(VOVWORLD) -ການເຈລະຈາ Shangri- La ຫລືເອີ້ນວ່າ ກອງປະຊຸມສຸດຍອດຄວາມໝັ້ນຄົງ ອາຊີ ປີ 2017 ຈະໄຂຂຶ້ນໃນວັນທີ 2 ມີຖຸນາ ແລະ ແກ່ຍາວເປັນເວລາ 3 ວັນ. ນີ້ແມ່ນເວທີປາໄສເຈລະຈາປະຈຳປີ, ກອງປະຊຸມ Shangri-La ປີນີ້, ຄຽງຂ້າງສຸມໃສ່ປຶກສາຫາລືກ່ຽວກັບບັນດາບັນຫາຮ້ອນເຮັ່ງຂອງຄວາມໝັ້ນຄົງພາກພື້ນແລ້ວ, ຄາດວ່າ ຈະສະຫງວນເວລາສ່ວນຫລາຍໃຫ້ແກ່ບັນຫາຄວາມໝັ້ນຄົງຢູ່ທະເລຕາເວັນອອກ, ໃນສະພາບການພາກພື້ນນີ້ ມີການຜັນແປຫລາຍຢ່າງໃນໄລຍະຜ່ານມາ.

(VOVWORLD) -ປີ 2017 ເປັນຂີດໝາຍ 40 ປີ ທີ່ຫວຽດນາມ ເຂົ້າເປັນສະມາຊິກຂອງສະຫະປະຊາຊາດ (20/09/1977), ເປັນຂີດໝາຍໃຫ້ແກ່ການຮັບຮອງຂອງປະຊາຄົມສາກົນສຳລັບປະເທດ ຫວຽດນາມ ເອກະລາດ, ເສລີພາບ, ເອກະພາບ, ເປີດໄລຍະໃຫ້ ຫວຽດນາມ ກ້າວເຂົ້າສູ່ການເຊື່ອມໂຍງເຂົ້າກັບສາກົນ. 40 ປີຜ່ານມາ, ການຮ່ວມມືລະຫວ່າງ ຫວຽດນາມ ແລະ ສະຫະປະຊາຊາດ (ສປຊ) ກາຍເປັນຕົວຢ່າງພົ້ນເດັ່ນກ່ຽວກັບການຮ່ວມມືພັດທະນາລະຫວ່າງບັນດາປະເທດສະມາຊິກ ສປຊ ກໍ່ຄືກ່ຽວກັບບົດບາດຂອງ ສປຊ ໃນເລື່ອງຊຸກຍູ້ການຮ່ວມມືສາກົນ ເພື່ອແນໃສ່ແກ້ໄຂບັນດາບັນຫາເສດຖະກິດ, ສັງຄົມ, ວັດທະນະທຳ ແລະ ມະນຸດສະທຳ.

(VOVWORLD) - ວັນທີ 27 ພຶດສະພາ, ຜູ້ເຊື່ອຖືສາສະໜາ ອິດສະລາມ ກ່ວາ 1,6 ຕື້ຄົນໃນໂລກໄດ້ເລີ່ມກ້າວເຂົ້າສູ່ເດືອນເທດສະການ Ramadan, ເຊິ່ງແມ່ນງານບຸນສຳຄັນດ້ວຍຂອບຂະໜາດໃຫຍ່ໃນປີຂອງສາສະໜາອິດສະລາມ. ສຳລັບຊາວມຸດສະລິມສ່ວນຫຼາຍນັ້ນ, ເດືອນເທດສະການ Ramadan ແມ່ນຈຸດເວລາສຳລັບການສວນມົນພາວະນາ ແລະ ດຳເນີນບັນດາການເຄື່ອນໄຫວເພື່ອການກຸສົນ. ແຕ່ເຖິງຢ່າງໃດກໍ່ຕາມ, ເດືອນເທດສະການ Ramadan ປີນີ້, ບັນຍາກາດຄວາມເປັນຫ່ວງຕໍ່ໄພກໍ່ການຮ້າຍພວມປົກຄຸມໄປທົ່ວ, ພິເສດແມ່ນຢູ່ເອີລົບ, ເຊິ່ງແມ່ນແຫ່ງແຕ່ດົນນານມາແລ້ວບໍ່ໄດ້ຮັບຖືວ່າແມ່ນເຂດດິນແດນມີຄວາມສະຫງົບອີກແລ້ວ.

