(VOVWORLD) - ដោយក្តីស្រឡាញ់និងចំណង់ចំណូលចិត្តរបស់ខ្លួន Khuu Tan Buu បុរសកើតនៅឆ្នាំ ១៩៩៥ នៅទីក្រុង Can Tho បានស្វែងយល់ ស្រាវជ្រាវនិងនាំយកទៅលក់នៅទីផ្សារនូវផ្ទាំងគំនូរដ៏វិសេសវិសាលដែលផលិតពីអង្ករ។ ដោយមានសិល្បៈច្នៃប្រឌិត គំនូរផលិតពីអង្កររបស់លោកមានវត្ថមាននៅកន្លែងជាច្រើនទាំងក្នុងនិងក្រៅប្រទេស។

(VOVWORLD) - អនុវត្តគម្រោងអភិវឌ្ឍន៍ទីក្រុងឆ្លាតប្រកបដោយចីរភាពរបស់រដ្ឋាភិបាលវៀតណាម ដំណាក់កាល ២០១៨ - ២០២៥ នោះ ក្រុមប្រឹក្សាប្រជាជនខេត្ត Ba Ria - Vung Tau ទើបបានចេញសេចក្តីសម្រេចមួយ ដោយអនុម័តលើ“គម្រោងអភិវឌ្ឍន៍ទីក្រុងឆ្លាតដំណាក់កាល ២០២០-២០២២ ទិសដៅដល់ឆ្នាំ ២០២៥ ចក្ខុវិស័យដល់ឆ្នាំ ២០៣០”។ គោលដៅនៃគម្រោងនេះ គឺខិតខំប្រឹងប្រែងដល់ឆ្នាំ ២០២៥ បានបញ្ចប់ជាមូលដ្ឋាននូវភាពវៃឆ្លាតនៃកម្មវិធីក្នុងការគ្រប់គ្រងប្រតិបត្តិនិងកម្មវិធីឆ្លាតវៃដែលបម្រើដល់អង្គភាពអាជីវកម្ម ប្រជាជននិងភ្ញៀវទេសចរ។

(VOVWORLD) - ដោយមានបំណងកាត់បន្ថយការបំពុលបរិស្ថាននិងមានប្រាក់ចំណូលបន្ថែមនោះ កាលពីច្រើនឆ្នាំកន្លងមក ស្ត្រីជាច្រើននាក់នៅ Soc Trang មានគំនិតផ្តួចផ្តើម ដោយប្រមូលនិងបែងចែកដបភេសជ្ជៈ កេសក្រដាស កំទិចកំទីក្រដាស់ បំពង់ទឹក កន្ត្រកប្លាស្ទិចដែលខូច ។ល។ សម្រាប់លក់។ របៀបធ្វើនេះត្រូវបានគេហៅថាគំរូ “បង្វែរសំរាមទៅជាលុយ”។ រហូតមកដល់ពេលនេះ គំរូនេះបានរួមចំណែកក្នុងការកាត់បន្ថយការបោះចោលសំរាមផ្តេសផ្តាស និងជួយបរិស្ថាននៅតាមតំបន់ជាច្រើនក្នុងខេត្តគ្រប់ដណ្តប់ដោយពណ៌បៃតងស្រស់ស្អាត។

(VOVWORLD) - ម៉ាកកាហ្វេ Bich Thao Son La គឺជាម៉ាកកាហ្វេមួយក្នុងចំណោមម៉ាកកាហ្វេល្បីឈ្មោះបំផុតចំនួន ១០ ប្រភេទ ដែលចូលរួមក្នុងកម្មវិធីប្រកួតប្រជែងម៉ាកកាហ្វេពិសេសវៀតណាមឆ្នាំ ២០២០ និងជាផលិតផល OCOP ដែលបានទទួលស្គាល់ជាលំដាប់ផ្កាយ ៤។ បច្ចុប្បន្ន សហករណ៍កាហ្វេ Bich Thao កំពុងបន្តកសាងម៉ាកយីហោនេះ ដោយធានានូវលក្ខខណ្ឌទទួលស្គាល់ស្តង់ដារម៉ាកយីហោកាហ្វេផ្កាយ ៥ ថ្នាក់ជាតិ។

