(VOVWORLD) - ក្រោយពីផ្អាករយៈពេល ៣ ឆ្នាំដោយសារ ផលប៉ះពាល់នៃជំងឺរាតត្បាត Covid-១៩ នាពេលកន្លងមក សាលាមិត្តភាព T៧៨ បានសម្របសម្រួលជាមួយគណៈ កម្មាធិការប្រជាជនឃុំ Tho Loc ស្រុក Phuc Tho ទីក្រុងហាណូយ រៀបចំកម្មវិធី “នាំនិស្សិតឡាវទៅទទួលបទពិសោធន៍ជាក់ស្ដែងនៅក្នុងគ្រួសារប្រជាជន” ឆ្នាំសិក្សា ២០២២-២០២៣។ តាមរយៈកម្មវិធីនេះ សាលាសង្ឃឹមថានឹងអាចជួយនិស្សិតកែលម្អជំនាញភាសាវៀតណាម ក៏ដូចជាយល់ដឹងកាន់តែច្រើនថែមទៀតអំពីជីវភាពវប្បធម៌ និងទំនៀមទម្លាប់របស់ប្រជាជនវៀតណាម។

(VOVWORLD) - សេដ្ឋកិច្ចបៃតង រួមជាមួយនឹងការអភិវឌ្ឍសង្គម និងការការពារបរិស្ថាន គឺជាសសរស្តម្ភទាំងបីនៃការអភិវឌ្ឍប្រកបដោយចីរភាព និងជានិន្នាការដែលជៀសមិនរួចរបស់ប្រទេសនានា។ ក្នុងរយៈពេលប៉ុន្មានឆ្នាំថ្មីៗនេះ ការផ្លាស់ប្តូរទៅជាសេដ្ឋកិច្ចបៃតងត្រូវបានគេចាត់ទុកថា ជាកម្លាំងចលករនៃកំណើនសេដ្ឋកិច្ចបរិយាប័ន្ននៅក្នុងអាស៊ាន។

(VOVWORLD) - លោកអ្នកនាងនិងប្រិយមិត្តជាទីមេត្រី! គិលានដ្ឋានយោធា-ស៊ីវិល គឺជាគំរូថែទាំសុខភាពបឋមនៅតាមតំបន់ព្រំដែន ដែលគ្រប់គ្រងដោយប៉ុស្តិ៍ការពារព្រំដែន។ គំរូនេះត្រូវបានកសាងឡើងក្នុងបំណងចង់ជួយប្រជាជនជាជនជាតិភាគតិច និងប្រជាជនដែលរស់នៅតាមតំបន់ព្រំដែន មានលទ្ធភាពទទួលបានសេវាថែទាំសុខភាព។ មិនត្រឹមតែត្រូវបានអនុវត្តន៍ប្រកបដោយប្រសិទ្ធភាពនៅក្នុងប្រទេសវៀតណាមប៉ុណ្ណោះទេ គំរូនេះថែមទាំងត្រូវបានរីកសាយភាយ និង ពង្រីកប្រសិទ្ធភាពនៅតាមតំបន់ព្រំដែននៃប្រទេសដែលមានរបងភូមិផងជាប់ជាមួយវៀតណាមដូចជាឡាវ និងកម្ពុជាផងដែរ។ ដោយមានអត្ថន័យលើសពីកន្លែងពិនិត្យ និងព្យាបាលជំងឺ គិលានដ្ឋានយោធា-ស៊ីវិល Thong Pe នៅខេត្ត បូលីខេមសៃ ភាគកណ្តាលឡាវ ក៏ជាស្ពានមិត្តភាព ជាទីកន្លែងដ៏ពោរពេញទៅដោយនោសញ្ចេតនារវាងកងទ័ពនិងប្រជាជននៃប្រទេសទាំងពីរវៀតណាមនិងឡាវទៀតផង។

(VOVWORLD) - ក្នុងឆ្នាំ ២០២៣ ប្រទេសឥណ្ឌូនេស៊ីក្នុងនាមជាប្រធានអាស៊ានបានជ្រើសរើសប្រធានបទ "សារសំខាន់អាស៊ាន៖ ស្នូលនៃកំណើន" ដែលបង្ហាញពីការប្តេជ្ញាចិត្តរបស់អាស៊ានក្នុងការឆ្លើយតបនឹងបញ្ហាប្រឈមក្នុងតំបន់និងលើពិភពលោក ក៏ដូចជាពង្រឹងឋានៈជាស្នូលនៃកំណើនពិភពលោកផងដែរ។ ក្នុងរយៈពេល ៥៦ ឆ្នាំកន្លងមកនេះ អាស៊ានបានខិតខំប្រឹងប្រែងដោយឥតឈប់ឈរដើម្បីឈានឡើង កសាងសហគមន៍ដោយស្អិតរមួតនិងស្ថិរភាព ដើម្បីសម្រេចបានគោលដៅខាងលើ។ នោះជាមតិរួមរបស់អ្នកជំនាញនានាក្នុងតំបន់។

