យោងតាមគេហទំព័រ worldometers.info បានធ្វើស្ថិតិថា គិតត្រឹមម៉ោង១ថ្ងៃទី១២ ខែវិច្ឆិកា (ម៉ោង UTC) លើទូទាំងពិភពលោកបានកត់ត្រាករណីឆ្លងវីរុស SARS-CoV-2 បង្កជម្ងឺកូវីដ-១៩ សរុបចំនួនជាង២៥២លាន៦សែននាក់ ក្នុងនោះករណីឆ្លងថ្មីក្នុងរយៈ ពេល២៤ម៉ោងកន្លងមកចំនួនជាង៤៩៤ពាន់នាក់។ ចំនួនករណីស្លាប់គិតត្រឹមពេលនេះ បានឡើងដល់ទៅ៥,១លាននាក់។

អាមេរិកបន្តជាប្រទេសដែលរងផលប៉ះពាល់យ៉ាងធ្ងន់ធ្ងរបំផុតដោយសារជម្ងឺ កូវីដ-១៩ ដោយមានចំនួនករណីឆ្លងជាង៤៧លាន៦សែននាក់ ក្នុងនោះមានចំនួន ករណីស្លាប់ជាង៧៨ម៉ឺននាក់។ បន្ទាប់នោះគឺឥណ្ឌានិងប្រេស៊ីល៕