(VOVWORLD) - ខ្ពង់រាបថ្ម Dong Van ស្ថិតនៅតំបន់ភ្នំ ភាគខាងជើងខេត្ត Ha Giang នៃប្រទេសវៀតណាម ដែលត្រូវបានអង្គការ UNESCO ទទួលស្គាល់ជាប្រព័ន្ធភូគព្ភ សាស្ដ្រសកលលោក។ ផ្លូវទៅកាន់ខ្ពង់រាបថ្មដ៏អស្ចារ្យនេះ គឺគ្រោះថ្នាក់ណាស់ដោយមានជម្រាលគួឲ្យរន្ធត់ ពោលគឺត្រឹម តែឃើញដុំថ្មដែលគរលើគ្នាតែប៉ុណ្ណោះ។ ប៉ុន្តែ នៅចន្លោះភ្នំថ្មធំតូចរកេតរកូត គេនៅតែឃើញពាសពេញទៅដោយដំណាំ ពោតពណ៌បៃតងនិងផ្កា Tam giac mach ដែលកំពុងបង្អួតសម្រស់ដ៏ស្អាតត្រកាលគួរឲ្យចង់គយគន់។

(VOVWORLD) - នៅពេលដែលចូលព្រៃ យកទំពាំងឫស្សីឬទៅស្រែចំការបេះបន្លែ នារីជនជាតិ Thai មិនភ្លេចយកតាមនូវ Ep ស្ពាយលើស្មាធ្វើពីប្ញស្សី (ដែលភាសាថៃគេហៅថា Ca lep)។ នេះគឺជាវត្ថុមួយមានលក្ខណៈពិសេស ដែលរួមចំណែកដល់ការតុបតែងលំអសម្រស់របស់នារីជនជាតិ Thai ផងដែរ។

(VOVWORLD) - សម្រាប់ជនជាតិភាគតិច Thai ខ្មៅ ដែលរស់នៅតំបន់ព្រៃភ្នំនៃភាគពាយ័ព្យ វៀតណាម កន្សែង Pieu គឺមានអត្ថន័យខាងព្រលឹងវិញ្ញាណ ដែលត្រូវបានគេប្រដូចទៅនឹងវត្ថុបញ្ជាំចិត្តសម្រាប់សេចក្តីស្នេហាដែលធ្វើឲ្យនារីជនជាតិ Thai កាន់តែស្រស់ស្អាត។ ហេតុដូច្នេះ ជនជាតិ Thai ខ្មៅមុននេះ នរណាក៏ចេះពីរបៀបប៉ាក់និងធ្វើកន្សែង Pieu ផងដែរ។

(VOVWORLD) - Phuc Sen ជាឃុំខ្ពង់រាបមួយនៃក្រុមជន ជាតិភាគតិច Nung នៅស្រុក Quang Uyen ខេត្ត Cao Bang ។ សព្វថ្ងៃនេះ Phuc Sen មានគ្រួសារចំនួន ៤២០ គ្រួសារដែលមានជនជាតិ Nung ចំនួន ២០០០ នាក់ ដែលបែង ចែកជាសាខាតូចៗ ដូចជា Nung An, Nung Inh និង Nung Loi ជាដើម។ ជនរួមជាតិ Nung មានប្រវត្តិអភិវឌ្ឍន៍យូរអង្វែងជាមួយនឹងឃ្លាំងទំនៀមទម្លាប់វប្បធម៌ដ៏វិសេសវិសាល។ ជាពិសេសជនជាតិ Nung An នៅទីនេះ មានរបរសិប្បកម្មប្រពៃណីដែលល្បីល្បាញទូទាំងប្រទេស។

(VOVWORLD) - ក្នុងកំឡុងពេលចាប់ពីខែមករា ដល់មេសា តាមប្រតិទិនសកល ជារៀងរាល់ឆ្នាំ នៅភូមិស្រុកនានារបស់ជនជាតិ Jarai នៅតំបន់ខ្ពង់រាប Tay Nguyen តែងតែ ប្រព្រឹត្តទៅពិធីបុណ្យ Po Thi ដែលជាពិធីបុណ្យបញ្ចូនព្រលឹងរបស់អ្នកស្លាប់ទៅកាន់សុគតិភព (ឋានសួគ៌) តាមទំនៀមទម្លាប់ប្រពៃណីរបស់ជនជាតិ Jarai។ នេះលត្រូវបានគេចាត់ទុកថាជាពិធីបុណ្យដ៏ធំបំផុតមួយរបស់ប្រជា ជន Jarai ដែលប្រមូលផ្តុំស្ទើរតែទាំងស្រុងនូវតំលៃវប្បធម៍ដ៏ចម្រុះក្នុងបរិយាកាសវប្បធម៍តំបន់ខ្ពង់រាប Tay Nguyen។

(VOVWORLD) - Co Lao គឺជាជនជាតិភាគតិចមួយក្នុងចំណោមជនជាតិភាគតិចនៅវៀតណាម។ ជនជាតិនេះ មានឈ្មោះផ្សេងទៀត ដូចជា Tu Du, Ho Ki និង Voa De ជាដើម។ ជនជាតិ Co Lao បានផ្លាស់លំនៅដ្ឋានមកប្រទេសវៀតណាមប្រហែល ១៥០ ទៅ ២០០ ឆ្នាំមុន។

