(VOVWORLD) - នាបច្ចុប្បន្ន នៅតាមមូលដ្ឋានទូទាំងប្រទេសបានបង្កើតក្រុមបង្ការនិងប្រយុទ្ធប្រឆាំងជំងឺកូវីដ-១៩ ក្នុងសហគមន៍នៅតាមលំនៅដ្ឋាន ក្រុមលំនៅឋាន ភូមិ ឃុំ... ។ ក្នុងរយៈពេលកន្លងមក គំរូនៃក្រុមបង្ការកូវីដ ១៩ ក្នុងសហគមន៍ នៅទីក្រុងហាណូយបានបង្ហាញពីតួនាទីដ៏មានប្រសិទ្ធភាពក្នុងការសម្របសម្រួលជាមួយកងកម្លាំងមុខងារដើម្បីចូលរួមក្នុងការបង្ការនិងទប់ស្កាត់ការរីករាលដាលនៃជំងឺកូវីដ-១៩។

(VOVWORLD) - នៅក្នុងគ្រាមានការឆ្លងរាលដាលជំងឺរាតត្បាត កូវីដ-១៩ នេះ ប៉ុន្តែស្មារតីសហគ្រិនភាពរបស់សហគ្រាសវៀតណាមនៅ តែបានរក្សាជានិច្ច។ សហគ្រាសជាច្រើនដើម្បីការរស់រាននិងការអភិវឌ្ឍរបស់ខ្លួន បានខិតខំប្រឹងប្រែងទាញយកអត្ថប្រយោជន៍ ពីប្រភពធនធានទាំងអស់ ដោយផ្លាស់ប្តូរសកម្មភាពប្រកបដោយភាព បត់បែន។

(VOVWORLD) - មន្ទីរព័ត៌មាននិងផ្សព្វផ្សាយខេត្ត Lang Son កំពុងដឹកនាំនិងសម្របសម្រួល ជាមួយអង្គភាពពាក់ព័ន្ធនានា ដើម្បីអនុវត្តន៍សាកល្បងការផ្លាស់ប្តូរឌីជីថលទាំងមូល និងទូលំទូលាយនៅច្រកព្រំដែន Huu Nghi និង Tan Thanh ដើម្បីដំណើរការដោយស្វ័យប្រវត្តិនិងកាត់បន្ថយពេលវេលារង់ចាំការឆ្លងដែន សម្រាប់សហគ្រាសដែលមានមធ្យោបាយឆ្លងដែន ក៏ដូចជាទំនិញនាំចេញនិងនាំចូលរវាងវៀតណាមនិងចិន។ នេះត្រូវបានចាត់ទុកថាជារបត់យុទ្ធសាស្ត្រឆ្ពោះទៅរកការកសាងនិងបំពេញផែនទីនាំចេញ នាំចូលទូទាំងប្រទេស។

(VOVWORLD) - យោងតាមស្ថិតិ បច្ចុប្បន្នមានសហគ្រាសរបស់អាណិកជនវៀតណាមនៅបរទេសប្រមាណ ៣៥០០ អង្គភាព កំពុងប្រតិបត្តិការនៅក្នុងប្រទេសនិងតំបន់ដែនដីជាច្រើន ជុំវិញពិភព លោក។ នេះជាប្រភពធនធានដ៏សំខាន់ដើម្បីជួយផ្សព្វផ្សាយនិងនាំទំនិញរបស់វៀតណាមជ្រៀតចូលប្រទេសសាមី។ បច្ចុប្បន្ន វៀតណាមបានចូលរួមកិច្ចព្រមព្រៀងពាណិជ្ជកម្មសេរីវៀតណាម- សហភាពអឺរ៉ុប (EVFTA) ហើយសហគ្រាសអាណិកជនវៀតណាមនៅឯបរទេសបាននិងកំពុងក្លាយជាស្ពាននាំទំនិញវៀតណាមទៅកាន់ទីផ្សារអឺរ៉ុបនិយាយរួមនិងប្រទេសជាសមាជិក EU និយាយដោយឡែក។

(VOVWORLD) - មិនមែនជាផ្ទះវប្បធម៌ឬបណ្ណាល័យនោះទេ ប៉ុន្តែមានបរិវេណមួយជិត ២០ ម៉ែត្រការ៉េ នៅតែពោរពេញដោយតុ កៅអី សៀវភៅរាប់រយក្បាល និងកាសែតជាច្រើន ត្រូវបានអាប់ដេតជារៀងរាល់ថ្ងៃ។ នោះជាកន្លែងជណ្ដើរនៃប្លុកបុរីមួយស្ថិតក្នុងសង្កាត់ Nghia Tan ខ័ណ្ឌ Cau Giay ទីក្រុងហាណូយ។ កន្លែងនេះត្រូវបានប្រជាជននៅទីនេះហៅឈ្មោះជាទីស្រឡាញ់ថា “ជណ្តើរវប្បធម៌”។

