ភ្ញៀវទេសចរមកទស្សនារដ្ឋធានីគូឡាឡាំពួរបស់ម៉ាឡេស៊ី (រូបថត៖Vietnamplus)

(VOVworld) - នាថ្ងៃទី៧ កក្កដា ស្ថានទូតអាមេរិកប្រចាំនៅម៉ាឡេស៊ីបានចេញ
សេចក្ដីព្រមានចំពោះពលរដ្ឋប្រទេសនេះស្ដីអំពីបញ្ហាសន្តិសុខផ្ទាល់ខ្លួន។គេហទំព័រ
របស់ស្ថានទូតអាមេរិកបានចុះផ្សាយសេចក្ដីព្រមានសន្តិសុខក្រោយពីសមត្ថកិច្ច
ម៉ាឡេស៊ីបញ្ជាក់ថា មានការទាក់ទិនរវាងអង្គការរដ្ឋអ៊ីស្លាម (IS) ស្វ័យប្រកាសជាមួយ
ការបំផ្ទុះគ្រាប់បែកក្លិបរាត្រីមួយនៅទីក្រុង Puchong រដ្ឋ Salangor កាលពីថ្ងៃទី ២៨
មិថុនា ដែលបណ្ដាលឲ្យមនុស្ស៨នាក់រងរបួស។បើទោះបីជាចាត់ទុកថា នាបច្ចុប្បន្ន
មិនមានការគំរាមកំហែងធ្ងន់ធ្ងរណាពីអង្គការភេរវកម្មនានាចំពោះពលរដ្ឋអាមេរិក
នៅម៉ាឡេស៊ីក្ដី ប៉ុន្តែស្ថានទូតអាមេរិកនៅសំណូមពរឲ្យពលរដ្ឋអាមេរិក ត្រូវប្រុង
ប្រយ័ត្ននាពេលធ្វើដំណើរដោយសារពួកគេអាចជាគោលដៅរបស់ពួក ភេរវករ៕