(VOVWORLD) - ទង់ជាតិរបស់វៀតណាម ជាទង់ជាតិពណ៌ក្រហមមានផ្កាយ ពណ៌លឿងចំនួនប្រាំនៅចំកណ្តាល។ នេះជានិមិត្តសញ្ញាជាតិ ជានិមិត្តរូបរបស់ជនជាតិនិងជាមោទនភាពរបស់ពលរដ្ឋវៀតណាមគ្រប់រូប។ ប្រជាជនវៀតណាមនៅគ្រប់ទីកន្លែងជុំវិញពិភពលោក សុទ្ធតែមានការរំជួលចិត្តយ៉ាងខ្លាំង ពេលឃើញទង់ជាតិមាតុភូមិ។ អត្ថបទសរសេរស្តីពី “ទង់ក្រហមផ្កាយលឿង៖ ទង់ជាតិ វៀតណាមមានតាំងពីចលនាវៀតណាមខាងត្បូងក្រោកឈរឡើង” របស់អ្នកសារព័ត៌មាននៃវិទ្យុសំឡេងវៀតណាមនឹងបង្ហាញបន្ថែមទៀតអំពីស្ថានភាពចាប់បដិសន្ធិក៏ដូចជាអត្ថន័យដ៏ពិសិដ្ឋរបស់ទង់ជាតិវៀតណាម។

(VOVWORLD) - តំបន់ព្រៃកោងកាងបានបង្កើតឡើងតំបន់ទ្រនាប់ដ៏សំខាន់រវាងសមុទ្រនិងសហគមន៍ប្រជាជននៅតាមឆ្នេរសមុទ្រ។ អស់រយៈពេលជាច្រើនឆ្នាំមកហើយ កម្មវិធីអភិវឌ្ឍន៍នៃអង្គការសហប្រជាជាតិ (UNDP) បានសហការជាមួយរដ្ឋាភិបាលវៀតណាមនិងមូលនិធិអាកាសធាតុបៃតង (GCF) ដើម្បីជួយដល់ការបង្កើតឡើងវិញនូវព្រៃកោងកាងប្រមាណ ៤.០០០ ហិកតា នៅក្នុងតំបន់ឆ្នេរដែលងាយរងគ្រោះដោយសារបម្រែបម្រួលអាកាសធាតុ នៅខេត្តចំនួន ៥ គឺខេត្ត Quang Ngai, Thanh Hoa, Quang Nam, Ca Mau និង Nam Dinh។ គម្រោងនេះមានប្រសិទ្ធិភាពគួរឱ្យកត់សម្គាល់ជាបឋម ជួយប្រជាជនរស់នៅតាមឆ្នេរសមុទ្រឱ្យមានស្ថេរភាពជីវភាពរស់នៅ ហើយបន្ទាប់មកទាក់ទាញអ្នកស្រុកឱ្យចូលរួមក្នុងការការពារជីវៈចម្រុះនិងបរិស្ថានទៀតផង។

(VOVWORLD) - Phja Oac គឺជាកំពូលភ្នំខ្ពស់បំផុតនៅក្នុងខេត្ត Cao Bang ដែលមានកម្ពស់ ១,៩៣១ ម៉ែត្រ ពីលើនីវ៉ូទឹកសមុទ្រ។ ចាប់តាំងពីឆ្នាំ ២០០៧មក នៅទីនេះ វិទ្យុសម្លេងវៀតណាមបានបង្កើតស្ថានីយ៍ផ្សាយសំឡេង FM-១០ គីឡូវ៉ាត់។ កម្មាភិបាលនិងអ្នកបច្ចេកទេសដែលមានភារកិច្ចថែរក្សារលករបស់វិទ្យុសម្លេងវៀតណាម បានក្លាយជា “អ្នកតំបន់” ដ៏កម្រនៅលើកំពូលភ្នំត្រជាក់ ពោរពេញដោយអ័ព្ទ។