(VOVWORLD) - ដោយមានគោលដៅទេសចរណ៍ល្បីៗ មុខម្ហូបឈ្ងុយឆ្ងាញ់ ជាមួយនឹងរសជាតិហឹរដ៏ប្លែកមាត់នោះ ថៃបានក្លាយជាប្រទេសដែលមានទេសចរណ៍រីកចម្រើនជួរមុខនៅអាស៊ីអាគ្នេយ៍។ ជាពិសេស នៅរាជធានីបាងកក មានទីប្រជុំជនមួយកម្លែងសម្រាប់ជនជាតិចិន ដែលមានឈ្មោះថា China Town (ក្រុងចិន)។ មកទីនេះ ភ្ញៀវទេសចរមិនត្រឹមតែអាចទស្សនាសំណង់ស្ថាបត្យកម្មប្រកបដោយវប្បធម៌ចម្រុះរបស់ជនជាតិចិន និងជនជាតិថៃប៉ុណ្ណោះទេ ថែមទាំងរីករាយជាមួយនឹងមុខម្ហូបតាមដងផ្លូវដ៏ទាក់ទាញទៀតផង។

(VOVWORLD) - ជាប្រទេសដែលមានអត្រាអតិផរណាខ្ពស់បំផុតនៅអាស៊ីអាគ្នេយ៍ នៅឆ្នាំ ២០២២ អតិផរណារបស់ឡាវ បានកើនឡើងដល់ ២២% ហើយនៅឆ្នាំ ២០២៣ អតិផរណានៅតែមិនទាន់បញ្ឈប់នៅឡើយ។ នៅក្នុងត្រីមាសទីមួយនៃឆ្នាំ ២០២៣ អត្រាអតិផរណាដែលបានកត់ត្រានៅក្នុងប្រទេសឡាវ បានលើសពី ៤០%។ ហេតុផលមួយក្នុងចំណោមហេតុផលដែលនាំទៅការហក់ឡើងនៃអត្រាអតិផរណា គឺអត្រានាំចូលទំនិញមានលក្ខណៈរប៉េះរប៉ោះ ដែលមិនទាន់ធានាបាននូវស្ថិរភាពម៉ាក្រូសេដ្ឋកិច្ចនៅឡើយ។ រដ្ឋាភិបាលឡាវបានពិភាក្សាអំពីការជំរុញឧស្សាហកម្មកែច្នៃ ដើម្បីបម្រើតម្រូវការប្រើប្រាស់ក្នុងស្រុក និងការនាំចេញ។ ការជំរុញផលិតកម្មកសិកម្ម និងការកែច្នៃទៅជាទំនិញដែលឡាវមានសក្តានុពល និងមានទីផ្សារទទួលយកសម្រាប់នាំចេញ បង្កើនប្រាក់ចំណូលជារូបិយប័ណ្ណបរទេស ខិតខំប្រឹងប្រែងនៅឆ្នាំ២០២៣ នឹងនាំចេញទំនិញកសិកម្មប្រមាណ ១,២ ពាន់លានដុល្លារអាមេរិកក្នុងមួយឆ្នាំ។

(VOVWORLD) - ធម្មយាត្រា Haji ទៅកាន់ទីក្រុងពិសិដ្ឋ Mecca ប្រទេសអារ៉ាប៊ីសាអូឌីត គឺជាព្រឹត្តិការណ៍មួយក្នុងចំណោមព្រឹត្តិការណ៍ដ៏ធំបំផុតនៅក្នុងជីវិតរបស់ជនឥស្លាម។ ក្នុងនាមជាប្រទេសដែលមានចំនួនសាសនិកឥស្លាមច្រើនបំផុតលើពិភពលោក ដោយចំនួនប្រមាណ ២៤២ លាននាក់ ជារៀងរាល់ឆ្នាំមានពលរដ្ឋឥណ្ឌូនេស៊ីរាប់សែននាក់ត្រូវបានអនុញ្ញាតឲ្យចូលរួមក្នុងធម្មយាត្រា Haji។ សម្រាប់ពួកគេ ការធ្វើធម្មយាត្រាទៅកាន់ទឹកដីពិសិដ្ឋនេះ មិនត្រឹមតែជាកាតព្វកិច្ចសាសនាដែលគួរត្រូវបំពេញប៉ុណ្ណោះទេ ថែមទាំងក៏ជាការបង្ហាញនូវសាមគ្គីភាព និងទឹកចិត្តឧទ្ទិសដល់ព្រះ Allah ទៀតផង។

