(VOVWORLD) - ທ່ານຮອງນາຍົກລັດຖະມົນຕີ ຫວຽດນາມ ເລມິງຄ໊າຍ ພວມເຂົ້າຮ່ວມກອງປະຊຸມປະຈຳປີ 2022 ຂອງເວທີປາໄສເສດຖະກິດໂລກ (ກອງປະຊຸມ WEF 2022) ແຕ່ວັນທີ 22 ຫາວັນທີ 26 ພຶດສະພາ, ຢູ່ Davos, ປະເທດສະວິດ. ການເຂົ້າຮ່ວມກອງປະຊຸມ WEF Davos ແມ່ນໜຶ່ງໃນບັນດາການເຄື່ອນໄຫວພົວພັນຕ່າງປະເທດຫຼາຍຝ່າຍທີ່ເປັນຈຸດສຸມຂອງ ຫວຽດນາມ ໃນປີ 2022, ອັນໄດ້ສະແດງໃຫ້ເຫັນວ່າ ຫວຽດນາມ ຖືເປັນສຳຄັນ ແລະ ຊຸກຍູ້ການຮ່ວມມືກັບ WEF ກໍຄື ຄຳໝັ້ນສັນຍາຂອງ ຫວຽດນາມ ໃນການຮ່ວມແຮງຮ່ວມໃຈພ້ອມກັບປະຊາຄົມສາກົນແກ້ໄຂບັນດາບັນຫາທົ່ວໂລກ.

(VOVWORLD) -ດ້ວຍບັນດາໝາກຜົນທີ່ບັນລຸໄດ້, ພ້ອມກັບນ້ຳໃຈຄວາມສາມັກຄີ, ເປັນເອກະພາບຂອງທົ່ວລະບົບການເມືອງ ແລະ ປະຊາຊົນໃນທົ່ວປະເທດ, ທ່ານຮອງນາຍົກລັດຖະມົນຕີ ເຊື່ອໝັ້ນວ່າ ຫວຽດນາມ ຈະສູ້ຊົນປະຕິບັດໜ້າທີ່ປີ 2022 ແລະ ໃນຊຸມປີຕໍ່ໆໄປຢ່າງມີໄຊ.

(VOVWORLD) - ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ຄະນະຜູ້ແທນຂັ້ນສູງ ຫວຽດນາມ ຫາກໍສິ້ນສຸດການຢ້ຽມຢາມ ແລະ ເຮັດວຽກຢູ່ ອາເມລິກາ ແລະ ສປຊ. ການເດີນທາງໄປປະຕິບັດງານ “ສາມເປົ້າໝາຍ” ຂອງຄະນະຜູ້ແທນຫວຽດນາມໃນຄັ້ງນີ້ ລວມມີການເຂົ້າຮ່ວມກອງປະຊຸມສຸດຍອດ ອາຊຽນ - ອາເມລິກາ ສະໄໝພິເສດ, ຢ້ຽມຢາມ, ເຮັດວຽກຢູ່ ອາເມລິກາ ແລະ ສປຊ, ເຊິ່ງມີຄວາມໝາຍຫຼາຍຢ່າງ ແລະ ບັນລຸໄດ້ໝາກຜົນສຳຄັນ ນັບທັງໃນການພົວພັນສອງຝ່າຍ ແລະ ຫຼາຍຝ່າຍ.

(VOVWORLD) -ປີ 1987, ກອງປະຊຸມສະມັດຊາໃຫຍ່ຂອງອົງການສຶກສາ, ວິທະຍາສາດ, ວັດທະນະທຳ ສະຫະປະຊາຊາດ (UNESCO) ໄດ້ອອກມະຕິ ສະເຫລີມສະຫລອງ 100 ປີແຫ່ງວັນຄ້າຍວັນເກີດຂອງປະທານ ໂຮ່ຈີມິນ ດ້ວຍຖານະ “ວິລະຊົນປົດປ່ອຍຊາດ, ນັກວັດທະນະທຳດີເລີດ; ຮັບຮູ້ວ່າ ປະທານ ໂຮ່ຈີມິນ ແມ່ນຫນຶ່ງໃນບັນດາຜູ້ທີ່ດີເລີດ ໄດ້ສ້າງຂີດໝາຍໃນວິວັດທະນາການພັດທະນາຂອງມວນມະນຸດ ແລະ ມະຕິກໍ່ຮຽກຮ້ອງທຸກປະເທດສະມາຊິກພ້ອມກັນເຊີດຊູ ປະທານໂຮ່ຈີມິນ ຜ່ານການເຄື່ອນໄຫວສະເຫລີມສະຫລອງທີ່ແຕກຕ່າງກັນ. ນັບແຕ່ນັ້ນມາຮອດປະຈຸບັນ ການເຄື່ອນໄຫວເຊີດຊູ ປະທານ ໂຮ່ຈີມິນ ໄດ້ດຳເນີນໄປຢູ່ທົ່ວທຸກແຫ່ງໃນໂລກ.

