សិក្ខាសាលាពន្លឿនវិនិយោគ Da Nang នៅជប៉ុន

        Vovworld-សិក្ខាសាលាពន្លឿនវិនិយោគបានប្រព្រឹត្តទៅនារសៀលថ្ងៃទី​១២វិច្ឆិកានៅស្ថានទូតវៀតណាមប្រចាំនៅជប៉ុន។ សិក្ខាសាលាសំដៅឧទ្ទេសនាម​សក្ដានុភាពបរិយាកាសវិនិយោគនិងគោលនយោបាយទាក់ទាញវិនិយោគរបស់ទីក្រុង Da Nang ទៅដល់អង្គភាពអាជីវកម្មជប៉ុនទន្ទឹមនឹងនោះអំពាវនាវវិនិយោគិនជប៉ុន​មកជាមួយនឹងទីក្រុង Da Nang ផងដែរ។​ថ្លែងមតិនៅសិក្ខាសាលានេះ ឯកអគ្គរដ្ឋទូតវៀតណាម​ប្រចាំនៅជប៉ុនលោក Nguyen Quoc Cuong បានចាត់ទុកថា ទំនាក់ទំនងនៃ​ប្រទេសទាំងពីរវៀតណាម-ជប៉ុនកំពុងស្ថិតនៅដំណាក់កាលល្អប្រសើរបំផុតគិតតាំងពី​មុន​មក។ អង្គភាពអាជីវកម្មជប៉ុនវាយតំលៃខ្ពស់សក្ដានុភាពក៏ដូចជាបរិយាកាស​វិនិយោគ​របស់វៀតណាម។

        រីឯនាយកមជ្ឈមណ្ឌលស្រាវជ្រាវសេដ្ឋកិច្ចវៀតណាម Yushita Hiroyuki បានចាត់ទុកថា សិក្ខាសាលាជាឱកាសល្អដើម្បីអង្គភាពអាជីវកម្មជប៉ុនយល់​ច្បាស់​ជាងអំពីបរិយាកាសក៏ដូចជាគោលនយោបាយវិនិយោគរបស់ទីក្រុង Da Nang៕