អនុរដ្ឋមន្ត្រីក្រសួងនគរបាលវៀតណាមជួបសន្ទនាជាមួយនាយករងសម្ព័ន្ធក្រុមហ៊ុន Microsoft

(VOV)_នារសៀលថ្ងៃទី២៩មិនា នៅទីក្រុងហាណូយ ឧត្តមសេនីយ៍ទោ To Lam
 អនុរដ្ឋមន្ត្រីក្រសួងនគរបាលវៀតណាមបានជួបសន្ទនាជាមួយលោក Mark Day
នាយក​រង​​សម្ព័ន្ធក្រុមហ៊ុន Microsoft ដែលកំពុងមានដំណើរបំពេញ​ទស្សន​កិច្ច​នៅ
វៀត​ណាម។ នៅទីនេះ អនុរដ្ឋមន្ត្រី To Lam បានវាយតំលៃខ្ពស់​ចំពោះសកម្មភាព
ប្រកប​ដោយប្រសិទ្ធិភាពរបស់ក្រុមហ៊ុន Microsoft វៀតណាម​ ជាពិសេសគឺក្នុងការ
ជំរុញ​ទំនាក់​​ទំនងសហប្រតិបត្តិការរវាងសម្ព័ន្ធក្រុមហ៊ុន Microsoft ​ជាមួយក្រសួង
នគរបាល​វៀតណាម។ អនុរដ្ឋមន្ត្រី To Lam មានគោល​បំណងថា៖ នាពេលខាងមុខ
នេះ ​ភាគី​ទាំង​ពីរនឹងបន្តជំរុញខ្លាំងទំនាក់ទំនង​សហប្រតិបត្តិការ សកម្មអនុវត្តបណ្ដា
ខ្លឹមសារ​សហប្រតិបត្តិការដែលបានឯកភាព។ តាមនោះ រួមចំណែកបំរើប្រកបដោយ
ប្រសិទ្ធិភាពបុព្វហេតុការពារសន្តិសុខ ​សណ្ដាប់ធ្នាប់នៅប្រទេសនិមួយៗ។

          រីឯ នាយករង​សម្ព័ន្ធក្រុមហ៊ុន Microsoft លោក Mark Day បានអះអាងថា៖ ​
បណ្ដា​សមិទ្ធិផលនៃកិច្ចសហប្រតិបត្តិការរវាងក្រសួងនគរបាលវៀតណាមនិង
សម្ព័ន្ធ​ក្រុមហ៊ុន​ Microsoft គឺជាក់ស្ដែង ប្រសិទ្ធិភាព។ លោក Mark Day ក៏បាន
សង្កត់​ធ្ងន់ថា៖​ភាគី​ទាំង​ពីរ​ត្រូវបង្កើនការងារធានាសន្តិសុខ សុវត្ថិភាពព័ត៍មាន
ក្នុងវិស័យនានាដែលបានយកចិត្តទុកដាក់ដូចគ្នា៕