(VOVWORLD) - ກອງປະຊຸມສາກົນກ່ຽວກັບເສດຖະກິດມະຫາສະໝຸດຍືນຍົງ ແລະ ຮັບມືກັບການປ່ຽນແປງຂອງດິນຟ້າອາກາດ ຫາກໍ່ຈັດຂຶ້ນຢູ່ຮ່າໂນ້ຍ. ບັນດາໝາກຜົນບັນລຸໄດ້ທີ່ກອງປະຊຸມ ຈະແມ່ນຂໍ້ອ້າງອີງເພື່ອໃຫ້ຫວຽດນາມຮ່ວມມື ແລະ ຜັນຂະຫຍາຍບັນດາການເຄື່ອນໄຫວຮັບມືກັບການປ່ຽນແປງຂອງດິນຟ້າອາກາດ ພ້ອມທັງຍົກອອກຫຼາຍຄຳໝັ້ນສັນຍາສຳຄັນ, ຢັ້ງຢືນຄວາມມານະພະຍາຍາມຂອງປະເທດສະມາຊິກທີ່ໄດ້ປະກອບສ່ວນແກ້ໄຂບັນດາສິ່ງທ້າທາຍທົ່ວໂລກ.

(VOVWORLD) -ໂດຍໄດ້ຮັບຄຳເຊີນຂອງທ່ານປະທານສະພາແຫ່ງຊາດ ຫວຽດນາມ ເວືອງດີງເຫ້ວ, ທ່ານ ປະທານສະພາແຫ່ງຊາດ ສິງກະໂປ Tan Chuan-Jin ພ້ອມດ້ວຍພັນລະຍາ ນຳຫນ້າຄະນະຜູ້ແທນສະພາແຫ່ງຊາດ ສິງກະໂປ ຈະມາຢ້ຽມຢາມ ຫວຽດນາມ ຢ່າງເປັນທາງການ ແຕ່ວັນທີ 18 ຫາວັນທີ 20 ພຶດສະພາປີ 2022. ນີ້ແມ່ນການຢ້ຽມຢາມຄັ້ງທີ 2 ຂອງການນຳຂັ້ນສູງສອງປະເທດ ນັບແຕ່ຕົ້ນປີ 2022 ມາຮອດປະຈຸບັນ (ພາຍຫລັງການຢ້ຽມຢາມທາງລັດຖະກິດສິງກະໂປຂອງທ່ານປະທານປະເທດຫວຽດນາມ ຫງວຽນຊວນຟຸກ ເມື່ອເດືອນ ກຸມພາປີ 2022). ການຢ້ຽມຢາມຫວຽດນາມ ຄັ້ງນີ້ ສະແດງໃຫ້ເຫັນຄຳໝັ້ນສັນຍາຢ່າງແຮງຂອງສອງຝ່າຍ ໃນການເພີ່ມທະວີການພົວພັນຄູ່ຮ່ວມມືຍຸດທະສາດ ຫວຽດນາມ - ສິງກະໂປ ແລະ ການຮ່ວມມືຢ່າງແຫນ້ນແຟ້ນມຸ່ງໄປເຖິງພ້ອມກັນຟື້ນຕົວພາຍຫລັງໂລກລະບາດໂຄວິດ 19.

(VOVWORLD) -ໃນພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ - ລາວ, ການພົວພັນລະຫວ່າງສະພາແຫ່ງຊາດ 2 ປະເທດໄດ້ສວມບົດບາດສຳຄັນ.