(VOVWORLD) - ទទួលយកបេសកកម្មនៅក្នុងប្រទេសដែលមានសង្គ្រាមស៊ីវិលរ៉ាំរ៉ៃ ប្រជាជនក្រីក្រ និងអាកាសធាតុអាក្រក់។ ឆ្លងកាត់នូវរូបភាពទាំងអស់នេះ បទពិសោធន៍ជាក់ស្តែងគឺជាអនុស្សាវរីយ៍ ដែលមិនអាចបំភ្លេចបាននៅក្នុងជីវិតរបស់កម្មាភិបាល យុទ្ធជននៅមន្ទីរពេទ្យចល័តកម្រិតទី២ លេខ ២ នៅ ស៊ូដង់ខាងត្បូង។ អស់រយៈពេលជាងមួយឆ្នាំរស់នៅប្រទេសស៊ូដង់ខាងត្បូង កងទ័ពលោកអ៊ំហូមានជំនឿចិត្តនិងមោទនភាព ចំពោះការងារដែលខ្លួនបានប្រតិបត្តិ ក្នុងការចូលរួមកងកម្លាំងរក្សាសន្តិភាពរបស់អង្គការសហប្រជាជាតិ។

(VOVWORLD) - ចាប់ផ្តើមចូលរួមក្នុងមូលដ្ឋានគ្រឹះសម្រាប់ការអប់រំនៅឆ្នាំ ២០១៧ ប៉ុន្តែដល់ឆ្នាំ ២០១៩ ទើបមានការអភិវឌ្ឍពេញលេញ ហើយរហូតមកដល់ពេលនេះ មូលដ្ឋានគ្រឹះសម្រាប់ការអប់រំដែលមានឈ្មោះថា Lazi របស់ស្ថាបនិកវ័យក្មេង Pham Van Cao បានស្ទុះឈរឡើង ហើយស្ថិតក្នុងកំពូលទាំង ៥ នៃសហគម ន៍បច្ចេកវិទ្យាផ្តល់ចម្លើយនិងផ្ញើសារក្នុងវិស័យអប់រំធំជាងគេ នៅប្រទេសវៀត ណាម។ ទោះបីនៅតែមានបញ្ហាប្រឈមជាច្រើនដែលត្រូវឆ្លងកាត់ក៏ដោយ ប៉ុន្តែ ស្នាដៃដែល Lazi សម្រេចបាននោះ ត្រូវបានសហគមន៍ចាប់ផ្ដើមអាជីវកម្មវាយតម្កៃថា គួរជាទីលើកទឹកចិត្តនិងពោរពេញទៅដោយយថាទស្សន៍ផងដែរ។

(VOVWORLD) - នៅកណ្តាលសមុទ្រ វត្តអារ៉ាមដែលស្ថិតនៅលើបណ្តាកោះនៃប្រជុំកោះ Truong Sa (ខេត្ត Khanh Hoa) ជាកន្លែងសក្ការៈបូជា បញ្ជាក់ថាព្រះពុទ្ធសាសនារួមដំណើរជាមួយប្រជាជននៅកោះជានិច្ច។ មិនត្រឹមតែជាបង្គោលព្រំដែនដើម្បីអះអាងអធិបតេយ្យភាពនៅប្រជុំកោះ Truong Sa ប៉ុណ្ណោះទេ វត្តអារ៉ាមនៅទីនេះក៏ ជាអាស័យដ្ឋានដែលមិនអាចខ្វះបានសម្រាប់អ្នកនេសាទក្នុងដំណើរនេសាទនៅឯនាយសមុទ្រ ក៏ដូចជាកងទ័ពនិងប្រជាជននៅលើកោះទាំងនេះផងដែរ។