(VOVWORLD) - តំបន់ខ្ពង់រាប Moc Chau (ខេត្ត Son La) មិនត្រឹមតែត្រូវបានគេស្គាល់ដល់ជាគោលដៅទេសចរណ៍ដ៏ទាក់ទាញ ជាមួយនឹងអាកាសធាតុបរិសុទ្ធ ត្រជាក់ស្រួល ទេសភាពធម្មជាតិស្រស់បំព្រងប៉ុណ្ណោះទេ ប៉ុន្តែទីនេះថែមទាំងមានពិធីបុណ្យទានជាច្រើនដ៏ពោរពេញទៅដោយអត្តសញ្ញាណវប្បធម៌របស់បណ្ដាជនជាតិនៅតំបន់ពាយព្យទៀតផង។ មកដល់ Moc Chau ក្នុងប៉ុន្មានថ្ងៃដើមនិទាឃរដូវ ភ្ញៀវទេសចរនឹងមានឱកាសសម្របខ្លួនក្នុងពិធីបុណ្យបួងសួងសុំភ្លៀង ដែលជាសកម្មភាពវប្បធម៌ជំនឿដ៏ពិសេសរបស់ជនជាតិ Thai ស្បែកស នៅឃុំ Muong Sang។

(VOVWORLD) - ខេត្ត Dak Lak បច្ចុប្បន្ននេះ មានជនមានកិត្យានុភាពនៅក្នុងតំបន់ជនជាតិភាគតិចចំនួន ៩៤២ នាក់ ក្នុងនោះជនជាតិ Ede មានចំនួនច្រើនបង្គួរ។ រួមជាមួយនឹងជនមានកិត្យានុភាពនៃជនជាតិដទៃទៀត ជនមានកិត្យានុភាពក្នុងសហ គមន៍ជនជាតិ E De ក៏មានការរួមវិភាគទានសំខាន់ៗជាច្រើនក្នុងការអភិវឌ្ឍសេដ្ឋកិច្ចសង្គមនៅមូលដ្ឋាន។ ពួកគេមានឋានៈនិងតួនាទីដ៏ធំធេងក្នុងការឃោសនា ចលនាបងប្អូនជនជាតិភាគតិច លើកកម្ពស់មនសិការក្នុងការថែរក្សា និងពង្រីកអត្តសញ្ញាណវប្បធម៌ជនជាតិ និងតម្លៃប្រពៃណីដ៏ល្អប្រសើរផងដែរ។

(VOVWORLD) - ជនជាតិ Mnong Rlam នៅស្រុក Lak ខេត្ត Dak Lak ផ្សាភ្ជាប់នឹងធម្មជាតិ ដូច្នេះក្នុងជំនឿខាងវិញ្ញាណ ពួកគេតែងតែគោរពបូជាព្រះគីរី ព្រះគង្គារ ហើយត្រូវបានព្រះអាទិទេពជួយការពារនិងប្រទានពរ។ ក្នុងជីវភាពរបស់ពួកគេ ជានិច្ចកាលមានការផ្សាភ្ជាប់រវាងសមាជិកគ្រួសារ; រវាងគ្រួសារ និងវង្សត្រកូល ហើយរវាងត្រកូលនិងភូមិផងដែរ។ ជាពិសេសក្នុងពិធីវប្បធម៌និងជំនឿជាច្រើនក្នុងឆាកជីវិតរបស់ជនជាតិ Mnong នៅតែត្រូវបានរៀបចំឡើងជាប្រចាំ ក្នុងនោះមានពិធីចម្រើនអាយុប្រកបដោយអត្ថន័យមនុស្សសាស្ត្រ ដែលពង្រឹងចំណងសាមគ្គីភាពរវាងក្រុមគ្រួសារជាមួយភូមិឃុំ។

(VOVWORLD) - ពិធីបុណ្យវាយស្គរគឺជាពិធីបុណ្យមួយរបស់ជនជាតិ Ma Coong នៅឃុំ Thuong Trach ស្រុក Bo Trach ខេត្ត Quang Binh ដោយមានបំណងបួងសួងសុំឲ្យអាកាសធាតុអំណោយផល វាលស្រែ រីកលូតលាស់បានល្អ ភូមិឃុំសម្បូរធូធារ គ្រួសារមានសេចក្ដីសុខ សត្វពាហនៈជៀសផុតពីជំងឺរាលដាល។ ក្នុងរាត្រីនៃបុណ្យវាយស្គរនោះ កំលោះនិងក្រមុំដែលមិនទាន់រៀបការ បានណាត់ជួបគ្នាហើយក្លាយទៅជាប្ដីប្រពន្ធ។