(VOVWORLD) - ໃນຂອບເຂດການຢ້ຽມຢາມ ແລະ ເຮັດວຽກຢູ່ອາເມລິກາ, ວັນທີ 11 ພຶດສະພາ, ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ມີບົດກ່າວປາໄສສຳຄັນ ຢູ່ສູນຄົ້ນຄ້ວາຍຸດທະສາດ ແລະ ສາກົນອາເມລິກາ (CSIS), ກ່ຽວກັບຄວາມຈິງໃຈ, ຄວາມໄວ້ເນື້ອເຊື່ອໃຈ ແລະ ຄວາມຮັບຜິດຊອບ ໃນການສ້າງໂລກທີ່ດີງາມກ່ວາ. ທ່ານນາຍົກລັດຖະມົນຕີ ຟ້າມມິນຈິງ ໄດ້ແບ່ງປັນກັບບັນດານັກຄົ້ນຄ້ວາ ວິທີມອງເຫັນຂອງຫວຽດນາມ ກ່ຽວກັບໂລກປະຈຸບັນ; ບົດບາດຂອງຄວາມຈິງໃຈ, ຄວາມໄວ້ເນື້ອເຊື່ອໃຈ ແລະ ຄວາມຮັບຜິດຊອບ ໃນໂລກທີ່ມີການຜັນແປຫຼາຍຢ່າງໃນປະຈຸບັນ ແລະ ຕ້ອງເຮັດຫຍັງເພື່ອສະແດງຄວາມຈິງໃຈ, ເພີ່ມທະວີຄວາມໄວ້ເນື້ອເຊື່ອໃຈ ແລະ ຄວາມຮັບຜິດຊອບ, ເພື່ອໂລກທີ່ດີງາມກ່ວາ.

(VOVWORLD) -ເສກສັນປັ້ນແຕ່ງ, ເວົ້າເກີນໄປກ່ຽວກັບສະພາບການສິດເສລີດ້ານສື່ມວນຊົນຢູ່ ຫວຽດນາມ ແມ່ນ ເລ່ຫລ່ຽມ ຊື່ງບາງອົງການ, ເປົ້າໝາຍຫົວຮຸນແຮງ, ຂາດເຈດຕະນາດີຕໍ່ ຫວຽດນາມ, ໃນນັ້ນ ມີອົງການນັກຂ່າວບໍ່ມີພົມແດນ (RSF) ນຳໃຊ້. ວັນທີ 3 ພຶດສະພາປີ 2022, ອົງການ (RSF) ໄດ້ປະກາດອັນທີ່ເອີ້ນວ່າ “ຕາຕະລາງຈັດອັນດັບປະຈຳປີກ່ຽວກັບສິດເສລີດ້ານສື່ມວນຊົນ” ຈັດອັນດັບສິດເສລີດ້ານສື່ມວນຊົນໃນທົ່ວໂລກ, ໃນນັ້ນ ມີບາງຂໍ້ມູນຂ່າວບໍ່ຖືກກັບຄວາມຈິງກ່ຽວກັບສິດເສລີດ້ານສື່ມວນຊົນຂອງຫວຽດນາມ. ນີ້ແມ່ນເລ່ຫລ່ຽມອັນເກົ່າແກ່ ຊື່ງເຂົາເຈົ້າເອົາມາໃຊ້ໃຫມ່ ເພື່ອແນໃສ່ເຮັດໃຫ້ອິດທິພົນຊື່ສຽງດ້ານສິດທິມະນຸດຂອງຫວຽດນາມ ຢູ່ເວທີສາກົນ ຫລຸດລົງ.

(VOVWORLD) -ໃນບົດກ່າວປາໄສອັດກອງປະຊຸມຄັ້ງທີ 5 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII ທີ່ດຳເນີນໃນວັນທີ 10 ພຶດສະພາປີ 2022, ທ່ານເລຂາທິການໃຫຍ່ ຫວຽດນາມ ຫງວຽນຝູຈ້ອງ ໄດ້ລວບລວມໝາກຜົນສຳຄັນຫຼັກແຫຼ່ງ ໂດຍກອງປະຊຸມບັນລຸໄດ້ໃນບັນຫາຄຸ້ມຄອງ ແລະ ນຳໃຊ້ທີ່ດິນ, ບັນຫາກະສິກຳ, ຊາວກະສິກອນ, ຊົນນະບົດ, ກ່ຽວກັບບັນຫາພັດທະນາເສດຖະກິດລວມໝູ່, ບັນຫາກໍ່ສ້າງອົງການຈັດຕັ້ງພັກຂັ້ນຮາກຖານ ແລະ ສະມາຊິກພັກ, ແຜນນະໂຍບາຍສ້າງຄະນະຊີ້ນຳກ່ຽວກັບການປ້ອງກັນ, ຕ້ານການສໍ້ລາດບັງຫຼວງຂັ້ນແຂວງ.