វៀតណាមសកម្មចូលរួមការជួបចរចារស្ដីពីកិច្ចព្រមព្រៀង TPP (dddn.com.vn)

        Vovworld-កិច្ចព្រមព្រៀងដៃគូរអន្តរប៉ាស៊ីហ្វីក (TPP) ជាកិច្ចព្រមព្រៀង​ ពាណិជ្ជកម្មសេរីបទដ្ឋានខ្ពស់ ត្រូវបានចាត់ទុកថាកិច្ចព្រមព្រៀងគំរូនៃ​សតវត្ស​ទី
២១ ជាមួយសមាជិកចូលរួមមានប្រ៊ុយណេ អូស្ត្រាលី កាណាដា ស៊ីលី អាមេរិក
ម៉ាឡេស៊ី ម៉េចស៊ីច ជប៉ុន ណូវែលហ្សេឡង់ ប៉េរូ សឹង្ហបុរីនិងវៀតណាម។ មកដល់​
ឥឡូវ​នេះ TPP បានសំរេចវង់ចរចារជាផ្លូវការចំនួន១៩និងកំពុងឈានទៅដំណាក់​កាលសំរេចជាមួយវិស័យចរចារនានាគឺ បើកទ្វាទីផ្សារទំនិញ បទបញ្ញត្តិអំពីប្រភព
ដើម ពាណិជ្ជកម្មអេលិចត្រូនិកជាដើម។ នាបច្ចុប្បន្ន វៀតណាមបានសំរេចការ
ចរចារ​TPP ជាមួយជប៉ុននិងកំពុងដំណើរការចរចារជាមួយកូរ៉េខាងត្បូង។

TPP និងឱកាសសំរាប់ទីផ្សារវៀតណាម

        ចូលរួម TPP នឹងជួយឲ្យវៀតណាមមានតុល្យភាពទំនាក់ទំនងពាណិជ្ជកម្ម
ជាមួយ​ទី​ផ្សារសំខាន់នានា ជៀសវាងការចំណុះហួសកំរិតទៅលើមណ្ឌលទីផ្សារ
ជាក់លាក់មួយ។ លោក Vu Tien Loc ប្រធានសភាពាណិជ្ជកម្មឧស្សាហកម្មវៀត
ណាមបាន​ចាត់​ទុកថា៖

        “TPP ជាកិច្ចព្រមព្រៀងមានឥទ្ធិពលដល់បរិយាកាសសេដ្ឋកិច្ចរបស់វៀត​ណាម ជះឥទ្ធិពលដល់ទីផ្សារនៃខឿនសេដ្ឋកិច្ចវៀតណាម។ រាល់ការជះឥទ្ធិពល​នោះនឹង​
រួមផ្សំ បង្កើតឡើងកំលាំងអភិវឌ្ឍន៍ថ្មីរបស់ខឿនសេដ្ឋកិច្ចវៀតណាម​នា​ពេល
អនាគត។ យើងអាចចាប់យកឱកាសនោះបានលុះត្រាតែមានការផ្លាស់ប្តូរថ្មីយ៉ាង​
ខ្លាំងក្លាក្នុងប្រទេស ផ្លាស់ប្តូរថ្មីម៉ាក្រូក៏ដូចជាការខំប្រឹងប្រែងរបស់អង្គភាពអាជីវកម្ម​ដើម្បីលើកកំពស់សម័ត្ថភាពប្រគួតប្រជែង។”

        ក្នុងពេលនោះ អនុរដ្ឋមន្ត្រីក្រសួងឧស្សាហពាណិជ្ជកម្មវៀតណាមលោក Tran
Quoc Khanh ប្រធានក្រុមចរចាររដ្ឋាភិបាលវៀតណាមអំពីសេដ្ឋកិច្ចពាណិជ្ជកម្ម​អន្តរជាតិបានចាត់ទុកថា ឱកាសច្បាស់លាស់បំផុតក្នុងពេលដែលវៀតណាមចូល
រួម TPP គឺអាចទាក់ទងផ្ទាល់ជាមួយអាមេរិក ដែលជាទីផ្សារស្រូបយកទំនិញធំបំផុត
លើ​ពិភពលោក ជាមួយកំរិតពន្ធ០%។ ក្រោពីផលប្រយោជន៍អំពីការនាំចេញនោះ
អង្គភាព​អាជីវកម្មវៀតណាមធ្វើសកម្មភាពក្នុងវិស័យសេវាកម្មមានទុនវិនិយោគ
បរទេសនឹងទទួលផលពីបរិយាកាសអាជីវកម្មទូលាយតម្លាភាពនិងងាយព្យាករណ៍
ជាងដោយសារវៀតណាមអនុវត្តកិច្ចសន្យាថ្មីតាមកិច្ចព្រមព្រៀង TPP។ លោក Tran
Quoc Khanh បានឲ្យដឹងថា៖

