(VOVWORLD) - ພາບແກ້ວແມ່ນປະເພດສິລະປະພື້ນເມືອງທີ່ີໄດ້ຮັບຄວາມນິຍົມຊົມຊອບຈາກຊາວພາກໃຕ້ ຫວຽດນາມ ທີ່ສຸດ. ຖ້າບັນດາທ້ອງຖິ່ນຄື ລາຍທຽວ (ແຂວງບິງເຢືອງ), ເຈີ້ເລິນ (ນະຄອນໂຮ່ຈີມິນ), ເຈີ້ເມີຍ (ແຂວງອານຢາງ) ໄດ້ພັດທະນາອາຊີບແຕ້ມຮູບເທິງແຜ່ນແກ້ວ ຕາມແບບວີທີຂອງຊາວ ຮົວ (ຈີນ) ນັ້ນ, ອາຊີບແຕ້ມຮູບເທິງແຜ່ນແກ້ວຂອງແຂວງຊອກຈັງ, ໂດຍສະເພາະແມ່ນຢູ່ບ້ານເຟືອກທ້ວນ, ຕາແສງຝູເຕິນ, ເມືອງເຈົາແທັງ ພັດມີສີສັນວັດທະນະທຳຂອງຊາວເຜົ່າຂະແມ.

(VOVWORLD) - ປະຈຸບັນ, ແຂວງ ເຊີນລາ ແມ່ນອູ່ໝາກໄມ້ໃຫ່ຍກ່ວາໝູ່ຢູ່ພາກເໜືອ ຫວຽດນາມ ແລະ ມີເນື້ອທີ່ປູກຕົ້ນໄມ້ກິນໝາກໃຫ່ຍອັນດັບທີ 2 ໃນທົ່ວປະເທດ. ບັນດາຜະລິດຕະພັນຂອງແຂວງ ເຊີນລາ ຄື: ໝາກລຳໄຍ, ໝາກໝັ້ນ, ໝາກມັງກອນໃຈແດງ, ໝາກມ່ວງ, ໝາກນອດ…ໄດ້ຮັບຄວາມນິຍົມຈາກຜູ້ບໍລິໂພກ ແລະ ໄດ້ສົ່ງອອກໄປຍັງຕະຫຼາດໃຫ່ຍຫຼາຍແຫ່ງຄື: ຈີນ, ອົດສະຕາລີ, ອາເມລິກາ ແລະ ນິວຊີແລນ. ການໝູນໃຊ້ວິທະຍາສາດເຕັກໂນໂລຊີ ເຂົ້າໃນການຜະລິດ ແມ່ນໜຶ່ງໃນບັນດາໄມ້ງັດ ຊຸກຍູ້ອູ່ໝາກໄມ້ນີ້ ສາມາດບືນຕົວຂຶ້ນ.

(VOVWORLD) - ໂດຍໄດ້ຮັບຄວາມເອົາໃຈໃສ່, ການລົງທຶນຂອງລັດ ສຳລັບເຂດຫ່າງໄກສອກຫລີກ, ເຂດບັນດາຊາວຊົນເຜົ່າສ່ວນໜ້ອຍ ແລະ ການຮ່ວມເດີນທາງຂອງ ປຊຊ ເຂດ ໄຕງວຽນ, ໃນນັ້ນ ມີແຂວງ ເລິມດົ່ງ, ຊີວິດການເປັນຢູ່ຂອງ ປຊຊ ບັນດາເຜົ່າຢູ່ທີ່ນີ້ ໄດ້ມີການປ່ຽນແປງຢ່າງເຫັນໄດ້ຊັດ. ປະຈຸບັນ, ກຳລັງຊີວິດໃໝ່ພວມປະກົດມີຢູ່ທຸກເຂດດິນແດນທີ່ເຄີຍປະສົບກັບຄວາມຫຍຸ້ງຍາກໃນໄລຍະໜຶ່ງຂອງແຂວງ ເລິມດົ່ງ.

