ផ្សែងហុយឡើងបន្ទាប់ពីការទម្លាក់គ្រាប់បែករបស់អ៊ីស្រាអែលលើទីក្រុង Rafah តំបន់ហ្គាហ្សា កាលពីថ្ងៃទី៧ ខែឧសភា ឆ្នាំ២០២៤។ រូបថតរូបភាព៖ THX/TTXVN

នាថ្ងៃដដែលនោះ គណៈប្រតិភូហាម៉ាសដែលចូលរួមក្នុងការចរចាស្តីពីបទឈប់បាញ់បានចាកចេញពីរដ្ឋធានីគែរ របស់អេហ្ស៊ីប។ ព័ត៌មាននេះត្រូវបាននាំចេញដោយលោក Ezzat Al-Rashq សមាជិកការិយាល័យនយោបាយរបស់ក្រុមហាម៉ាស។ នៅក្នុងសេចក្តីប្រកាសនោះ លោក Al-Rashq បានបញ្ជាក់ថា ក្រុមហាម៉ាស់នៅតែទទួលយកសំណើសម្រាប់កិច្ចព្រមព្រៀងឈប់បាញ់ដែលអ្នកសម្រុះសម្រួលអេហ្ស៊ីប និងកាតាបញ្ជូនបន្តទៅកាន់ចលនានេះ ហើយបានចាត់ទុកថា ប្រតិបត្តិការយោធារបស់អ៊ីស្រាអែលនៅទីក្រុង Rafah មានគោលបំណង “រារាំងកិច្ចខិតខំប្រឹងប្រែងរបស់អ្នកសម្របសម្រួលដើម្បី សម្រេចបានបទឈប់បាញ់នៅតំបន់ ហ្គាហ្សា”៕