(VOVWORLD) - Tuc khang និយាយតាមភាសា Tay គឺលេងវូ។ នេះជាល្បែងវប្បធម៌ប្រជាប្រិយពិសេសមួយរបស់ជនជាតិ Tay ដែលតែងតែបានប្រារព្ធធ្វើឡើងនៅ រដូវផ្ការីក។ សម្រាប់បងប្អូនជនជាតិ Tay នៅស្រុក Luc Yen ខេត្ត Yen Bai ល្បែង Tuc khang នេះមិនត្រឹមតែសម្រាប់បុរសលេងប៉ុណ្ណោះទេ ថែមទាំងទាក់ទាញស្ត្រីជាច្រើនផងដែរ។

(VOVWORLD) - និទាឃរដូវមកដល់ហើយ នាំមកនូវភាពកក់ក្តៅនៃមេឃដី ហើយក៏ជារដូវសម្រាប់អ្វីៗគ្រប់បែបយ៉ាងរីកលូតលាស់ ... នៅពេលនោះ នៅតំបន់ព្រំដែន Binh Lieu (ខេត្ត Quang Ninh) ជនរួមជាតិជនជាតិ San Chi ត្រៀមរៀបចំការរៀបអាពាហ៍ពិពាហ៍សម្រាប់គូស្នេហ៍។ ពិធីរៀបអាពាហ៍ពិពាហ៍របស់ជនជាតិ San Chi នៅទីនេះមានលក្ខណៈពិសេស ខុសប្លែកជាច្រើនពីជនជាតិដទៃទៀត។

(VOVWORLD) - បុណ្យតេតឆ្នាំនេះពិតជាពិសេសណាស់សម្រាប់ប្រជាជនបណ្ដាជនជាតិនៅស្រុក Song Ma ខេត្ត Son La ព្រោះនេះជានិទាឃរដូវដំបូងដែលពួកគេចេះអាន ចេះសរសេរ ហើយចេះគណនា... ពន្លឺរស្មីចែងចាំងពីថ្នាក់អក្ខរកម្មបានបំភ្លឺជំនឿជាក់និងក្តីសុបិន្តរបស់ជនរួមជាតិ អំពីជីវភាពថ្មីនៅលើតំបន់ដីព្រំដែនដ៏លំបាកនេះ។

(VOVWORLD) - នៅក្នុងថ្ងៃដំបូងនៃឆ្នាំថ្មីសកល ជនរួមជាតិជនជាតិ Xe Dang នៅភូមិ Kon Hring ឃុំ Ea H'ding ស្រុក Cu M'gar ខេត្ត Dak Lak តែងតែប្រារព្ធពិធីបុណ្យអំណរស្រូវថ្មី (ហៅម្យ៉ាងទៀតថា បុណ្យតេតស្រូវថ្មី)។ នេះជាពិធីសែនដ៏ធំបំផុតប្រចាំឆ្នាំ ហើយក៏ជាឱកាសសម្រាប់ ជនរួមជាតិទាំងឡាយរស់នៅទាំងជិតទាំងឆ្ងាយ មកប្រាស្រ័យ រីករាយជាមួយគ្នា។

(VOVWORLD) - ខេត្តត្រាវិញ មានចំនួនប្រជាជនជាង១លាននាក់ ដោយមានជនជាតិស្នូលចំនួន៣គឺជនជាតិ Kinh ជនជាតិខ្មែរ និងជនជាតិ Hoa។ ដោយមានសាសនា ចំនួន៩នៅក្នុងខេត្ត ជនរួមជាតិបណ្ដាជនជាតិនៅខេត្តត្រាវិញ ត្រូវបានធានាសិទ្ធិសេរីភាពខាងជំនឿ សាសនាទាំងអស់ស្មើគ្នានៅចំពោះមុខច្បាប់ ដោយប្រតិបត្តិដោយបាវចនា “រស់នៅល្អទាំងខាងផ្លូវលោក ផ្លូវធម៌”។

(VOVWORLD) - របរតម្បាញចរបាប់គឺជាលក្ខណៈវប្បធម៌ពិសេសមួយរបស់ប្រជាជនជនជាតិJrai ខេត្ត Gia Lai។ ទន្ទឹមនឹងការថែរក្សារបរ តម្បាញ ដើម្បីអភិរក្សសិប្បកម្មប្រពៃណីរបស់ជនជាតិ បុគ្គល និងអាជីវកម្មជាច្រើនបានប្រើប្រាស់ក្រណាត់ ចរបាប់ប្រពៃណី Jrai ដើម្បីដេរសម្លៀកបំពាក់ប្រកបដោយភាពច្នៃប្រឌិត ហើយផ្សព្វផ្សាយ និងលក់ទំនិញនៅលើបណ្តាញសង្គម នាំយកផលិតផលរបស់ជនជាតិខ្លួនទៅកាន់ភ្ញៀវទេសចរជាតិ និងអន្តរជាតិ។