ការថ្លែងនេះត្រូវបានលោកនាយករដ្ឋមន្ត្រី ហ៊ុន ម៉ាណែត ធ្វើឡើងនាថ្ងៃទី ៣ មីនា នៅទីក្រុង
មែលប៊ន (អូស្ត្រាលី) ក្នុងឱកាស អញ្ជើញចូលរួមកិច្ចប្រជុំកំពូលពិសេសរំលឹកខួប ៥០ឆ្នាំនៃទំនាក់ទំនងសមាគម ប្រជាជាតិអាស៊ីអាគ្នេយ៍ (អាស៊ាន)-អូស្ត្រាលី ចាប់ពីថ្ងៃទី៤ ដល់ ថ្ងៃទី ៦ ខែមីនា។

ថ្លែងនៅចំពោះមុខប្រជាពលរដ្ឋប្រមាណ ២០០០នាក់ តំណាងឱ្យសហគមន៍ខ្មែរ នៅប្រទេសអូស្ត្រាលី និងនូវែលសេឡង់ លោកនាយករដ្ឋមន្ត្រី ហ៊ុន ម៉ាណែត បាន បញ្ជាក់ថា នាពេលខាងមុខ រាជរដ្ឋាភិបាលកម្ពុជា នឹងផ្តោតសំខាន់ទៅលើការអនុវត្ត ការទូតសេដ្ឋកិច្ច ដើម្បីផលប្រយោជន៍ដល់ប្រជាជន។ លោកនាយករដ្ឋមន្ត្រី ហ៊ុន ម៉ាណែត បានឲ្យដឹងថា សេដ្ឋកិច្ចគឺជាអាទិភាពមួយក្នុងចំណោមអាទិភាពស្នូលក្នុងគោល នយោបាយការទូតរបស់រាជរដ្ឋាភិបាលកម្ពុជា។ ក្នុងបណ្ដាដំណើរទស្សនកិច្ចនៅក្រៅ ប្រទេស ចាប់តាំងពីចូលកាន់តំណែងកាលពីខែសីហា ឆ្នាំ២០២៣ មក លោកនាយករដ្ឋ មន្ត្រី ហ៊ុន ម៉ាណែត ជានិច្ចកាលផ្តោតសំខាន់លើការជួបប្រាស្រ័យជាមួយថ្នាក់ដឹកនាំ សហគ្រាសបរទេស ហើយលើកទឹកចិត្ត និងទាក់ទាញសហគ្រាសទាំងនេះ ធ្វើការវិនិ យោគថ្មីៗ ឬពង្រីកការវិនិយោគដែលមានស្រាប់នៅកម្ពុជា៕