(VOVWORLD) - តំបន់អាស៊ីប៉ាស៊ីហ្វិកដ៏ពោរពេញទៅដោយភាពស្វាហាប់ដោយមានចំនួនប្រជាជនស្មើ ២/៣ នៃចំនួនប្រជាជនពិភពលោក ច្រើនតែរងផលប៉ះពាល់យ៉ាងធ្ងន់ធ្ងរដោយគ្រោះមហន្តរាយ គ្រោះធម្មជាតិ និងជំងឺរាតត្បាត។ យ៉ាងណាមិញ ប្រភពធនធានសម្រាប់សកម្មភាពផ្ដល់ជំនួយនិងសង្គ្រោះមនុស្សធម៌ នៅមានកម្រិតនៅកន្លែងជាច្រើន។ សមាគមកាកបាទក្រហមនៃប្រទេសនានាក្នុងតំបន់និយាយដោយឡែក និងលើពិភពលោកនិយាយរួម បានចូលរួមចែករំលែកបទពិសោធន៍ សហប្រតិបត្តិការធ្វើសកម្មភាពដើម្បីលើកកម្ពស់សមត្ថភាពនៃសកម្មភាពមនុស្សធម៌ ព្រមទាំងបង្ការ ទប់ទល់នឹងគ្រោះមហន្តរាយផងដែរ។

(VOVWORLD) - ក្នុងប៉ុន្មានឆ្នាំថ្មីៗនេះ វៀតណាម និងកម្ពុជាបានជំរុញកិច្ចសហប្រតិបត្តិការលើវិស័យជាច្រើន ក្នុងនោះកិច្ចសហប្រតិបត្តិការបណ្តុះបណ្តាលទទួលបានការយកចិត្តទុកដាក់យ៉ាងខ្លាំង ជាមួយ នឹងកម្មវិធីសកម្មភាពដ៏ជាក់ស្តែង និងមានប្រសិទ្ធភាពជាច្រើន។ ជារៀងរាល់ឆ្នាំ ការផ្លាស់ប្ដូរសិស្សានុសិស្ស និងនិស្សិតរវាងប្រទេសទាំងពីរកាន់តែកើនឡើងៗ។ យោងតាមរបាយការណ៍ស្តីពីលទ្ធផលនៃការអនុវត្តភារកិច្ចសម្រាប់ឆ្នាំសិក្សា ២០២២-២០២៣ ទិសដៅ និងភារកិច្ចសំខាន់ៗសម្រាប់ឆ្នាំសិក្សា ២០២៣-២០២៤ របស់ក្រសួងអប់រំ និងបណ្តុះបណ្តាលវៀតណាម បានឲ្យដឹងថា បច្ចុប្បន្ននេះ មាននិស្សិតបរទេសប្រមាណ ២២០០០នាក់ដែលកំពុងសិក្សានៅប្រទេសវៀតណាម ក្នុងនោះមាននិស្សិតកម្ពុជាប្រមាណ៤.០០០នាក់។

(VOVWORLD) - ក្នុងកម្មវិធី “ទិវាបុណ្យមិត្តភាពពិសេសវៀតណាម - ឡាវ ឆ្នាំ ២០២៣” ក្រោមប្រធានបទ “ព័ត៌មាននិងទូរគមនាគមន៍ - ចំណុចភ្លឺក្នុងទំនាក់ទំនងសហប្រតិបត្តិការវៀតណាម - ឡាវ” ដែលធ្វើឡើងនៅ ទីក្រុង Hue ចាប់ពីថ្ងៃទី ១១ ដល់ថ្ងៃទី ១៥ ខែវិច្ឆិកា នាយកដ្ឋានផ្សាយជាភាសាបរទេស (VOV៥) គឺជាអង្គភាពតំណាងរបស់វិទ្យុសម្លេងវៀតណាម ដែលចូលរួមពិព័រណ៍នៅទីនេះ។ ដោយការចូលរួមទិវាបុណ្យជាលើកដំបូង រួមជាមួយនឹងប្រវត្តិសាស្ត្រ ៦៩ ឆ្នាំនៃកម្មវិធីផ្សាយសម្លេងជាភាសាឡាវ និង ៧៨ ឆ្នាំនៃនាយកដ្ឋានផ្សាយជាភាសាបរទេសនោះ វិទ្យុសម្លេងវៀតណាមបាននឹងកំពុងរួមចំណែកក្នុងការពូនជ្រុំចំណងមិត្តភាពពិសេសរវាងវៀតណាមនិងឡាវ។