(VOVWORLD) - ສິລະປະການຜະລິດເຄື່ອງປັ້ນດິນເຜົ່າຈຳ ໄດ້ຮັບໃບຮັບຮອງຈາກຄະນະກຳມະການວັດທະນະທຳ, ວິທະຍາສາດ, ການສຶກສາ ສປຊ (UNESCO) ແມ່ນ “ມໍລະດົກວັດທະນະທຳບໍ່ເປັນວັດຖຸຕ້ອງຮັກສາດ່ວນ” ໃນວັນທີ 16 ມິຖຸນາ ຢ່າງເປັນທາງການ. ເລື່ອງຮັບນາມມະຍົດນີ້ ແມ່ນໂອກາດໃໝ່ເພື່ອໃຫ້ອຳນາດການປົກຄອງທຸກຂັ້ນ ແລະ ປຊຊ ຊາວເຜົ່າຈຳ ຢູ່ທີ່ນີ້ ສາມາດອະນຸລັກຮັກສາ ແລະ ເສີມຂະຫຍາຍຄຸນຄ່າມໍລະດົກ, ຮັກສາອາຊີບພື້ນເມືອງໄວ້ໄດ້ ແລະ ເພີ່ມລາຍຮັບຈາກການເຮັດການທ່ອງທ່ຽວ ອີງໃສ່ມໍລະດົກສິລະປະເຮັດເຄື່ອງປັ້ນດິນເຜົາ.

(VOVWORLD) - ໂດຍແມ່ນຕາແສງເຂດຫ່າງໄກສອກຫຼີກ ຂອງເມືອງ ກຼົງບົງ, ແຂວງ ດັກລັກ, ກືດຼຳ ແມ່ນເຂດດິນແດນທີ່ມີພູມສັນຖານ, ເງື່ອນໄຂທຳມະຊາດທີ່ບໍ່ເອື້ອອຳນວຍ. ແຕ່ອຳນາດການປົກຄອງ ແລະ ປຊຊ ຢູ່ທີ່ນີ້ ໄດ້ຫັນບັນດາສິ່ງທີ່ບໍ່ເປັນປະໂຫຍດ ກາຍເປັນທ່າໄດ້ປຽບ ເພື່ອພັດທະນາເສດຖະກິດ. ດ້ວຍການໜູນຊ່ວຍດ້ານທຶນຮອນຈາກທະນາຄານນະໂຍບາຍ, ປຊຊ ຕາແສງ ກືດຼຳ ໄດ້ຕັ້ງໜ້າຫັນປ່ຽນຜົນລະປູກ ເພື່ອຍົກສູງປະສິດທິຜົນດ້ານເສດຖະກິດ.

(VOVWORLD) - ຢູ່ເມືອງພູດອຍ ເຈິນອຽນ, ແຂວງ ອຽນບາຍ, ປຊຊ ມີລາຍຮັບສູງທົບ 3-4 ເທົ່າຍ້ອນ ປຊຊ ໄດ້ຫັນປ່ຽນການປູກເຂົ້າ ແລະ ພືດຜັກ ໄປປູກມອນລ້ຽງມ້ອນ. ມີຫຼາຍຄອບຄົວມີລາຍຮັບແຕ່ສີບລ້ານ ຮອດຮ້ອຍລ້ານດົ່ງໃນແຕ່ລະປີ. ຊີວິດການເປັນຢູ່ຂອງ ປຊຊ ຢູ່ບັນດາຕາແສງຊົນນະບົດ ພວມໄດ້ປ່ຽນແປງຕາມແຕ່ລະມື້ຈາກຕົ້ນມອນ, ໂຕມ້ອນ.

(VOVWORLD) - ນັບແຕ່ດົນນານມາແລ້ວ, ໝູ່ບ້ານ ລຽນມິງ ໄດ້ຮັບການຮູ້ຈັກວ່າ ແມ່ນໝູ່ບ້ານສວຍງາມຂອງເກາະ ກາດບ່າ, ເມືອງກາດຫາຍ, ນະຄອນຫາຍຟ່ອງ. ຊາວກະສິກອນຂອງໝູ່ບ້ານຫຼາຍຄົນໄດ້ ແລະ ພວມເສີມຂະຫຍາຍທ່າໄດ້ປຽບຈາກທິວທັດທຳມະຊາດ ແລະ ອາຫານພິເສດຂອງທ້ອງຖິ່ນ ເພື່ອເຮັດການທ່ອງທ່ຽວ, ຍົກສູງຊີວິດການເປັນຢູ່ ແລະ ພັດທະນາເສດຖະກິດທ້ອງຖິ່ນ.

