ការបោះឆ្នោតនៅអាមេរិកឆ្នាំ ២០២៤៖ បេក្ខជនពីរនាក់មានអត្រាគាំទ្រកៀកគ្នា
(VOVWORLD) - យោងតាមលទ្ធផលនៃការស្ទង់មតិទូទាំងប្រទេសដែលបានចេញផ្សាយដោយ កាសែត The New York Times កាលពីថ្ងៃទី ២៥ ខែមិថុនា បានឲ្យដឹងថា ការប្រកួតប្រជែងទៅជាប្រធានាធិបតីអាមេរិកនៅឆ្នាំនេះ ត្រូវបានព្យាករណ៍ថានឹងប្រកិតប្រកៀកគ្នានៅទូទាំងសហរដ្ឋអាមេរិក ជាពិសេសនៅបណ្តារដ្ឋជាយុទ្ធសាស្ត្រ។
ជាក់ស្តែង ប្រធានាធិបតីដែលកំពុងកាន់អំណាច លោក Joe Biden និងគូប្រជែង លោក Donald Trump ទាំងពីររូប ទទួលបានអត្រាគាំទ្រជាមធ្យមគឺ ៤៦% ហើយភាគីទាំងពីរមានតុល្យភាព មុនពេលការជជែកសួរដេញដោលបានប្រព្រឹត្តិទៅនៅយប់ថ្ងៃទី ២៧ ខែមិថុនា។ ប្រធានាធិបតីអាមេរិកបច្ចុប្បន្ន បានបន្ថយគម្លាតបន្ទាប់ពីលោកបានថ្លែងសុន្ទរកថាសហរដ្ឋ ហើយបន្ទាប់មកបានទទួលការតែងតាំងជាផ្លូវការពីគណបក្សប្រជាធិបតេយ្យ។ លោកក៏បានបិទគម្លាតជាមួយគូប្រជែង បន្ទាប់ពីលោក Donald Trump ត្រូវបានកាត់ទោសដោយគណៈវិនិច្ឆ័យនៅទីក្រុងញូវយ៉កកាលពីថ្ងៃទី ៣១ ខែឧសភា។
 ប្រធានាធិបតីអាមេរិក លោក Joe Biden និងអតីតប្រធានាធិបតី លោក Donald Trump ។ រូបថត៖ AFP/TTXVN |
ការប្រកួតប្រជែងក៏ត្រូវបានព្យាករណ៍ថា នឹងប្រព្រឹត្តិទៅដោយភាពតានតឹងនៅក្នុងបណ្តារដ្ឋជាយុទ្ធសាស្ត្រ បើទោះបីជាលោក Trump នាំមុខគេនៅចន្លោះចង្អៀតតាមការស្ទង់មតិនាពេលថ្មីៗនេះក៏ដោយ។ អត្រានាំមុខរបស់លោក Trump ចំពោះលោក Biden មិនសូវមានភាពខុសគ្នា ប៉ុន្តែគុណសម្បត្តិនៅក្នុងរដ្ឋ Pensylvania រដ្ឋ Wisconsin រដ្ឋ Michigan រដ្ឋ Nevada រដ្ឋ Arizona និងរដ្ឋ Georgia ត្រូវបានចាត់ទុកថា មានអត្រាគាំទ្រគ្រប់គ្រាន់ដើម្បីឱ្យលោក Trump ទទួលបានជ័យជម្នះ ហើយក្លាយជាប្រធានាធិបតី។ លទ្ធផលនៃការស្ទង់មតិនៅក្នុងរដ្ឋ Nevada រដ្ឋ Arizona រដ្ឋ Georgia និងរដ្ឋ North Carolina បានបង្ហាញថាលោក Trump កំពុងនាំមុខចំនួន ៤-៥% ៕