(VOVWORLD) - សម្រាប់ជនរួមជាតិជាជនជាតិ E de កំពង់ទឹកក៏មានទេវតាគងនិងគ្រប់គ្រងផងដែរ។ ហេតុដូច្នេះ ជាប្រពៃណី បន្ទាប់ពីការប្រមូលផលត្រូវបានបញ្ចប់ ហើយមុនពេលឈានចូលទៅរដូវថ្មី ជនជាតិ E de តែងតែធ្វើពិធីសែនកំពង់ទឹកដើម្បីអរព្រះគុណដល់ទេវតា ដែលបានប្រទានពរនូវរដូវអំណោយផលនិងប្រទានពរសេចក្តីសុខ ដល់អ្នកភូមិគ្រប់រូប។ ក្រៅពីអត្ថន័យខាងព្រលឹង តាមរយៈពីធីបុណ្យនេះ ក៏បានបង្ហាញពីការគោរពចំពោះប្រភពទឹក - ដែលជាជីវិតរបស់ជនជាតិ E de ផងដែរ។

(VOVWORLD) - ដូចទៅនឹងក្រុមជនជាតិភាគតិចដទៃទៀតដែរ ជនជាតិ Dao ក្រហមបានទទួលបុណ្យតេតប្រពៃ ណីតាមប្រតិទិនចន្ទគតិ។ ដើម្បីឧទ្ទិសដល់បុព្វការីជននិងអ្នកដែលលាចាកលោកទៅនោះ នាឱកាសបុណ្យតេតប្រពៃ ណី អ្នកភូមិគេបានរៀបចំពិធីដើម្បីថ្វាយបុព្វការីជនចូលរួមបុណ្យចូលឆ្នាំប្រពៃណីហើយក្រោយមក គេក៏បានជូនដំណើរបុព្វការីជនទៅកាន់ឋានព្រលឹងវិញ ដែលជាភាសាជនជាតិ ហៅថា Phua Chuong ផងដែរ។ នេះគឺជាជំនឿដ៏វិសេសវិសាលរបស់ជនជាតិ Dao ក្រហមដែលរស់នៅតំបន់ ភាគពាយ័ព្យ (វៀតណាម)។

(VOVWORLD) - ចំពោះជនជាតិ Ede ពាងមិនត្រឹមតែជាទ្រព្យសម្បត្តិដើម្បីបង្ហាញពីជីវភាពសម្បូរធូធារប៉ុណ្ណោះទេ ថែមទាំងពោរពេញទៅដោយលក្ខណៈពិសិដ្ឋទៀតផង។ ពាងមានវត្តមាននៅក្នុងពិធីបុណ្យ ពិធីសែន នៅក្នុងជីវិតខាងព្រលឹងវិញ្ញាណរបស់ជនជាតិ Ede។ ហេតុដូច្នេះ នៅពេលដែលគ្រួសារទិញបានពាងមួយដ៏មានតម្លៃឬនៅពេលដែលវាត្រូវម្ចាស់យកទៅលក់ឬប្រគល់ពាងទៅគេ ម្ចាស់ពាងនឹងធ្វើពិធីបុណ្យមួយដើម្បីជូនដំណឹងដល់ព្រះនិងពូជពង្សឲ្យបានដឹងជ្រាបផង។ នេះគឺជាពិធីបុណ្យតាមប្រពៃណីដ៏វិសេសវិសាលរបស់ជនជាតិ Ede Mdhur និង Blo នៅខេត្ត Dak Lak ដែលត្រូវបានរក្សាទុករហូតមកដល់សព្វថ្ងៃ។

(VOVWORLD) - ជនជាតិភាគតិច M’nong បានសាងជីវភាពរស់នៅ នៅខេត្ត Dak Nong ជាយូរណាស់មកហើយ ដោយមានការច្នៃប្រឌិតវប្បធម៌ដែលត្រូវបានពូនជ្រុំ ជាច្រើនជំនាន់មក។ កេរ្តិ៍ដំណែលវប្បធម៌របស់ជនជាតិ M’nong ក្នុងនោះមានពិធីបុណ្យប្រពៃណីជាច្រើននៅតែរក្សាបាននូវតម្លៃវប្បធម៌ដដែល រហូតដល់បច្ចុប្បន្ននេះ។ ហើយបំណងប្រាថ្នារបស់អ្នកភូមិ សុទ្ធតែបានបង្ហាញតាម រយៈពិធីបុណ្យទាំងនេះផងដែរ។ ក្នុងនោះ មានពិធីសែនក្លោងទ្វារភូមិស្រុក (Bu brah mper bon) ជាមួយនឹងបំណង់ប្រាថ្នាបួងសួងសុំឲ្យអាកាសធាតុអំណោយផល ស្រែចំការ លូតលាស់ត្រកាល អ្នកភូមិបានរស់នៅក្នុងភាពសម្បូរធូធារ និងសុភមង្គល។