(VOVWORLD) -ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ພວມຢ້ຽມຢາມສະຫະລັດອາເມລິກາ ຢ່າງເປັນທາງການ ໃນລະຫວ່າງວັນທີ 29 – 31 ພຶດສະພາ. ການຢ້ຽມຢາມອາເມລິກາ ຢ່າງເປັນທາງການຄັ້ງທຳອິດຂອງທ່ານນາຍົກລັດຖະມົນຕີ ຫງວຽນຊວນຟຸກ ໃນຖານະຕຳແໜ່ງເປັນນາຍົກລັດຖະມົນຕີ ແລະ ແມ່ນການພົບປະຄັ້ງທຳອິດລະຫວ່າງການນຳຫວຽດນາມ ແລະ ທ່ານປະທານາທິບໍດີອາມເລິກາ Donald Trump ມີຄວາມໝາຍສຳຄັນພິເສດສຳລັບອະນາຄົດຂອງການພົວພັນຮ່ວມມືຫວຽດນາມ - ອາເມລິກາ. ບົດຂຽນຂອງບັນນາທິການ ທູຮວາ ດ້ວຍຫົວຂໍ້ວ່າ “ຊຸກຍູ້ການພົວພັນຄູ່ຮ່ວມມືຮອບດ້ານຫວຽດນາມ - ອາເມລິກາ ໃຫ້ພັດທະນາ”.

(VOVWORLD) - ບັນດາອົງການມີໜ້າທີ່ຮັບຜິດຊອບຂອງ ຫວຽດນາມ ຫາກໍ່ຈັບຕົວກັກຂັງຊົ່ວຄາວເພື່ອສືບສວນຕັດສິນລົງໂທດບາງເປົ້າໝາຍມີການກະທຳໂຄສະນາເຜີຍແຜ່ຕ້ານລັດ ສສ ຫວຽດນາມ ຕາມມາດຕາ 88 ແລະ ມາດຕາ 258 ຂອງປະມວນກົດໝາຍອາຍາ. ວຽກງານທີ່ຖືກຕ້ອງນີ້ແມ່ນຈຳເປັນເພື່ອຮັບປະກັນລັກສະນະເຄົາລົບ, ເຄັ່ງຄັດໂປ່ງໃສ ແລະ ທ່ຽງທາຂອງກົດໝາຍ. ບົດຂຽນຂອງບັນນາທິການ ທູຮວາ ດ້ວຍຫົວຂໍ້ວ່າ “ປະຕິບັດຖືກຕ້ອງຕາມກົດໝາຍ ຫວຽດນາມ ແລະ ສາກົນ”.

(VOVWORLD) -ພາຍຫລັງເຫດປະທະກັນລະຫວ່າງກຳລັງລັດຖະບານ ແລະ ກຸ່ມກະບົດ, ວັນທີ 24 ພຶດສະພາ, ນະຄອນ Marawi (ເກາະ Mindanao ປະເທດຟິລີບປີນ) ໄດ້ກາຍເປັນຕົວເມືອງທຳອິດຢູ່ ອາຊີຕາເວັນອອກສ່ຽງໃຕ້ ຖືກຮັບການກວດກາຈາກກຳລັງຈົ່ງຮັກພັກດີກັບ IS. ດ້ວຍ 15% ໃນຍອດຈຳນວນຊາວມຸດສະລິມ 1,57 ຕື້ຄົນໃນໂລກ ພວມດຳລົງຊີວິດຢູ່ ອາຊີຕາເວັນອອກສ່ຽງໃຕ້, ເຫດການດັ່ງກ່າວໄດ້ກໍ່ຄວາມວິຕົກກັງວົນວ່າ ພາກພື້ນ ອາຊີ ຕາເວັນອອກສ່ຽງໃຕ້ ອາດຈະກາຍເປັນສະຖານທີ່ເຄັ່ງຮ້ອນ ຮັບສະຫມັກນາຍທະຫານຂອງອົງການລັດອິດສະລາມ (IS) ອ້າງຊື່ເອງ.

(VOVWORLD) - ຮ່າງກົດໝາຍໜູນຊ່ວຍວິສາຫະກິດຂະໜາດກາງ ແລະ ນ້ອຍ ຫາກໍ່ໄດ້ຮັບການປຶກສາຫາລື ແລະ ຄາດວ່າ ຈະຮັບຮອງເອົາຢູ່ກອງປະຊຸມສະໄໝສາມັນເທື່ອທີ 3, ສະພາແຫ່ງຊາດຊຸດທີ 14 ມີຄວາມໝາຍສຳຄັນສຳລັບການພັດທະນາຂອງພື້ນຖານເສດຖະກິດ, ພິເສດ ພາຍຫລັງມີມະຕິຂອງພັກ ກ່ຽວກັບການພັດທະນາເສດຖະກິດພາກເອກະຊົນ. ທີ່ເວທີປາໄສສະພາແຫ່ງຊາດ, ເນື້ອໃນກ່ຽວກັບການໜູນຊ່ວຍວິສາຫະກິດ ຊຶ່ງບັນດາສະມາຊິກສະພາແຫ່ງຊາດມີຄວາມສົນໃຈເປັນພິເສດວ່າ ເຮັດແນວໃດ ໃຫ້ບັນດາຂໍ້ກຳນົດໃນຮ່າງກົດໝາຍໄດ້ໃກ້ຊິດຕິດແທດກັບພຶດຕິກຳຕົວຈິງ, ມີການຜັນຂະຫຍາຍຢ່າງງ່າຍດາຍ. ບັນນາທິການ VOV ໄດ້ລວບລວມຄຳເຫັນຂອງບັນດາສະມາຊິກສະພາແຫ່ງຊາດກ່ຽວກັບຮ່າງກົດໝາຍສະບັບນີ້ ຜ່ານບົດຂຽນ ຮັບປະກັນລັກສະນະປະສິດທິຜົນ ໃນການໜູນຊ່ວຍວິສາຫະກິດຂະໜາດກາງ ແລະ ນ້ອຍ.