(VOVWORLD) - តាមស្ថានភាពជាក់ស្តែងនៃជំងឺរាតត្បាតកូវីដ ១៩ ដែលផ្ទុះឡើងនៅវៀតណាមនាពេលកន្លងមកបានបង្ហាញថា អភិបាលកិច្ចសហគ្រាសគឺជាជំហាននិងដំណោះស្រាយដ៏មានសារៈសំខាន់សម្រាប់អត្ថិភាពនិងការអភិវឌ្ឍរបស់សហគ្រាស ជាពិសេសសហគ្រាសចាប់ផ្តើមអាជីវកម្ម (startup) ដែលមានខ្នាតតូចនិងមធ្យម មុខសញ្ញាដែលងាយរងគ្រោះបំផុត។ ហេតុដូច្នេះហើយ នៅពេលដែលជំងឺរាតត្បាតផ្ទុះឡើងជាថ្មីបាននិងកំពុងវិវឌ្ឍន៍យ៉ាងស្មុគស្មាញ រឿងរ៉ាវនៃអភិបាលកិច្ចសហគ្រាសបន្តត្រូវបានអ្នកជំនាញ អ្នកសេដ្ឋកិច្ចនិងសហគ្រិនលើកយកមកពិភាក្សាជាញឹកញាប់ផងដែរ។

(VOVWORLD) - មានទីតាំងស្ថិតនៅតំបន់ខ្ពង់រាប Tay Nguyen, ខេត្ត Gia Lai បច្ចុប្បន្នមានក្រុមជនជាតិចំនួន ៤៤ ក្រុម រួមរស់ដោយមានចំនួនប្រជាជនប្រហែល ៧០ម៉ឺននាក់ ដែលស្មើនឹងជិតពាក់កណ្តាលនៃចំនួនប្រជាជនទូទាំងខេត្ត។ ក្នុងប៉ុន្មានឆ្នាំកន្លងមកនេះ ដោយសារការរួមចំណែករបស់អ្នកមានកិត្យានុភាព ក្នុងសហគមន៍ជនជាតិភាគតិច ខេត្ត Gia Lai ទទួលបានសមិទ្ធិផលគួរឱ្យកត់ សម្គាល់លើគ្រប់វិស័យ។

(VOVWORLD) - គំរូនៃការចិញ្ចឹមបង្កងទឹកសាប (ជាប្រភេទបង្កងយក្សដង្គៀបធំ) នៅឃុំ Thanh My ស្រុក Vinh Thanh ទីក្រុង Can Tho បានជួយប្រជាកសិករជាច្រើននៅទីនេះឱ្យរួចផុតពីភាពក្រីក្រប្រកបដោយនិរន្តរភាព។ នេះត្រូវបានគេចាត់ទុកថា ជាគំរូសម្រាប់អភិវឌ្ឍន៍សេដ្ឋកិច្ចគ្រួសារដែលនាំមកនូវតម្លៃនិងប្រាក់ចំណូលខ្ពស់ជាងពី ៣ ទៅ ៤ ដង បើធៀបនឹងការដាំដុះស្រូវមុននេះផងដែរ។

(VOVWORLD) - ក្លឹប “មិត្តជួយមិត្ត” នៅឃុំ Ia Bang ស្រុក Dak Doa ខេត្ត Gia Lai ត្រូវបានបង្កើតឡើងនៅថ្ងៃទី ៤ ខែកញ្ញាឆ្នាំ ២០២០ ។ នេះជាគំរូស្ម័គ្រចិត្ត ជួយអ្នកដែលជាប់ពន្ធនាគារពេលវិលត្រឡប់មកមូលដ្ឋានសម្របខ្លួនជាមួយសហគមន៍ឡើងវិញ។

(VOVWORLD) - ភូមិ Plei Mo Nu ឃុំ Chu A មានចម្ងាយពីទីក្រុង Pleiku ខេត្ត Gia Lai ប្រហែល ៨ គីឡូម៉ែត្រ ប៉ែកខាងកើត ។ អ្នកភូមិនៅទីនេះភាគច្រើនជាជនជាតិ Jrai និងកាន់សាសនាប្រូតេស្ដង់។ សហ គមន៍សាសនិកជនរស់ដោយសុខដុមរមនា្យសាមគ្គីភាព ដោយ រស់នៅល្អទាំងខាងផ្លូវលោកនិងខាងផ្លូវធម៌។