(VOVWORLD) - ຢູ່ບ້ານ ແດ່ວຢໍ, ຕາແສງ ເງິນເຊີນ, ແຂວງ ທາຍງວຽນ, ມື້ໃດກໍ່ມີກຸ່ມແມ່ຍິງຊາວເຜົ່າ ຢ້າວຕຽນ ທີ່ດຸໝັ່ນຂະຫຍັນພຽນຢູ່ໜ້າຜ້າຖັກແສ່ວ, ເຂົາເຈົ້າບໍ່ພຽງແຕ່ເປັນຜູ້ຮັກສາອາຊີບຫັດຖະກຳຖັກແສ່ວໄວ້ເທົ່ານັ້ນ, ຫາກຍັງມານະພະຍາຍາມນຳຈຸດວັດທະນະທຳຊົນເຜົ່ານີ້ ເຈືອຈານເຂົ້າກັບຊີວິດແຫ່ງຍຸກສະໄໝດ້ວຍສີມືອັນຄ່ອງແຄ້ວຂອງຕົນອີກດ້ວຍ.

(VOVWORLD) - ໂຄງການແຫ່ງຊາດ ໜຶ່ງຕາແສງ ໜຶ່ງຜະລິດຕະພັນ (OCOP) ຢູ່ແຂວງ ວີ້ງລອງ ໄດ້ສ້າງຂີດໝາຍທີ່ດີເດັ່ນໃນການພັດທະນາເສດຖະກິດຊົນນະບົດ. ກ່ວາ 1000 ຜະລິດຕະພັນກະເສດຢູ່ທ້ອງຖິ່ນ ໄດ້ບັນລຸມາດຖານ OCOP ດ້ວຍຄຸນນະພາບສູງ, ຮູບແບບສວຍງາມ. ບັນດາຜະລິດຕະພັນນີ້ບໍ່ພຽງແຕ່ໄດ້ຊ່ວຍຍົກສູງລາຍຮັບໃຫ້ແກ່ ປຊຊ ເທົ່ານັ້ນ, ຫາກຍັງໄດ້ກາຍເປັນ “ທູດບ້ານເກີດເມືອງນອນ” ເພື່ອແຜ່ກະຈາຍຈຸດຄວາມງາມດ້ານວັດທະນະທຳທີ່ເປັນມູນເຊື້ອຂອງເຂດດິນແດນທາງທິດຕາວັນຕົກພາກໃຕ້ ຫວຽດນາມ ອີກດ້ວຍ.

(VOVWORLD) - ໝູ່ບ້ານທູບ ຖຸຍຊວັນ ຕັ້ງຢູ່ຖະໜົນ ຮ່ວຽນເຈິນກົງຈົວ ຫ່າງຈາກໃຈກາງນະຄອນ ເຫ້ວ ປະມານ 7 ກມ, ຍາມໃດກໍ່ດຶງດູດໃຈຜູ້ມາຢ້ຽມຢາມຍ້ອນຄວາມງາມທີ່ມີສີສັນຫຼາກຫຼາຍ ພ້ອມດ້ວຍການປະດັບປະດາທີ່ໜ້າປະທັບໃຈຈາກບັນດາມັດທູບທີ່ຫຼາກຫຼາຍສີສັນ. ໂດຍໄດ້ຕັ້ງຢູ່ໃກ້ກັບສອງສະຖານທີ່ທີ່ມີຊື່ສຽງແມ່ນ ວັງເຈົ້າຊີວິດ ຕື້ດຶກ ແລະ ໂນນພູ ວ້ອງແກັງ, ໝູ່ບ້ານທູບ ຖຸຍຊວັນ ແມ່ນສະຖານທີ່ທີ່ແຂກທ່ອງທ່ຽວບໍ່ຄວນພາດເມື່ອມາຢ້ຽມຢາມ ເຫ້ວ.

