(VOVWORLD) - ក្នុងដំណើរការអនុវត្តន៍ការបង្ការនិងប្រយុទ្ធប្រឆាំងការរីករាលដាលនៃជំងឺកូវីដ ១៩ នាពេលកន្លងមក រដ្ឋាភិបាលវៀត ណាមតែងតែផ្អែកលើស្ថានភាពជាក់ស្តែង ដើម្បីនាំចេញដំណោះស្រាយ សមស្របនិងទាន់ពេលវេលា។ នាពេលថ្មីៗនេះ នៅពេលកំណត់ថា ផ្លាស់ប្តូរពីគោលដៅ “គ្មានកូវីដ” ទៅជាការសម្របខ្លួនប្រកបដោយសុវត្ថភាព មានភាពបត់បែន និងគ្រប់គ្រងជំងឺរាតត្បាតប្រកបដោយប្រសិទ្ធភាព រដ្ឋាភិបាល ក្រសួង ស្ថាប័ននិងតំបន់នានាបានបង្កើតសេណារីយ៉ូបន្ទាន់ដើម្បីសម្របសម្រួលការប្រយុទ្ធប្រឆាំង នឹងការរីក រាលដាលប្រកបដោយប្រសិទ្ធភាពផង និងស្តារការអភិវឌ្ឍន៍សេដ្ឋកិច្ចឡើងវិញផង ក្នុងនោះមានការដោះស្រាយការលំបាកសម្រាប់សហគ្រាស។

(VOVWORLD) - លោកប្រធានរដ្ឋ Nguyen Xuan Phuc ដឹកនាំគណៈ ប្រតិភូជាន់ខ្ពស់វៀតណាមទើបបានបញ្ចប់ដំណើរទស្សនកិច្ចជាផ្លូវការនៅគុយបា ហើយចូលរួមសម័យពិភាក្សាជាន់ខ្ពស់រួមនៃមហាសន្និបាតអង្គការសហប្រជាជាតិនៅទីក្រុងញូវយ៉ក។ ចំពោះគុយបា ដំណើរទស្សនកិច្ចលើកនេះបានបើកដំណាក់កាលសហប្រតិបត្តិការអភិវឌ្ឍថ្មីមួយរវាងប្រទេសទាំងពីរ ឆ្ពោះទៅរកគោលដៅ “ឈ្នះ-ឈ្នះ” ដោយឈរលើជំនឿជឿជាក់ដ៏ស៊ីជម្រៅ ចំណងសាមគ្គីភាព ភាតរៈភាព ផ្សាភ្ជាប់យ៉ាងស្អិតរមួត គ្មានការលំបាកណាមួយអាចរារាំងបានឡើយ។ ចំណែកឯដំណើរចូលរួមសម័យពិភាក្សានៃមហាសន្និបាតអ.ស.ប បានបន្តបង្ហាញពីប្រទេសវៀតណាមមួយដ៏សកម្ម មានការទទួលខុសត្រូវ ជាដៃគូដ៏ខ្លាំងមាំមួនរបស់អ.ស.បក្នុងអំឡុងពេល ៤៤ ឆ្នាំចូលរួមអង្គការនេះ។

(VOVWORLD) - វៀតណាមកំពុងត្រៀមជំហាននីមួយៗឆ្ពោះទៅរកគោលដៅរួមរស់ប្រកបដោយសុវត្ថិភាពជាមួយជម្ងឺរាតត្បាតកូវីដ ១៩។ ទន្ទឹមនឹងការពន្លឿនដំណើរការចាក់វ៉ាក់សាំង បង្ការកូវីដ ១៩ ដើម្បីសម្រេចបានភាពស៊ាំសហគមន៍ឲ្យបានឆាប់បំផុត បង្កើនសមត្ថ ភាពឆ្លើយតបផ្នែកសុខាភិបាល តាមបាវចនា “នៅហ្នឹងកន្លែង៤យ៉ាង” នោះ បណ្ដា ក្រសួង ស្ថាប័ន និងសហគ្រាសសុទ្ធតែកំពុងខិតខំប្រឹងប្រែងកសាងសេណារីយ៉ូ សម្រាប់ការបើកប្រតិបត្តិការផលិតកម្មអាជីវកម្ម ស្ដារឡើងវិញក្រោយជម្ងឺរាតត្បាត។

