ້າຂອງ ຫວຽດນາມ ສຳລັບບັນດາບັນຫາລວມຂອງພາກພື້ນ ແລະ ສາກົນ.

(VOVWORLD) -ປະຊາຊົນຫວຽດນາມ ຫາກໍ່ເຂົ້າຮ່ວມພິທີໄຫວ້ບູຊາເຈົ້າຊີວິດ ຮຸ່ງ ໃນວັນທີ 21 ເມສາປີ 2021. ໃນມໍລະດົກວັດທະນະທຳຂອງຊາດ ຫວຽດນາມ, ວິຫານ ຮຸ່ງ ແລະ ວັນໄຫວ້ບູຊາເຈົ້າຊີວິດ ຮຸ່ງ ແມ່ນສັນຍາລັກຂອງຈິດໃຈຮັກຊາດ ແລະ ກຳລັງແຮງມະຫາສາມັກຄີທົ່ວປວງຊົນທັງຊາດ. ວັນໄຫວ້ບູຊາເຈົ້າຊີວິດ ຮຸ່ງ ປະຈຳປີ ແມ່ນວັນບຸນໃຫຍ່ຂອງຊາດ ມີສີສັນວັດທະນະທຳອັນເລິກເຊິ່ງ ແລະ ເປັນເອກະລັກຂອງຊາດຫຽດນາມ, ສະແດງໃຫ້ເຫັນຫລັກສິນທຳ “ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ” ອາໄລຫາ ແລະ ສະແດງຄວາມຮູ້ບຸນຄຸນບັນດາເຈົ້າຊີວິດ ຮຸ່ງ ທີ່ໄດ້ມີຄຸນງາມຄວາມດີໃນການສ້າງສາ ແລະ ປົກປັກຮັກສາປະເທດຊາດ.

(VOVWORLD) - ການຄ້າເອເລັກໂຕນິກພວມພັດທະນາຢ່າງແຂງແຮງຢູ່ ຫວຽດນາມ. ໄປພ້ອມກັບການພັດທະນາຂອງເສດຖະກິດດີຈີຕອນ, ການເຄື່ອນໄຫວດຳເນີນທຸລະກິດຄ້າຂາຍສິນຄ້າ, ການບໍລິການຜ່ານລະບົບການຄ້າເອເລັກໂຕນິກ ພວມນັບມື້ນັບແຜ່ຂະຫຍາຍ ແລະ ກາຍເປັນປັດໄຈ ຊ່ວຍໃຫ້ບັນດາວິສາຫະກິດປະສົບຜົນສຳເລັດ.

(VOVWORLD) -ວັນທີ 19 ເມສາ, ໃນຖານະເປັນປະທານສະພາຄວາມໝັ້ນຄົງ ສປຊ ເດືອນເມສາປີ 2021, ທ່ານປະທານປະເທດຫວຽດນາມ ຫງວຽນຊັວນຝຸກ ໄດ້ເປັນປະທານວາລະປະຊຸມເປີດຂັ້ນສູງຂອງ ສະພາຄວາມໝັ້ນຄົງ ສປຊ ກ່ຽວກັບຫົວເລື່ອງ “ເພີ່ມທະວີການຮ່ວມມືລະຫວ່າງ ສປຊ ກັບບັນດາອົງການຈັ້ງຕັ້ງພາກພື້ນ ເພື່ອແນໃສ່ຊຸກຍູ້ການສ້າງຄວາມໄວ້ເນື້ອເຊື່ອໃຈ ແລະ ການໂອ້ລົມສົນທະນາ ໃນການສະກັດກັ້ນ ແລະ ແກ້ໄຂການປະທະກັນ”. ບົດກ່າວປາໄສຂອງທ່ານປະທານປະເທດ ໃນວາລະປຶກສາຫາລື ໄດ້ຍົກອອກຄວາມສຳຄັນຂອງການສ້າງຄວາມໄວ້ເນື້ອເຊື່ອໃຈໃນການພົວພັນສາກົນ, ຢັ້ງຢືນສານທີ່ວ່າ ຫວຽດນາມ ແມ່ນຄູ່ຮ່ວມມືທີ່ຕັ້ງໜ້າ ເພື່ອພື້ນຖານສັນຕິພາບຍືນຍົງ.

(VOVWORLD) -ເຫດການນີ້ເປັນການຢັ້ງຢືນອີກເທື່ອໜຶ່ງກ່ຽວກັບບົດບາດຂອງຫວຽດນາມ ໃນເລື່ອງຕັ້ງໜ້າປະກອບສ່ວນ ແລະ ແບ່ງປັນໂດຍມີຄວາມຮັບຜິດຊອບກັບສະຫະປະຊາຊາດ, ແກ້ໄຂການປະທະກັນ, ເພື່ອ ສະຖຽນລະພາບ ແລະ ຄວາມວັດທະນາຖາວອນຂອງໂລກ.