(VOVWORLD) - ອາຊີບຍ້ອມສີຄາມໃສ່ແພປໍປ່ານຂອງຊາວເຜົ່າມົ້ງ ແມ່ນອາຊີບພື້ນເມືອງທີ່ເຂັ້ມຂຸ້ນໄປດ້ວຍສີສັນຂອງຊົນເຜົ່າ. ໃນການເຄື່ອນໄຫວໃນສັງຄົມ, ອາຊີບຍ້ອນສີຄາມຂອງຊົນເຜົ່າມົ້ງຢູ່ແຂວງ ລາຍເຈົາ ຍັງໄດ້ປະກົດຕົວເໝືອນກັບສາຍເຊື່ອມຕໍ່ລະຫວ່າງອະດີດຕະການກັບປະຈຸບັນ. ໃນທ່າມກາງພູຜາປ່າໄມ້ເຂດ ໄຕບັກ, ສີຄາມຍັງປະກົດມີ ຄືດັ່ງນ້ຳໃຈຂອງຄົນ ແລະ ເຂດດິນແດນແຫ່ງນີ້.

(VOVWORLD) - ນັບແຕ່ດົນນານມາແລ້ວ, ຕົ້ນໝາກເລີ້ງ ໄດ້ຕິດພັນກັບຊີວິດຂອງຊາວເຜົ່າມົ້ງ ຢູ່ບ້ານນ້ຳງຽບ, ຕາແສງ ງອກຈຽນ, ແຂວງ ເຊີນລາ. ນີ້ແມ່ນເຂດດິນແດນທີ່ມີປ່າໝາກເລີ້ງ ໃຫ່ຍກ່ວາໝູ່ຂອງ ຫວຽດນາມ. ຈາກທ່າໄດ້ປຽບດັ່ງກ່າວ, ອຳນາດການປົກຄອງ ແລະ ຊາວທ້ອງຖິ່ນ ໄດ້ນຳຕົ້ນໝາກເລີ້ງ ຈາກຕົ້ນໄມ້ທີ່ນຳມາເຊິ່ງປະໂຫຍດໃຫ້ແກ່ການທຳມາຫາກິນ ກາຍເປັນຜະລິດຕະພັນທ່ອງທ່ຽວພິເສດ.

(VOVWORLD) - ໝູ່ບ້ານແຣກ ຢູ່ຕາແສງ ຮົ່ງກວາງ ແຂວງ ນິງບິ່ງ ແມ່ນໝູ່ບ້ານອາຊີບພື້ນເມືອງທີ່ມີຊື່ສຽງດ້ວຍອາຊີບຟ້ອນຕຸກກະຕານ້ຳ. ແຫ່ງນີ້ກໍ່ແມ່ນໜຶ່ງໃນບັນດາອູ່ຂອງສິລະປະຟ້ອນຕຸກກະຕານ້ຳທາງພາກເໜືອຂອງ ຫວຽດນາມ. ຜ່ານການເວລາ, ປຊຊ ໝູ່ບ້ານແຣກ ຍັງມານະພະຍາຍາມຮັກສາອາຊີບທີ່ເປັນມູນເຊື້ອທີ່ລຸ້ນພໍ່ລຸ້ນອ້າຍໄດ້ສືບທອດກັນມານັບຮ້ອຍປີມານີ້.

(VOVWORLD) - ໃນເວລາກ່ວາ 300 ປີກ່ອນ, ຊາວ ຫວຽດນາມ ໃນໄລຍະການເດີນທາງໄປພາກໃຕ້ ໄດ້ຢຸດຢູ່ເຂດດິນແດນ ລອງດຽນ ປະຈຸບັນຂຶ້ນກັບນະຄອນ ໂຮ່ຈີມິນ ເພື່ອຕັ້ງຖິ່ນຖານ, ທຳມາຫາກິນ. ເມື່ອມີພົນລະເມືອງຫຼາຍກ່ວາ, ບັນດາອາຊີບກະສິກຳ, ຫັດຖະກຳກໍ່ຄ່ອຍໆໄດ້ຮັບການສ້າງຂຶ້ນ ແລະ ພັດທະນາ, ໃນນັ້ນມີອາຊີບຫຼໍ່ທອງ. ຜ່ານໄລຍະເວລານັບຮ້ອຍປີທີ່ໄດ້ສ້າງຕັ້ງ ແລະ ພັດທະນາ, ຊາວໝູ່ບ້ານໄດ້ສືບທອດ, ຮັກສາອາຊີບຫຼໍ່ທອງນີ້ໄວ້ ເພື່ອໃຫ້ເຄື່ອງໝາຍການຄ້າທອງ ລອງດຽນ ຍັງສືບຕໍ່ມີຊື່ສຽງໂດ່ງດັງໃນຊີວິດຍຸກເຕັກໂນໂລຊີທັນສະໄໝປະຈຸບັ ນນີ້.