(VOVWORLD) - ໂດຍໄດ້ປະຕິບັດ “ໂຄງການຫັນເປັນດີຈີຕອນແຫ່ງຊາດຮອດປີ 2025, ການກຳນົດທິດຮອດປີ 2030” ໂດຍລັດຖະບານ ຫວຽດນາມ ເຊັນອະນຸມັດນັ້ນ, ເມືອງ ກູ່ລາວຢຸງ ແຂວງ ຊອກຈັງ ໄດ້ ແລະ ພວມສຸມໃສ່ປະຕິບັດວຽກງານຫັນເປັນດີຈີຕອນໃນຂົງເຂດກະສິກຳຢູ່ ຊອກຈັງ. ຜ່ານນັ້ນ, ກໍໄດ້ນຳມາເຊິ່ງປະສິດທິຜົນສູງໃນການຜະລິດ, ດຳເນີນທຸລະກິດເທື່ອລະກ້າວ, ປະກອບສ່ວນສຳຄັນໃນການຊຸກຍູ້ການພັດທະນາເສດຖະກິດ ສັງຄົມຂອງທ້ອງຖິ່ນ.

(VOVWORLD) - ບັນດາສວນໝາກໄຟຢູ່ຕາແສງ ຫງວຽນຟິກ, ເມືອງ ອູມິນ, ແຂວງ ກ່າເມົາ ຢູ່ຕິດປ່າ ອູມິນຮ້າ ແລະ ນອນລຽບຕາມແມ່ນ້ຳ ກາຍເຕົາ. ບັນດາສວນໝາກໄຟນີ້ ໄດ້ຄົງຕົວ ແລະ ພັດທະນາໃນນັບຮ້ອຍປີຜ່ານມາແລ້ວ ດ້ວຍບັນດາຕົ້ນໝາກໄຟທີ່ເກົ່າແກ່ ມີຂີດໝາຍແຫ່ງວັນເວລາຂອງເຂດດິນແດນທາງພາກໃຕ້ ຫວຽດນາມ ໃນເມື່ອກ່ອນ. ປະຈຸບັນ, ສວນໝາກໄຟ ກາຍເຕົາ ໄດ້ກາຍເປັນຜະລິດຕະພັນທ່ອງທ່ຽວທີ່ພິເສດສະເພາະ.

(VOVWORLD) - ອາຊີບເຮັດເຂົ້າຂຽບຢູ່ຕາແສງ ທ້ວນຮຶງ, ເມືອງ ທົດນົດ, ນະຄອນ ເກີນເທີ ຂອງ ຫວຽດນາມ ຫາກໍໄດ້ຮັບການຮັບຮອງຈາກກະຊວງວັດທະນະທຳ, ກິລາ ແລະ ທ່ອງທ່ຽວວ່າ ແມ່ນມໍລະດົກວັດທະນະທຳບໍ່ເປັນວັດຖຸລະດັບຊາດ ໃນຂົງເຂດອາຊີບຫັດຖະກຳທີ່ເປັນມູນເຊື້ອ. ໝູ່ບ້ານເຂົ້າຂຽບ ທ້ວນຮຶງ ແມ່ນໝູ່ບ້ານອາຊີບແຫ່ງທຳອິດຂອງເກີນເທີ ທີ່ເປັນກຽດໄດ້ຮັບການຮັບຮອງດັ່ງກ່າວ. ນີ້ແມ່ນຄວາມເອກອ້າງທະນົງໃຈສຳລັບພໍ່ແມ່ປະຊາຊົນໃນໝູ່ບ້ານອາຊີບ ທີ່ໄດ້ສ້າງຕັ້ງ ແລະ ພັດທະນາ ມາເປັນເວລາກວ່າ 200 ປີ.