(VOVWORLD) - អស់រយៈពេលជាច្រើនខែមកនេះ នាយប់ជារៀងរាល់ថ្ងៃ ថ្នាក់អក្ខរកម្មភាសាជាតិ (ភាសាវៀតណាម) នៅឃុំព្រំដែន Can Ho ស្រុក Muong Te ខេត្ត Lai Chau តែងតែដំណើរការយ៉ាងផុសផុល។ សិក្ខាកាមក្នុងវ័យជាលោកយាយ និងអ្នកម្តាយ ទើបតែចាប់ផ្តើមរៀនអក្សរនីមួយៗ ប៉ុន្តែអ្នកទាំងអស់គ្នាសុទ្ធតែខិតខំប្រឹងប្រែងដើម្បីក្ដីសុបិន្តនៅថ្ងៃក្រោយៗនឹងចេះអាន ចេះសរសេរ និងនាំយកចំណេះដឹងដែលសិក្សាបានមកបំភ្លឺភូមិឃុំនៅស្រុកកំណើត។

(VOVWORLD) - ក្នុងអំឡុងពេលប៉ុន្មានឆ្នាំកន្លងមក ជួរព្រឹទ្ធាចារ្យភូមិនិងអ្នកមានកិត្យានុភាពនៅលើភូមិសាស្ត្រខេត្ត Dak Lak បានអះអាងនូវតួនាទីរបស់ខ្លួនក្នុងការឃោសនា ធ្វើចលនា ផ្សព្វផ្សាយ និងអប់រំច្បាប់សម្រាប់ជនរួមជាតិជាជនជាតិភាគតិច។ សកម្មភាពរបស់ជួរព្រឹទ្ធាចារ្យភូមិ និងអ្នកមានកិត្យានុភាពបានចូលរួមចំណែកក្នុងការអភិរក្សវប្បធម៌ ការអភិវឌ្ឍសេដ្ឋកិច្ចសង្គម និងការពង្រឹងផែនមហាសាមគ្គីភាពប្រជាជាតិទាំងមូលចាប់តាំងពីថ្នាក់មូលដ្ឋាន។

(VOVWORLD) - ខេត្ត Ba Ria-Vung Tau មានគ្រួសារជិត ៩០០០ ដោយមានប្រជាជនចំនួន ២៥៧០០នាក់ ជាជនជាតិភាគតិច ដែលមកពីជនជាតិចចំនួន ៣៨ ស្រូបយក ២,៣% នៃចំនួនប្រជាជនខេត្តសរុប។ ជនរួមជាតិជាជនជាតិភាគតិចរបស់ខេត្តភាគច្រើនគឺជនជាតិ Hoa ខ្មែរ Tay Nung Chau ro... រស់នៅជាមួយជនជាតិ Kinh នៅស្រុក Chau Duc, Xuyen Moc និងទីក្រុង Vung Tau។ អាស្រ័យដោយមានការយកចិត្តទុកដាក់ ការថែទាំនិងការលើកកំពស់គុណភាពជីវភាពរបស់អាជ្ញាធរមូលដ្ឋាន ជនរួមជាតិជាជនជាតិភាគតិចប្រចាំមូលដ្ឋាន បានឈានឡើងពីមួយថ្ងៃទៅមួយថ្ងៃក្នុងជីវភាពរស់នៅ រួបរួមគ្នាកសាងស្រុកកំណើត។

(VOVWORLD) - ជាមួយនឹងជនជាតិចំនួន ២០ រស់នៅជាមួយគ្នា ខេត្ត Lai Chau មានសម្បត្តិវប្បធម៌ចម្រុះពណ៌ ដែលទាក់ទាញភ្ញៀវទេសចរក្នុងស្រុក និងបរទេសមកទស្សនា និងស្វែងយល់។ មិនត្រឹមតែអភិរក្ស និងផ្សព្វផ្សាយប៉ុណ្ណោះទេ តាមរយៈការប្រជុំផ្សារនៅតាមភូមិនានា ប្រជាពលរដ្ឋជនជាតិភាគតិចបានឧទ្ទេសនាមអំពីផលិតផលវប្បធម៌ និងម្ហូបអាហារដ៏ពិសេសរបស់ជនជាតិខ្លួន ទៅកាន់ភ្ញៀវ ទេសចរ។

(VOVWORLD) - តាំងពីនៅតូច កុមារីជនជាតិ Ede នៅខេត្ត Dak Lak ត្រូវបានយាយនិងម្ដាយបង្រៀនពីរបៀបត្បាញក្រណាត់ចរបាប់ដើម្បីធ្វើភួយ សម្ពាយឬសំលៀកបំពាក់។ ផលិតផលទាំងនេះមិនត្រឹមតែសម្រាប់ប្រើប្រាស់ប៉ុណ្ណោះទេ ថែមទាំងក៏ជាជំនូនទុកជូនគ្រួសារកូនកំលោះនៅពេលដែលកូនក្រមុំទៅ "ចាប់" ប្តីរបស់នាងទៀតផង។ ដូច្នេះ ការត្បាញក្រណាត់ចរបាប់ត្រូវបានចាត់ទុកថា ជារង្វាស់នៃភាពប៉ិនប្រសប់សម្រាប់នារីជនជាតិ Ede។ របរតម្បាញចរបាប់ត្រូវបាននារី Ede ថែរក្សា និងអភិវឌ្ឍក្លាយជាការផលិតទំនិញ ដើម្បីបង្កើតប្រាក់ចំណូលសម្រាប់ក្រុមគ្រួសារ និងសហគមន៍។