(VOVWORLD) - ພູມປັນຍາພື້ນເມືອງກ່ຽວກັບອາຊີບເຮັດບັນກວນ ແທັງຈີ່ ຫາກໍ່ໄດ້ຈົດຊື່ເຂົ້າໃນບັນຊີລາຍຊື່ມໍລະດົກວັດທະນະທຳບໍ່ເປັນວັດຖຸລະດັບຊາດ. ການຮັບຮູ້ນີ້ໄດ້ສະແດງໃຫ້ເຫັນຄຸນຄ່າພົ້ນເດັ່ນຂອງບັນກວນ ແທັງຈີ່ ອີກເທື່ອໜຶ່ງ ແລະ ກໍ່ແມ່ນໂອກາດເພື່ອໂຄສະນາ, ເປີດກວ້າງອາຊີບເຮັດບັນກວນ ແທັງຈີ່ ໃນໄລຍະທີ່ຈະມາເຖິງ.

(VOVWORLD) - ໝູ່ບ້ານ ອຽນທາຍ, ຕາແສງ ໄຕໂຮ່, ຮ່າໂນ້ຍ ມີຊື່ສຽງໃນທົ່ວເຂດເມືອງເກົ່າ ທັງລອງ ດ້ວຍອາຊີບເຮັດເຈ້ຍສາພື້ນເມືອງ. ຜ່ານການເວລາແຫ່ງປະຫວັດສາດ, ບາງເທື່ອອາຊີບນີ້ກໍ່ຖືກສູນຫາຍໄປ ຊື່ງມີໄດ້ສ້າງຄວາມເສຍດາຍກ່ຽວກັບມໍລະດົກວັດທະນະທຳທີ່ມີຄ່າ. ແຕ່ປະຈຸບັນ, ໃນທ່າມກາງຈັງຫວະການດຳລົງຊີວິດທັນສະໄໝ ແລະ ທ່າອ່ຽງຫັນເປັນດີຈີຕອນ, ອາຊີບເຮັດເຈ້ຍສາໄດ້ຟື້ນຟູເທື່ອລະກ້າວ, ບໍ່ພຽງແຕ່ໄດ້ຮັກສາຄຸນຄ່າເກົ່າໃນເມື່ອກ່ອນເທົ່ານັ້ນ, ຫາກຍັງໄດ້ສ້າງໃຫ້ມີເລື່ອງລາວໃໝ່ທີ່ບືນຕົວຂຶ້ນອອກສູ່ໂລກອີກດ້ວຍ.

(VOVWORLD) - ໝູ່ບ້ານອາຊີບຊ່າງໄມ້ ທາຍອຽນ, ຢູ່ຕາແສງ ແທງບິນ, ເມືອງ ດຶກທໍ້, ແຂວງ ຮ່າຕິ້ງ ມີຊື່ສຽງດ້ວຍບັນດາຜະລິດຕະພັນເຄື່ອງເຟີນີເຈີ ແລະ ໄມ້ຫັດຖະກຳສິລະປະ. ນີ້ແມ່ນໜຶ່ງໃນບັນດາໝູ່ບ້ານອາຊີບຊ່າງໄມ້ພື້ນເມືອງທີ່ມີມາແຕ່ດົນນານຢູ່ພາກກາງ ຫວຽດນາມ. ບໍ່ພຽງແຕ່ໄດ້ຜະລິດບັນດາຜະລິດຕະພັນໄມ້ຫັດຖະກຳສິລະປະທີ່ຍອດຍິ່ງເທົ່ານັ້ນ, ທາຍອຽນ ຍັງແມ່ນໜຶ່ງໃນຈຳນວນໜ້ອຍໝູ່ບ້ານຢູ່ເຂດບ້ານນາຂອງແຂວງ ຮ່າຕິ້ງ ທີ່ຍັງຄົງຮັກສາຈຸດຄວາມງາມດ້ານວັດທະນະທຳພື້ນເມືອງທີ່ເຂັ້ມຂຸ້ນໄປດ້ວຍຂີດໝາຍຂອງໝູ່ບ້ານອາຊີບທີ່ມີມາແຕ່ດົນນານໄວ້ໄດ້ອີກດ້ວຍ.