(VOVWORLD) - ចាប់តាំងពីឆ្នាំ ២០១៩ រហូតមកដល់ពេលនេះ វៀតណាមបានដំណើរការផែនការមេដើម្បីអនុវត្តន៍អនុសាសន៍ចំនួន ១៣ ដែលវៀតណាមទទួលយកក្រោមយន្តការពិនិត្យជាសកលតាមកាលកំណត់ ស្តីពីសិទ្ធិមនុស្សវដ្តទី ៣ របស់ក្រុមប្រឹក្សាសិទ្ធិមនុស្សអង្គការសហប្រជាជាតិ (UPR)។ អនុសាសន៍ទាំងនេះផ្តោតលើការប្រឆាំងការរើសអើង ធានាសិទ្ធិជាមូលដ្ឋានសម្រាប់ជនជាតិភាគតិច ដូចជាការអប់រំ វប្បធម៌ ជំនឿសាសនានិងការអភិវឌ្ឍសេដ្ឋកិច្ចសង្គម។

(VOVWORLD) - ទំនាក់ទំនងសម្ព័ន្ធមិត្តដ៏យូរអង្វែងរវាងអាមេរិកនិងបណ្តាប្រទេសអឺរ៉ុបដែលដឹកនាំដោយបារាំងកំពុងប្រឈមមុខនឹងបញ្ហាប្រឈមថ្មី បន្ទាប់ពីព្រឹត្តិការណ៍ដែលប្រទេសទាំងបីគឺ អាមេរិក អង់គ្លេស និងអូស្ត្រាលីបានប្រកាសកិច្ចព្រមព្រៀងបង្កើតសម្ព័ន្ធភាពមួយ ដែលមានឈ្មោះថា AUKUS នៅថ្ងៃទី ១៦ ខែកញ្ញា។ មូលហេតុគឺយោងតាមកិច្ចព្រមព្រៀងនេះ អូស្ត្រាលីនឹងទិញនាវាមុជទឹកដើរដោយថាមពលនុយក្លេអ៊ែរពីសហរដ្ឋអាមេរិក និងអង់គ្លេស ជំនួសឱ្យការអនុវត្តកិច្ចសន្យាទិញនាវាមុជទឹកដែលមានតម្លៃជិត ៤០ ពាន់លានដុល្លារអាមេរិក ដែលបានចុះហត្ថលេខាជាមួយបារាំងមុននេះផងដែរ។

(VOVWORLD) - នៅថ្ងៃទី២១ ខែកញ្ញា ប្រធានរដ្ឋវៀតណាមលោក Nguyen Xuan Phuc បានអញ្ជើញចូលរួមសម័យពិភាក្សារួមជាន់ខ្ពស់នៃមហាសន្និបាតអង្គការសហប្រជាជាតិ (អ.ស.ប) នីតិកាលទី៧៦ នៅទីក្រុងញូវយ៉ក។ ក្នុងបរិបទដែលជម្ងឺកូវីដ-១៩ កំពុងវិវឌ្ឍន៍យ៉ាងស្មុគស្មាញហើយបន្តបង្កឡើងបញ្ហាប្រឈមជាច្រើនលើទូទាំងពិភពលោកនោះ ការដែលថ្នាក់ដឹកនាំវៀតណាមចូលរួមដោយផ្ទាល់ក្នុងសកម្មភាពធំបំផុតក្នុងឆ្នាំរបស់អ.ស.ប ជាពិសេសគឺសម័យពិភាក្សារួមនៅវេទិកាពហុភាគីធំបំផុតលើភពផែនដីនេះ បានបញ្ជាក់សារជាថ្មីម្ដងទៀតនូវតួនាទីនិងឋានៈរបស់វៀតណាមក្នុងនាមជាដៃគូគួរឲ្យជឿទុកចិត្ត ជាសមាជិកដ៏ម្ចាស់ការ សកម្ម និងមានការទទួលខុសត្រូវនៃសហគមន៍អន្តរជាតិ។