(VOVWORLD) - ដូចជនជាតិជាច្រើនទៀតដែរ ចង្ក្រានភ្លើងមានតួនាទីយ៉ាងសំខាន់ក្នុងជីវភាពរស់នៅរបស់ជនជាតិ Tay។ ចង្រ្កានភ្លើងជាកន្លែងសម្រាប់ចម្អិនអាហារ កន្លែងទុកដាក់ស្បៀង ព្រមទាំងជាទីសក្ការៈបូជាអ្នកតាចង្រ្កានភ្លើង ដើម្បីបណ្ដេញខ្មោចព្រាយបិសាច ការពារសត្វព្រៃគ្រោះថ្នាក់ ហើយបួងសួងសុំលាភសំណាង និងភាពសម្បូរធូធារផងដែរ។ ដូច្នេះហើយ បងប្អូនជនជាតិ Tay ជានិច្ចកាលចាត់ទុកចង្ក្រានភ្លើងដូចពិភពអាថ៌កំបាំងមួយនៅក្នុងផ្ទះពីជំនាន់មួយទៅជំនាន់មួយទៀត។

(VOVWORLD) - សម្រាប់បងប្អូនជនជាតិភាគតិចនៅតំបន់ Tay Nguyen ដំរីមិនត្រឹមតែជាទ្រព្យសម្បត្តិដ៏មានតម្លៃ ដែលបង្ហាញពីភាពរឹងមាំនៃក្រុមគ្រួសារ និងវង្សត្រកូលប៉ុណ្ណោះទេ ថែមទាំងវាក៏ជាតំណាងនៃព្រះដំរី ដែលជានិមិត្តរូបនៃលាភសំណាង និងភាពសម្បូររុងរឿងរបស់ភូមិទៀតផង។ ដូច្នេះ រហូតមកដល់ពេលនេះ សហគមន៍បណ្ដាជនជាតិភាគតិចនៅតំបន់ Tay Nguyen នៅតែថែរក្សាពិធី និងទំនៀមទម្លាប់ជាច្រើនទាក់ទងនឹងដំរី ក្នុងនោះមានពិធីសែនសុំសេចក្ដីសុខជូនដំរីដែលបានធ្វើឡើងជារៀងរាល់ឆ្នាំ។

(VOVWORLD) - មកដល់ខេត្ត Ha Giang ក្នុងថ្ងៃបុណ្យទាននិងបុណ្យចូលឆ្នាំថ្មី... ស្នូរសំឡេងនៃល្បែងវាយ yen ហាក់ដូចជាអញ្ជើញមនុស្សទាំងអស់គ្នាមករីករាយ ខិតមកជិតគ្នា រួបរួមសាមគ្គី និងរួមគ្នាថែរក្សាតម្លៃវប្បធម៌ខាងស្មារតីដ៏ពិសេសដោយឡែករបស់ជនជាតិ Mong នៅតំបន់ព្រៃភ្នំ។

(VOVWORLD) - ភូមិ Na Hac (ភូមិ Doan Ket ឃុំ Ha Lau ស្រុក Tien Yen ខេត្ត Quang Ninh) គឺជាភូមិជនជាតិ Dao តែមួយគត់នៃឃុំ Ha Lau ដែលស្ថិតជាប់នឹងព្រៃស្រោងនិងព្រៃការពារដោយមានផ្ទៃដីប្រហែល ៣០០ ហិកតា។ ជាច្រើនជំនាន់មកហើយ អ្នកភូមិ Na Hac ជានិច្ចកាលរួមគ្នាការពារ និងថែរក្សាព្រៃឈើនេះ។

(VOVWORLD) - ពាក្យសម្ដីចាប់ចុងចួន (ភាសា Ede ហៅថា klei due) របស់ជនជាតិ Ede នៅតំបន់ Tay Nguyen គឺជាការប្រមូលផ្ដុំនៃប្រាជ្ញាប្រជាប្រិយ ហើយត្រូវបានមរតកពីជំនាន់មួយទៅជំនាន់មួយទៀត។ ពាក្យសម្ដីចាប់ចុងចួនមានវត្តមាននៅក្នុងការដំណាលរឿងវិរកថា (khan) របស់បណ្ដាសិប្បករ នៅក្នុងពិធីសែនវដ្តសង្សានៃជីវិត ឬពិធីអំណរស្រូវថ្មី។ ពាក្យសម្ដីចាប់ចុងចួន គឺជាទំនុកច្រៀងប្រកបដោយមនោសញ្ចេតនា ដែលប្រៀនប្រដៅកូនចៅឱ្យចេះស្រឡាញ់ស្រុកកំណើត ភូមិឃុំ សាមគ្គីជួយគ្នាទៅវិញទៅមកក្នុងជីវភាពរស់នៅ ឬជាពាក្យប្រៀបប្រដូចក្នុងបទចម្រៀងសាសងគ្នាដ៏ផ្អែមល្ហែមរបស់គូស្នេហ៍ផងដែរ។