(VOVWORLD) - ជាង៥០ឆ្នាំមុន ក្រោយរយៈពេលជាង៥០ទាំងថ្ងៃទាំងយប់ (ចាប់ពីថ្ងៃទី៣០ ខែមករា ដល់ថ្ងៃទី២៣ ខែមីនា ឆ្នាំ១៩៧១) កងទ័ពនិងប្រជាជនវៀតណាម សហការជាមួយប្រជាជនបណ្ដាកុលសម្ព័ន្ធ និងកងកម្លាំងប្រដាប់អាវុធបដិវត្តន៍ឡាវ បានអនុវត្តន៍ប្រកបដោយជោគជ័យនូវយុទ្ធនាការវាយបក ផ្លូវលេខ៩ - ឡាវភាគខាងត្បូង ដែលបើករបត់ថ្មីសម្រាប់បុព្វហេតុតស៊ូរំដោះប្រជាជាតិនៃប្រទេសឥណ្ឌូចិនទាំងបី។

(VOVWORLD) - យោងតាមការធ្វើស្ថិតិរបស់អគ្គនាយកដ្ឋានទេសចរណ៍ថៃ ក្នុងរយៈពេល តែ ៥ ខែដើមឆ្នាំប៉ុណ្ណោះ ប្រទេសថៃបានទទួលភ្ញៀវទេសចរវៀតណាមជាង ៤០ ម៉ឺននាក់។ តាមការព្យាករណ៍ថា នៅដំណាច់ខែមិថុនា ចំនួនភ្ញៀវទេសចរនេះនឹងកើនឡើងដល់៥០ ម៉ឺននាក់។ ដោយមើលឃើញថា ទីផ្សារភ្ញៀវទេសចរវៀតណាមមានសក្តានុភាពច្រើន បន្ទាប់ពីបើកដំណើរការទេសចរណ៍ឡើងវិញ ក្រោយពីជំងឺរាតត្បាតកូវីដ-១៩ អគ្គនាយកដ្ឋានទេសចរណ៍ថៃបានរៀបចំសកម្មភាពជាច្រើនដើម្បីផ្សព្វផ្សាយវប្បធម៌ និងទេសចរណ៍ថៃនៅវៀតណាម លេចធ្លោក្នុងនោះគឺពិធីបុណ្យ Amazing Thailand (ប្រទេសថៃអស្ចារ្យ)។

(VOVWORLD) - វត្តភូ ស្ថិតនៅខាងក្រោយវត្តព្រះកែវ មានភាពល្បីល្បាញដោយរូបសំណាកព្រះពុទ្ធស្រោបមាសដ៏យក្ស ប្រវែង ៤៦ម៉ែត្រ កំពស់ ១៥ ម៉ែត្រ ក្នុងឥរិយាបថដេកសម្រាក។ មិនត្រឹមតែជាវត្តប៉ុណ្ណោះទេ វត្តភូក៏ជាមជ្ឈមណ្ឌលបណ្ដុះបណ្ដាលវេជ្ជសាស្រ្ដបុរាណជាមួយនឹងរូបមន្តយូហ្គា និងម៉ាស្សាបែបប្រពៃណីថៃ។ ក្រោមរាជកាលស្ដេចរាមាទី ១ និងស្ដេចរាមាទី ៣ វត្តភូបានក្លាយទៅជាមជ្ឈមណ្ឌលសិល្បៈវប្បធម៌និងចំណេះដឹងរបស់ថៃ ដែលជាទីកន្លែងរក្សាទុកនិងបង្រៀនចំណេះដឹងអំពីវេជ្ជសាស្ត្រ និងបច្ចេកវិទ្យាម៉ាស្សាបែបបុរាណ។ ក្នុងនោះ សាលា Chetawan នៃប្រាសាទវត្តភូ ក៏ជាសាលាបង្រៀនម៉ាស្សានិងវេជ្ជសាស្ត្របុរាណថៃដំបូងគេដែលត្រូវបានអនុម័តជាផ្លូវការដោយក្រសួងអប់រំនិងបណ្តុះបណ្តាលថៃ។