(VOVWORLD) - នាពេលកន្លងមកនេះ ជំងឺរាតត្បាតកូវីដ -១៩ មានការវិវត្តយ៉ាងឆាប់រហ័សនិងស្មុគស្មាញដែលធ្វើឱ្យប្រព័ន្ធរដ្ឋាភិបាលទាំងមូលត្រូវចូលរួមប្រយុទ្ធប្រឆាំងផងដែរ។ ដំណោះស្រាយឆ្លើយតបកំពុងផ្លាស់ប្តូរដោយឥតឈប់ឈរ ហើយដំណោះស្រាយមានលក្ខណៈស្ថានការណ៍ត្រូវបានកាត់បន្ថយជាលំដាប់ ជំនួសវិញគឺដំណោះស្រាយប្រកបដោយប្រសិទ្ធភាពនិងនិរន្តរភាព។ ការកែសម្រួលទាំងនេះនឹងជួយវៀតណាមឱ្យវិលត្រលប់ទៅរកដំណើរការអភិវឌ្ឍន៍ស្តារផលិតកម្មនិងធានាសន្តិសុខសង្គម។

(VOVWORLD) - ចាប់ពីថ្ងៃទី ១៨ ដល់ថ្ងៃទី ២៤ ខែកញ្ញា ប្រធានរដ្ឋវៀតណាម លោក Nguyen Xuan Phuc បានអញ្ជើញទៅបំពេញទស្សនកិច្ចមិត្តភាពជាផ្លូវការនៅប្រទេសគុយបា និង ចូលរួមសម័យប្រជុំពិភាក្សារួមជាន់ខ្ពស់នៃមហាសន្និបាតអង្គការសហប្រជាជាតិលើកទី ៧៦ ។ គោលដៅនៃដំណើរទស្សនកិច្ចរបស់លោកប្រធានរដ្ឋគឺអនុវត្តន៍ នៅកម្រិតខ្ពស់បំផុតក្នុងគោលមាគ៌ា កិច្ចការបរទេស“ ឯករាជ្យ ម្ចាស់ការ សន្តិភាព មិត្តភាព កិច្ចសហប្រតិបត្តិការ និងអភិវឌ្ឍន៍ ធ្វើពិពិធកម្ម ពហុភាគីទំនាក់ទំនងកិច្ចការបរទេស”របស់វៀតណាម។

(VOVWORLD) - អញ្ជើញថ្លែងមតិនៅសន្និសីទទូទាំងប្រទេសនៃស្ថាប័នកិច្ចការផ្ទៃក្នុងសម្រាប់ដាក់ពង្រាយអនុវត្តន៍សេចក្តីសម្រេចចិត្តមហាសន្និបាតលើកទី ១៣ របស់បក្ស នាថ្ងៃទី ១៥ ខែកញ្ញាឆ្នាំ ២០២១ នៅទីក្រុងហាណូយ អគ្គលេខាមជ្ឈឹមបក្សកុម្មុយនិស្ត វៀតណាមលោក Nguyen Phu Trong បានគូសបញ្ជាក់ពីការតម្រូវឲ្យស្ថាប័នកិច្ចការផ្ទៃក្នុងត្រូវយល់យ៉ាងជ្រាលជ្រៅនូវទស្សនៈ “ប្រជាជនជាឬសគល់” ទាំងក្នុងការគិតនិងទាំងក្នុងសកម្មភាពផង។ ស្ថាប័នទាំងនេះត្រូវតែកំណត់ថា ប្រជាជនជាមជ្ឈមណ្ឌលនិងជាប្រធានបទនៃកិច្ចការផ្លាស់ប្តូរថ្មី កសាងនិងការការពារមាតុភូមិហើយត្រូវតែយកជីវភាពសុខសាន្តត្រាននិងសុភមង្គលរបស់ប្រជាជនជាគោលដៅសម្រាប់កិច្ចខិតខំប្រឹងប្រែង និងធ្វើជាប្រភពនៃសេចក្តីរីករាយរបស់ខ្លួន។

(VOVWORLD) - ជំងឺរាតត្បាតកូវីដ -១៩ បាននិងកំពុងបង្កផលប៉ះពាល់យ៉ាងខ្លាំងដល់ជីវភាពប្រចាំថ្ងៃរបស់ប្រជាជន ក្នុងនោះមានទាំង ជនរួមជាតិជាជនជាតិភាគតិចផងដែរ។ ក្នុងបរិបទនោះ ការយកចិត្តទុកដាក់និងការផ្តល់ជំនួយទាន់ពេលវេលារបស់អាជ្ញាធរគ្រប់ជាន់ថ្នាក់បានជួយឲ្យប្រជាជន មានស្ថិរភាពក្នុងការរស់នៅនិងស្តារផលិតកម្មឡើងវិញ។