(VOVWORLD) -ຍາມໃດ VOV ກໍ່ຢືນຢັນບົດບາດແມ່ນອົງການກະບອກສຽງສຳຄັນແຖວໜ້າຂອງ ຫວຽດນາມ, ແມ່ນສຽງຂອງພັກ, ລັດ ແລະ ປະຊາຊົນ ຫວຽດນາມ, ເປັນຂົວເຊື່ອມຕໍ່ມິດຕະພາບທີ່ເປັນມິດ, ໃກ້ຊິດສະໜິດສະໜົມລະຫວ່າງ ຫວຽດນາມ ກັບເພື່ອນມິດສາກົນ.

(VOVWORLD) - ພ້ອມກັບຄວາມມານະພະຍາຍາມຂອງບັນດາກຳລັງຢູ່ກັບທີ່ແລ້ວ, ໃນຊຸມວັນຜ່ານມາ, ປະຊາຄົມສາກົນໄດ້ສືບຕໍ່ເພີ່ມທະວີການໜູນຊ່ວຍຕວກກີ ແລະ ຊີຣີ ດຳເນີນວຽກງານກູ້ໄພກູ້ຊີບ ແລະ ແກ້ໄຂຜົນຮ້າຍຢ້ອນຫຼັງຢ່າງໜັກໜ່ວງຈາກເຫດແຜ່ນດິນໄຫວເກີດຂຶ້ນໃນວັນທີ 6 ກຸມພາ. ການຮ່ວມແຮງຮ່ວມໃຈຂອງປະຊາຄົມສາກົນ, ໃນນັ້ນມີ ຫວຽດນາມ, ບໍ່ພຽງແຕ່ຊ່ວຍກູ້ເອົາຊີວິດໃຫ້ບັນດາຜູ້ປະສົບເຄາະຮ້າຍເທົ່ານັ້ນ, ຫາກຍັງໄດ້ຊ່ວຍຮັບປະກັນຊີວິດການເປັນຢູ່ປົກກະຕິໃຫ້ແກ່ປະຊາຊົນຜູ້ຖືກຜົນສະທ້ອນຈາກໄພພິບັດແຜ່ນດິນໄຫວນັບລ້ານໆຄົນອີກດ້ວຍ.

(VOVWORLD) -ສຳນັກພິມຈຳຫນ່າຍການເມືອງແຫ່ງຊາດ - ສຶ້ເທິດ (ຄວາມຈິງ) ຫາກໍ່ພິມຈຳຫນ່າຍປື້ມ “ເດັດດ່ຽວ, ຢຶດໝັ້ນຕໍ່ສູ້ປ້ອງກັນ, ຕ້ານການສໍ້ລາດບັງຫລວງ, ການຫຍໍ້ທໍ້, ປະກອບສ່ວນກໍ່ສ້າງພັກ ແລະ ລັດຫວຽດນາມ ໃຫ້ນັບມື້ນັບປອດໃສ, ໝັ້ນຄົງ, ເຂັ້ມແຂງ” ຂອງທ່ານເລຂາທິການໃຫຍ່ ຫງວຽນຝູຈ້ອງ ເນື່ອງໃນໂອກາດ ສະເຫລີມສະຫລອງ 93 ປີແຫ່ງວັນສ້າງຕັ້ງ ພັກກອມມູນິດ ຫວຽດນາມ (3/2/1930 – 3/2/2023). ບັນດາຜູ້ຊ່ຽວຊານຕີລາຄາວ່າ ນີ້ແມ່ນຊຸດເອກະສານທີ່ມີປະໂຫຍດ, ປະກອບສ່ວນຍົກສູງຄວາມຮັບຮູ້, ສ້າງຄວາມເຫັນດີເຫັນພ້ອມຂອງບັນດາພະນັກງານ, ສະມາຊິກພັກ, ປະຊາຊົນ ກໍ່ຄືທົ່ວລະບົບການເມືອງໃນພາລະກິດແຫ່ງການຕໍ່ສູ້ປ້ອງກັນ, ຕ້ານການສໍ້ລາດບັງຫລວງ, ການຫຍໍ້ທໍ້.