(VOVWORLD) - ທ່ານປະທານາທິບໍດີ ອາເມລິກາ Donald Trump ພວມມີການຢ້ຽມຢາມຕ່າງປະເທດຄັ້ງທຳອິດ ນັບແຕ່ເມື່ອຂຶ້ນກຳອຳນາດ, ດ້ວຍການຢ້ຽມຢາມເຖິງບັນດາປະເທດ: ອາຣັບບິ ຊະອຸດິ, ອິດສະລາແອັນ, ສຳນັກວາຕີກັງ, ແບນຊິກ ແລະ ອີຕາລີ ໃນລະຫວ່າງວັນທີ 19 – 27 ພຶດສະພາ 2017. ເຖິງວ່າເສັ້ນທາງໄປຢ້ຽມຢາມຍັງບໍ່ຮອດເຄິ່ງໜຶ່ງກໍ່ຕາມ ແຕ່ທ່ານປະທານາທິບໍດີ ອາເມລິກາ Donald Trump ໄດ້ຮັບຜົນງານຫລາຍຢ່າງກ່ຽວກັບການພົວພັນດ້ານການເມືອງ, ຄວາມໝັ້ນຄົງ, ເສດຖະກິດ. ບົດຂຽນຂອງບັນນາທິການ ທູຮວາ ດ້ວຍຫົວຂໍ້ວ່າ “ການຢ້ຽມຢາມຫລາຍເປົ້າໝາຍ”.

(VOVWORLD) -ທີ່ວາລະໄຂກອງປະຊຸມສະໄໝສາມັນເທື່ອທີ 3, ສະພາແຫ່ງຊາດຫວຽດນາມ ຊຸດທີ 14, ໃນຕອນເຊົ້າວັນທີ 22 ພຶດສະພາ, ບົດລາຍງານຂອງລັດຖະບານ ໂດຍທ່ານຮອງນາຍົກລັດຖະມົນຕີຜູ້ປະຈຳການ ເຈືອງຮ່ວາບິ່ງ ສະເໜີ ໄດ້ຊີ້ແຈ້ງບັນດາໝາກຜົນດ້ານເສດຖະກິດ, ສັງຄົມທີ່ບັນລຸໄດ້ໃນ 4 ເດືອນຕົ້ນປີ 2017. ບົດລາຍງານກໍ່ຊີ້ແຈ້ງບັນດາມາດຕະການແກ້ໄຂຕົ້ນຕໍ່ເພື່ອໃຫ້ລັດຖະບານປະຕິບັດສຳເລັດຄາດໝາຍເຕີບໂຕ GDP 6,7% ໃນປີ 2017 ຄືດັ່ງສະພາແຫ່ງຊາດໄດ້ຮັບຮອງເອົາ.

(VOVWORLD) - ໂດຍກົງກັບໂອກາດສະເຫຼີມສະຫຼອງ 127 ປີແຫ່ງວັນຄ້າຍວັນເກີດປະທານ ໂຮ່ຈີມິນ, ຄະນະເລຂາສູນກາງພັກກອມມູນິດ ຫວຽດນາມ ໄດ້ສະຫລຸບ 1 ປີແຫ່ງການປະຕິບັດຄຳສັ່ງເລກທີ 05 ຂອງກົມການເມືອງ ກ່ຽວກັບການ “ສືບຕໍ່ຍູ້ແຮງການຮ່ຳຮຽນຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານ ໂຮ່ຈີມິນ”. ຄົນທີ່ເປັນແບບຢ່າງໃນການຮ່ຳຮຽນຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານ ໂຮ່ຈີມິນ ໄດ້ສະແດງໃຫ້ເຫັນວ່າການຮ່ຳຮຽນຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານ ໂຮ່ຈີມິນ ດ້ວຍບັນດາການກະທຳຢ່າງລະອຽດ, ແທດຈິງໄດ້ກາຍເປັນການກະທຳປະຈຳວັນຂອງພະນັກງານທຸກຂັ້ນ ແລະ ປະຊາຊົນ. ບົດຂຽນຂອງ ລ້າຍຮວາ, ນັກຂ່າວ VOV.