នាយករដ្ឋមន្ត្រីវៀតណាមលោក Nguyen Xuan Phuc ដឹកនាំគណៈប្រតិភូជាន់ខ្ពស់វៀតណាមចាប់ផ្តើមដំណើរទស្សនកិច្ចចូលរួមកិច្ចប្រជុំកំពូលអាស៊ានលើកទី៣៣

កិច្ចប្រជុំកំពូលអាស៊ានលើកទី៣៣បានប្រព្រឹត្តទៅរយៈពេល៣ថ្ងៃ (១៣-១៥) វិច្ឆិកា ឆ្នាំ២០១៨ ដែលជាកិច្ចប្រជុំកំពូលទី២ក្នុងឆ្នាំ២០១៨ នៃអាណត្តិប្រធានអាស៊ានរបស់សិង្ហបុរី។ ឈរលើស្មារតីក្រោមមូលបទ “ភាពរឹងមាំនិងនវានុវត្តន៍របស់អាស៊ាន” ថ្នាក់ដឹកនាំអាស៊ាននឹងផ្តោតការពិភាក្សាយ៉ាងយកចិត្តទុកដាក់លើវិធានការ ជម្រុញកិច្ចសហប្រតិបត្តិការរវាងភាគីនានា ក្នុងនោះ មានការបង្កើនកិច្ចសហប្រតិបត្តិការសេដ្ឋកិច្ច វិនិយោគ ពាណិជ្ជកម្ម អភិវឌ្ឍន៍មូលដ្ឋានហេដ្ឋារចនាសម្ព័ន្ធ បង្កើនការតភ្ជាប់ កិច្ចសហប្រតិបត្តិការដើម្បីទប់ទល់ជាមួយបម្រែបម្រួលនៃខឿនសេដ្ឋកិច្ចពិភពលោក  សមស្របជាមួយបដិវត្តន៍ឧស្សាហកម្ម៤.០ រួមទាំងដោះស្រាយរាល់ការសាកល្បងសកល ដូចជា បរិស្ថាននិងបម្រែបម្រួលអាកាសធាតុ។ បណ្តាថ្នាក់ដឹកនាំក៏បានផ្លាស់ប្តូរលើបញ្ហាផ្សេងៗទៀត សំដៅរួមចំណែករក្សាសន្តិភាព ស្ថិរភាព សហប្រតិបត្តិការនិងការអភិវឌ្ឍក្នុងតំបន់និងលើពិភពលោក។

ដើម្បីត្រៀមរៀបចំសម្រាប់កិច្ចប្រជុំកំពូលអាស៊ានលើកទី៣៣នេះ ប្រទេសជាប្រធានអាស៊ានសិង្ហបុរីបានសម្របសម្រួលជាមួយប្រទេសសមាជិកនិងស្ថាប័នពាក់ព័ន្ធរបស់អាស៊ាន អនុវត្តន៍យ៉ាងសកម្មរាល់កិច្ចការត្រៀមរៀបចំ សឹងតែពេញ១មួយឆ្នាំនៃឆ្នាំ២០១៨តែម្តង។

អនុរដ្ឋមន្ត្រីការបរទេស ប្រធាន SOM ASEAN វៀតណាម លោក Nguyen Quoc Dung បានអញ្ជើញដឹកនាំគណៈប្រតិភូវៀតណាមចូលរួមក្នុងកិច្ចប្រជុំនេះផងដែរ៕