    “ឱកាសធំបំផុតគឺយើងនឹងមានលក្ខ័ណ្ឌកែលំអររចនាសម្ព័ន្ធទីផ្សារនាំចេញនាំ
ចូល។ ឱកាសទី២គឺបើកបន្ថែមទីផ្សារសំរាប់ទំនិញវៀតណាមប្រសិនបើពន្ធត្រូវ​
បានលប់ចោល។ ប្រសិនបើកិច្ចព្រមព្រៀងនេះទទួលបានជោគជ័យ យើង​នឹងមាន
ឱកាសចូលរួមក្នុងផលិតកម្មរបស់ដំបន់និងអន្តរជាតិ។ ដំណើរការនេះ​នឹង​បង្កភាព
ងាយស្រួលសំរាប់រៀបចំរចនាសម្ព័ន្ធខឿនសេដ្ឋកិច្ចឡើងវិញនិងផ្លាស់ប្តូរថ្មីរូប
សណ្ឋានកំណើន។”

ឧបសគ្គក្នុងដំណើរការអនុវត្ត TPP

        ទន្ទឹមនឹងភាពសកម្មដែលកិច្ចព្រមព្រៀងដៃគូរអន្តរប៉ាស៊ីហ្វិកនាំមកនោះ កិច្ច​ព្រមព្រៀងនេះក៏បង្កកំលាំងគៀបសង្កត់អំពីការបើកទ្វាទីផ្សារ​លទ្ធភាពប្រគួត​ប្រជែង​របស់អង្គភាពអាជីវកម្មវៀតណាមចំពោះអន្តរជាតិ។ វិស័យមួយចំនួនដូច​ជា​កសិកម្ម
ឧស្សាហកម្ម សេវាកម្ម មិនទាន់ឆ្លើយតបបានតម្រូវការអភិវឌ្ឍន៍ រួមជាមួយនឹងរាល់
ឧបសគ្គអំពីការកែប្រែប្រព័ន្ធច្បាប់ប្រភពធនធានមនុស្សជាដើម។ ឧទាហរណ៍​ដូចជា
វិស័យតម្បាញកាត់ដេរ មានភាពងាយស្រួលណាស់ក្នុងពេលចូលរួម TPP ដោយ​មានការចូលរួមរបស់ដៃគូរធំៗរបស់វៀតណាមដូចជាអាមេរិកជប៉ុនអូស្ត្រាលី។
លោក Le Tien Truong អគ្គនាយករងសម្ព័ន្ធក្រុមហ៊ុនតម្បាញកាត់ដែរវៀតណាម​បាន
ឲ្យដឹងថា៖

        “ខ្ញុំចាត់ទុកថា៖នេះគឺជាឱកាសមួយក្នុងការបើកទូលាយទីផ្សារ ជាមួយនឹង​ការ​ខិតជិតគ្នានៅលក្ខ័ណ្ឌល្អជាង បើប្រៀបនឹងលក្ខ័ណ្ឌនាបច្ចុប្បន្ន។ ទន្ទឹមនឹងនោះ នេះ ក៏ជាការសាកល្បងចំពោះវិស័យតម្បាញកាត់ដេរអំពីតម្រូវការនៃទីផ្សារ​បរិមាណ​ គុណភាព ជាដើម ក្នុងដំណើការធ្វើសមាហរណកម្ម។”

       ចូលរួម TPP វៀតណាមត្រូវមានការបោះជំហានត្រឹមត្រូវនិងការកែទម្រង់​យ៉ាង​ខ្លាំងក្លា សំរាប់ខឿនសេដ្ឋកិច្ច និងផលិតកម្ម។ យ៉ាងណាមិញវៀតណាមកំពុងត្រូវឆ្លង​
កាត់​ឧបសគ្គមួយចំនួននៃដំណើរការចរចារ ដើម្បីធានាផលប្រយោជន៍ជាតិទៀត
ផង។ លោក Tran Quoc Khanh បានចាត់ទុកថា៖

       “សម្ពាធប្រកួតប្រជែងគឺមាន ប៉ុន្តែ ក្នុងការចរចារ យើងនឹងខំ​ប្រឹងប្រែងធ្វើយ៉ាង ណាដើម្បីកម្លាំងសម្ពាធនេះមកជាបណ្ដើរៗ តាមដំណើការ និងមានលក្ខ័ណ្ឌជាក់
លាក់។ រីឯ អង្គភាពអាជីវកម្មវៀតណាម ដោយមានការខំប្រឹងប្រែងក្នុងរយៈពេល
កន្លងទៅ អង្គភាពអាជីវកម្មនឹងឆ្លងកាត់បាននូវឧបសគ្គនេះ។”

        ចុងឆ្នាំ ២០១៤នេះ តាមដំណើការចរចារស្ដីពីកិច្ចព្រមព្រៀងដៃគូរសេដ្ឋកិច្ច​យុទ្ធសាស្ត្រអន្តរប៉ាស៊ីហ្វីក នឹងបញ្ចប់និងឈានទៅដល់ដំណាក់កាលអនុវត្ត។ ​ពេលនោះ បណ្ដាប្រទេសចូលរួមកិច្ចព្រមព្រៀងនេះ នឹងក្លាយទៅជាតំបន់មួយក្នុង
ចំណោមតំបន់ពាណិជ្ជកម្មធំបំផុតលើពិភពលោក។ ប្រសិនបើចាប់យកឱកាសនេះ វៀតណាមនឹងទទួលផលប្រយោជន៍ជាច្រើនពីការវិនិយោគថ្មីបង្កើតសមត្ថភាព​ផលិតកម្មថ្មី ហើយវៀតណាមនឹងអាចអភិវឌ្ឍន៍បានតាមទិសដៅចីរភាព៕