លោកនាយករដ្ឋមន្ត្រីអញ្ជើញថ្លែងមតិក្នុងជំនួបធ្វើការជាមួយស្ថាប័នធានារ៉ាប់រងសង្គម (រូបថត៖ baochinhphu.vn)

លោកនាយករដ្ឋមន្ត្រី Pham Minh Chinh បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ស្ថាប័នធានារ៉ាប់រងសង្គមក្នុងការអនុវត្តមុខងារ ភារកិច្ច និងអំណាចដែលត្រូវបានប្រគល់ ជូន ជាពិសេសក្នុងកំណែទម្រង់គោលនយោបាយធានារ៉ាប់រងសង្គម។

ទាក់ទិននឹងការងារនាពេលខាងមុខ លោកនាយករដ្ឋមន្ត្រីបានស្នើឲ្យស្ថាប័នធានារ៉ាប់រងសង្គមត្រូវផ្តោតលើការសុក្រិដ្ឋស្ថាប័នឲ្យកាន់តែល្អឥតខ្ចោះ បង្កើតយុទ្ធសាស្ត្រ រៀបចំផែនការមេនិងផែនការ។ ត្រូវតែអនុវត្តន៍យ៉ាងម៉ឺងម៉ាត់ ប្រកបដោយប្រសិទ្ធភាព និងដោយការយកចិត្តទុកដាក់បំផុត។ លោកនាយករដ្ឋមន្ត្រីក្រើនរំលឹកថា ស្ថាប័នធានារ៉ាប់រងសង្គមអាចបង្កើតក្រុមការងារមួយ ធ្វើការពិនិត្យបញ្ហាក្នុងយន្តការ គោលនយោបាយ និងច្បាប់ស្តីពីការធានារ៉ាប់រងសង្គម ការធានារ៉ាប់រងគ្មានការងារធ្វើ និងធានារ៉ាប់រងសុខភាព ដើម្បីស្នើនិងណែនាំដល់អាជ្ញាធរមានសមត្ថកិច្ច។ ក្នុងសកម្មភាពវិជ្ជាជីវៈ លោកនាយករដ្ឋមន្ត្រីបានក្រើនរំលឹកថា ការគ្រប់គ្រងនិងការប្រើប្រាស់មូលនិធិធានារ៉ាប់រងសង្គមត្រូវតែធានាទាំងផលប្រយោជន៍របស់អ្នកបង់ប្រាក់ធានារ៉ាប់រងផង ក៏ដូចជា ធានាសុវត្ថិភាព កំណើននិងការអភិវឌ្ឍន៍ផង ដើម្បីរួមចំណែកដល់ស្ថិរភាពម៉ាក្រូសេដ្ឋកិច្ច និងផលប្រយោជន៍រួម។

លោកនាយករដ្ឋមន្ត្រីបានស្នើឱ្យផ្តោតសំខាន់និងធ្វើឱ្យកាន់តែប្រសើរឡើងលើការងារផ្លាស់ប្តូរ ឌីជីថល និងបង្កើត ភ្ជាប់មូលដ្ឋានទិន្នន័យ; ពង្រឹងសមត្ថភាពគ្រប់គ្រងនិងកម្រិតអភិបាលកិច្ចក្នុងទិសដៅទំនើប បង្កើនការអនុវត្តបច្ចេកវិទ្យាព័ត៌មាន ទាំងរហ័សនិងងាយស្រួលផង សម្រាប់អ្នកទទួលផលគោលនយោបាយនិងទប់ស្កាត់ការចំណេញគោលនយោបាយ៕