(VOVWORLD) - ក្រោយពីបង្ហាញមុខបាន៣ឆ្នាំ ដោយមានការចូលមើលជាង ២,១ លានដង នៃ MV បទចម្រៀង "កញ្ញាវៀងច័ន្ទ" មកទល់នឹងពេលនេះ មិត្តវ័យក្មេងជាច្រើននៅតែចងចាំបទចម្រៀងនេះរបស់អ្នកចម្រៀង តន្ត្រីករវ័យក្មេង កើតឆ្នាំ២០០០ លោក Bui Tuan Ngoc ដែលនិពន្ធជូនមជ្ឈដ្ឋានវ័យក្មេងវៀតណាម និងឡាវ។ ដោយមានបំណង់បន្តប្រើប្រាស់តន្ត្រីធ្វើជាស្ពានចងមេត្រីរវាងមជ្ឈដ្ឋានវ័យក្មេងនៃប្រទេសទាំងពីរ លោក Tuan Ngoc បន្តនិពន្ធបទចម្រៀង និងវីដេអូបទចម្រៀងមួយចំនួនសម្រាប់យុវជនក្នុងឆ្នាំ ២០២៣ - ២០២៤ ដើម្បីរឹតបន្តឹងថែមទៀតនូវទំនាក់ទំនងពិសេសវៀតណាម-ឡាវ តាមរយៈគម្រោងតន្ត្រីដោយមានឈ្មោះថា "សាមគ្គី"។

(VOVWORLD) - នៅដើមខែតុលា ឆ្នាំ ២០២៣ គ្លីនិក Medlatec Cambodia ចំណុះប្រព័ន្ធ សុខាភិបាល Medlatec Vietnam ត្រូវបានបើកសម្ពោធជាផ្លូវការ ដោយនាំមកនូវសេវាសុខាភិបាលប្រកបដោយភាពងាយស្រួល បច្ចេកវិទ្យាខ្ពស់បម្រើប្រជាជន ក៏ដូចជាបង្កើតឱកាសសហប្រតិបត្តិការសម្រាប់វេជ្ជបណ្ឌិត មន្ទីរពេទ្យ គ្លីនិកនៅក្នុងប្រទេសកម្ពុជា អំពីការធ្វើតេស្ត និងធ្វើរោគវិនិច្ឆ័យតាមរូបភាព៤.០។ ស្ថិតនៅក្នុងរាជធានីភ្នំពេញ Medlatec Cambodia ត្រូវបានបង្កើតឡើងក្នុងគោលបំណងចូលរួមចំណែកក្នុងការអភិវឌ្ឍវិស័យសុខាភិបាលនៃរាជធានីភ្នំពេញ ក៏ដូចជាប្រទេស កម្ពុជាផងដែរ។

(VOVWORLD) - លោកអ្នកនាងនិងប្រិយមិត្តជាទីមេត្រី! គិលានដ្ឋានពេទ្យយោធា-ស៊ីវិល Thồng Pè នៅស្រុក Kham Cot ខេត្ត Bolikhamxay ប្រទេសឡាវ អស់រយៈពេល ១៦ ឆ្នាំមកនេះ បាននិងកំពុងពង្រីកបេសកកម្មរបស់ខ្លួនបានយ៉ាងល្អ ជាមួយនឹងសកម្មភាពជាក់ស្តែង និងប្រកបដោយអត្ថន័យជាច្រើន។ ទីកន្លែងនេះបានក្លាយជាទីបង្អែកដ៏ទុកចិត្តរបស់ប្រជាជនឡាវនៅតាមភូមិស្រុកព្រំដែន និងជាផ្ទះមិត្តភាពនៅតំបន់ព្រំដែនរួមឡាវ-វៀតណាមផងដែរ។ ដើម្បីបង្កើតឡើងសមិទ្ធិផលនោះគឺដោយ មានការរួមចំណែករបស់បុគ្គល និងអង្គការជាច្រើន ប៉ុន្តែលេចធ្លោជាងគេគឺលោកវេជ្ជបណ្ឌិត Nguyen Viet Duc ជាអ្នកដែលបានផ្សាភ្ជាប់នឹងគិលានដ្ឋាន Thong Pe អស់រយៈពេល ១០ ឆ្នាំកន្លងមក។ មិនត្រឹមតែប៉ុណ្ណោះទេ លោកវេជ្ជបណ្ឌិត Duc ក៏ត្រូវបានចាត់ទុកជាអ្នកនាំសារនៃសេចក្តីស្រឡាញ់ និងចំណងសាមគ្គីភាពដ៏ស្អិតរមួតរវាងវៀតណាម និងឡាវទៀតផង។