(VOVWORLD) - ໂດຍໄດ້ຮັບຄຳເຊື້ອເຊີນຂອງທ່ານນາຍົກລັດຖະມົນຕີ ສ.ສິງກະໂປ ລີຊຽນຫຼົງ ແລະ ກະສັດ Sultan Haji Hassanal Bolkiah ແຫ່ງ ລາຊະອານາຈັກ ບຣູໄນ ດາຣູຊາລາມ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງ ຫວຽດນາມ ໄດ້ເດີນທາງໄປຢ້ຽມຢາມ ປະເທດ ສ.ສິງກະໂປ ແລະ ບຣູໄນ ດາຣູຊາລາມ ຢ່າງເປັນທາງການແຕ່ວັນທີ 8 – 11 ກຸມພາ ປີ 2023. ການຢ້ຽມຢາມຢ່າງເປັນທາງການຢູ່ສອງປະເທດ ສະມາຊິກ ອາຊຽນ ຂອງທ່ານນາຍົກລັດຖະມົນຕີ ຟ້າມມິງຈິງ ສະແດງມໃຫ້ເຫັນການຖືເປັນສຳຄັນ ແລະ ຄວາມປາດຖະໜາຢາກສ້າງກຳລັງແຮງໃໝ່ໃຫ້ແກ່ການພົວພັນ ລະຫວ່າງ ຫວຽດນາມ ກັບສິງກະໂປ ແລະ ບຣູໄນ.

(VOVWORLD) - ວັນທີ 6 ກຸມພາ, ຢູ່ ນິວຢອກ, ອາເມລິກາ, ສະມັດຊາໃຫຍ່ ສປຊ ຊຸດທີ 77 ໄດ້ຈັດກອງປະຊຸມຄົບຄະນະກ່ຽວກັບບັນດາໜ້າທີ່ຈຸດສຸມຂອງປີ 2023. ໃນສະພາບການໂລກພວມຜ່ານຜ່າສິ່ງທ້າທາຍນາໆປະການແບບບໍ່ເຄີຍມີມາກ່ອນ, ໃນກອງປະຊຸມ, ທ່ານເລຂາທິການໃຫຍ່ ສປຊ Antonio Guterres ໄດ້ເນັ້ນໜັກເຖິງບັນດາການເຄື່ອນໄຫວບຸລິມະສິດຂອງອົງການຫຼາຍຝ່າຍໃຫຍ່ທີ່ສຸດໃນໂລກໃນປີນີ້, ພ້ອມທັງຮຽກຮ້ອງໃຫ້ບັນດາປະເທດ ຈົ່ງຖືສັນຕິພາບເປັນໜ້າທີ່ໃຈກາງໃນທຸກຄຳວາຈາ ແລະ ການກະທຳ, ມຸ່ງໄປເຖິງການສ້າງໂລກແບບຍືນຍົງກວ່າ.

(VOVWORLD) -ປີ 2023, ລັດຖະບານ ຫວຽດນາມ ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນສຸມໃສ່ຍູ້ແຮງການປະຕິຮູບການບໍລິຫານ ຕິດພັນກັບການປ່ຽນແປງໃໝ່ປະດິດຄິດສ້າງ, ຫັນເປັນດີຈີຕອນ

(VOVWORLD) - ກອງປະຊຸມວົງແຄບບັນດາລັດຖະມົນຕີການຕ່າງປະເທດ ປະຊາຄົມປະຊາຊາດ ອາຊີຕາເວັນອອກສ່ຽງໃຕ້ (ອາຊຽນ) ຈັດຂຶ້ນຢູ່ ຈາກາຕາ, ປະເທດ ອິນໂດເນເຊຍ ໃນລະຫວ່າງວັນທີ 3 - 4 ກຸມພາ. ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ, ສືບຕໍ່ປະກອບສ່ວນຢ່າງຕັ້ງໜ້າ, ເພີ່ມທະວີນ້ຳໃຈສາມັກຄີເປັນເອກະພາບ, ຄວາມເຫັນດີເຫັນພ້ອມໃນ ອາຊຽນ. ຜ່ານນັ້ນ, ຍົກສູງທີ່ຕັ້ງ, ບົດບາດຂອງ ຫວຽດນາມ ໃນ ອາຊຽນ ແລະ ຢູ່ເວທີສາກົນ.

