រូបថត៖ congthuong.vn

យោងតាមនាយកដ្ឋានគយ សន្ទុះកើនឡើងនៃការនាំចេញផ្លែឈើនិងបន្លែទៅកាន់សហភាពអឺរ៉ុបក្នុងរយៈពេល៥ឆ្នាំកន្លងមក ឆ្លុះបញ្ចាំងការពង្រីកទីផ្សារ និងការផ្លាស់ប្តូររចនាសម្ព័ន្ធផលិតផល។ ដំណាក់កាល ២០២១ - ២០២៥ ប្រាក់ចំណូលពីការនាំចេញទៅកាន់សហភាពអឺរ៉ុប កើនឡើង ៣២២,៧ លានដុល្លារអាមេរិក ស្មើរនឹង ២០៨%។ អត្រាកំណើនជាមធ្យមប្រចាំឆ្នាំគឺប្រហែល ៤៣%។ ដោយឡែកឆ្នាំ ២០២៥ បើប្រៀបធៀបទៅនឹងឆ្នាំ ២០២៤ ប្រាក់ចំណូលពីការនាំចេញបានកើនឡើងជិត ៥៣% ដែលបង្ហាញថា ទីផ្សារនៅតែរក្សាសន្ទុះវិជ្ជមាន។ ជាទូទៅ ការនាំចេញផ្លែឈើ និងបន្លែទៅកាន់សហភាពអឺរ៉ុបមិនត្រឹមតែកើនឡើងខាងបរិមាណប៉ុណ្ណោះទេ ថែមទាំងធ្វើពិពិធកម្ម ដោយកាត់បន្ថយការពឹងផ្អែកលើផលិតផលប្រពៃណីមួយចំនួនជាបណ្ដើរៗទៀតផង។

ដោយមានទំហំទីផ្សារជិត ៤៨០ លានដុល្លារនៅត្រឹមឆ្នាំ ២០២៥ សហភាពអឺរ៉ុបនៅតែជាទីផ្សារមួយក្នុងចំណោមទីផ្សារដែលមានការរីកចម្រើនលឿនបំផុតរបស់ផ្លែឈើនិងបន្លែវៀតណាម។ ដើម្បីរក្សាសន្ទុះកំណើននេះ ផ្នែកទំនិញផ្លែឈើនិងបន្លែត្រូវបន្តវិនិយោគលើវិស័យវត្ថុធាតុដើមដែលបំពេញស្តង់ដារ បង្កើនអត្រានៃការកែច្នៃស៊ីជម្រៅ និងកសាងម៉ាកយីហោប្រកបដោយនិរន្តរភាពនៅក្នុងទីផ្សារនេះ៕