(VOVWORLD) - ការផ្លាស់ប្តូរវប្បធម៌ និងសិល្បៈ ដើម្បីអបអរសាទរខួប ១០ ឆ្នាំនៃការបង្កើតទំនាក់ទំនងដៃគូយុទ្ធសាស្ត្រវៀតណាម - ឥណ្ឌូនេស៊ី (ខែសីហា ឆ្នាំ២០១៣ - ខែសីហា ឆ្នាំ) និងខួបលើកទី ៧៨ ទិវាបុណ្យជាតិនៃសាធារណរដ្ឋឥណ្ឌូនេស៊ី (ថ្ងៃទី ១៧ សីហា ឆ្នាំ១៩៤៥-ថ្ងៃទី ១៧ ខសីហា ឆ្នាំ ២០២៣) បានប្រព្រឹត្តទៅនាថ្ងៃទី ២៧ ខែកញ្ញា នៅរោងមហោស្រពទីក្រុងហាណូយ។ កម្មវិធីដែលរៀបចំឡើងដោយស្ថានទូតសាធារណៈរដ្ឋឥណ្ឌូនេស៊ីប្រចាំនៅទីក្រុងហាណូយ (KBRI) សហការជាមួយក្រសួងវប្បធម៌ កីឡា និងទេសចរណ៍វៀតណាមបានបន្សល់ទុកនូវចំណាប់អារម្មណ៍យ៉ាងជ្រាលជ្រៅក្នុងដួងចិត្តរបស់ប្រជាជននៃរដ្ឋធានី និងមិត្តភក្តិអន្តរជាតិ។

(VOVWORLD) - លោកអ្នកនាងនិងប្រិយមិត្តជាទីមេត្រី! កិច្ចសហប្រតិបត្តិការសេដ្ឋកិច្ចគឺជាសសរស្តម្ភដ៏សំខាន់ក្នុងទំនាក់ទំនងរវាង វៀតណាម និងសិង្ហបុរី ហើយក៏ជាគំរូ អភិវឌ្ឍន៍ក្នុងតំបន់និងលើពិភពលោកផងដែរ។ នៅក្នុងបរិបទដែលសេដ្ឋកិច្ចអន្តរជាតិនិងតំបន់មានការផ្លាស់ប្ដូរយ៉ាងឆាប់រហ័ស និងយ៉ាងជ្រាលជ្រៅ ជាមួយនឹងនិន្នាការអភិវឌ្ឍន៍ប្រកបដោយចីរភាពដោយតភ្ជាប់នឹងកំណើនបៃតង និងបដិវត្តន៍ឧស្សាហកម្ម ៤.០ នោះ វិស័យសេដ្ឋកិច្ចឌីជីថល និងសេដ្ឋកិច្ចបៃតងត្រូវបានចាត់ទុកថាជាកម្លាំងចលករថ្មីសម្រាប់ការអភិវឌ្ឍក្នុងទំនាក់ទំនងសហប្រតិបត្តិការរវាងវៀតណាម និងសិង្ហបុរីនាពេលខាងមុខ។

(VOVWORLD) - ក្រៅពីការគាំទ្រនិងវាយតម្លៃខ្ពស់ចំពោះវៀតណាមក្នុងការរៀបចំសន្និសីទសមាជិកសភាវ័យក្មេងសកលលើកទី៩ សមាជិកសភាវ័យក្មេងមកពីប្រទេសថៃ បានសម្តែងសេចក្តីស្រឡាញ់ និងការកោតសរសើរចំពោះការស្ដារឡើងវិញយ៉ាងខ្លាំងក្លានៃសេដ្ឋកិច្ចវៀតណាម។ អ្នកតាក់តែងច្បាប់វ័យក្មេងទាំងនេះក៏ត្រៀមខ្លួនជាស្រេចចូលរួមជំរុញកិច្ចសហប្រតិបត្តិការរវាងប្រទេសទាំងពីរដើម្បីផលប្រយោជន៍រួម ហើយបង្កើនសមត្ថភាពចរចារបស់អាស៊ានក្នុងបញ្ហាអន្តរជាតិផងដែរ។

(VOVWORLD) - បណ្ដាខេត្តភាគខាងកើតនៃប្រទេសថៃ ដូចជា ខេត្តត្រាត រ៉ាយ៉ង និងចាន់ថាបុរី មានឈ្មោះល្បីល្បាញជាចំការផ្លែឈើលើទូទាំងប្រទេស។ ពីប្រៀបខ្លាំងនេះ ខេត្តទាំងនេះបានកសាងកម្មវិធីទេសចរណ៍កសិកម្ម ដូចចំណុចលេចធ្លោមួយដើម្បីទាក់ទាញភ្ញៀវទេសចរ។