(VOVWORLD) -ພັກກອມມູນິດ ຫວຽດນາມ ໄດ້ຮັບການສ້າງຕັ້ງຂຶ້ນ ເມື່ອວັນທີ 3/2/1930 ແມ່ນບາດລ້ຽວປະຫວັດສາດອັນຍິ່ງໃຫຍ່ຂອງຊາດ ຫວຽດນາມ, ນຳການປະຕິວັດ ຫວຽດນາມ ຈາກໄຊຊະນະນີ້ໄປສູ່ໄຊຊະນະອື່ນ. ໃນວິວັດ 93 ປີແຫ່ງການສ້າງຕັ້ງ ແລະ ພັດທະນາ, ພັກ ຍາມໃດກໍ່ຖືເປັນສຳຄັນໃນວຽກງານກໍ່ສ້າງ ແລະ ປັບປຸງພັກ, ເປັນເອກະພາບໃນການສືບທອດ ແລະ ພັດທະນາແນວທາງ, ແຜນນະໂຍບາຍໃຫ້ເໝາະສົມກັບແຕ່ລະໄລຍະ, ພິເສດແມ່ນໃນບັນດາອາຍຸການມໍ່ໆມານີ້. ດ້ວຍການເພີ່ມເຕີມ, ສືບທອດ, ສ້າງແນວທາງກ່ຽວກັບວຽກງານກໍ່ສ້າງ, ປັບປຸງພັກໃຫ້ສົມບູນແບບ, ພັກກອມມູນິດ ຫວຽດນາມ ນັບມື້ນັບຕັດສິນໃຈສ້າງການຫັນປ່ຽນໃຫມ່ໃນວຽກງານນີ້.

(VOVWORLD) -ພາຍຫຼັງ 8 ປີເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ, ມາຮອດປັດຈຸບັນ, ຫວຽດນາມ ໄດ້ຈັດສົ່ງທະຫານ 500 ຄົນໄປຍັງບັນດາຄະນະປະຕິບັດງານ ແລະ ສຳນັກງານ ສປຊ, ປະກອບສ່ວນຢັ້ງຢືນ ຫວຽດນາມ ແມ່ນສະມາຊິກທີ່ຕັ້ງໜ້າ, ມີຄວາມຮັບຜິດຊອບໃນປະຊາຄົມສາກົນ. ພ້ອມທັງ ແຜ່ຂະຫຍາຍພາບພົດຫວຽດນາມ ຮັກຫອມສັນຕິພາບ, ຍາມໃດກໍ່ພ້ອມແລ້ວປະກອບສ່ວນໃຫ້ແກ່ພາລະກິດຮັກສາສັນຕິພາບ, ຄວາມໝັ້ນຄົງ ແລະ ການພັດທະນາຂອງ ສປຊ.

(VOVWORLD) - ຕໍ່ໜ້າສະພາບການໃຊ້ຄວາມຮຸນແຮງປິນຂັ້ນໄດຢ່າງຮ້າຍແຮງໃນຊຸມວັນຜ່ານມາລະຫວ່າງຊາວ ປາແລັດສະຕິນ ແລະ ອິດສະຣາແອັນຢູ່ເຂດຝັ່ງຕາເວັນຕົກແມ່ນ້ຳ ຈໍແດນ, ປະຊາຄົມສາກົນ ໄດ້ ແລະ ກຳລັງເພີ່ມທະວີຄວາມມານະພະຍາຍາມ ເພື່ອແນໃສ່ຢຸດຕິການນອງເລືອດ, ສ້າງສະຖຽນລະພາບຢູ່ພາກພື້ນຕາເວັນອອກກາງຄືນໃໝ່.