(VOVWORLD) - បន្ទាប់ពីសម័យប្រជុំលើកទី ២ រដ្ឋសភាវៀតណាមនីតិកាលទី ១៥ បានបិទបញ្ចប់នោះ នាយករដ្ឋមន្ត្រី លោក Pham Minh Chinh បានអញ្ជើញដឹកនាំសម័យប្រជុំប្រចាំខែវិច្ឆិកា ឆ្នាំ ២០២១ កាលពីរសៀលថ្ងៃទី ១៣ វិច្ឆិកាកន្លងទៅដោយតម្រូវឲ្យសុក្រិតយុទ្ធសាស្ត្រមេស្ដីពីការប្រយុទ្ធប្រឆាំងជំងឺរាតត្បាតកូវីដ ១៩ និងកម្មវិធីស្ដារ និងអភិវឌ្ឍន៍សេដ្ឋកិច្ចឡើងវិញ។ ទាំងអស់នេះគឺជាភារកិច្ចដ៏សំខាន់ៗរបស់រដ្ឋាភិបាលក្នុងរយៈពេល ២ ខែចុងឆ្នាំ ២០២១ ដើម្បីវៀតណាមស្ដារ និងអភិវឌ្ឍន៍សេដ្ឋកិច្ចឡើងវិញយ៉ាងឆាប់រហ័សផងដែរ។

(VOVWORLD) - នាព្រឹកថ្ងៃទី ១៦ ខែវិច្ឆិកា (ម៉ោងនៅវៀតណាម) ប្រធានាធិបតីអាមេរិកលោក Joe Biden និងប្រធានរដ្ឋចិន លោក Xi Jinping បានបើកកិច្ចប្រជុំកំពូលលើកដំបូង តាមប្រព័ន្ធវីដេអូ អនឡាញ។ បានប្រារព្ធធ្វើឡើងក្នុងបរិបទដែលទំនាក់ទំនងអាមេរិក-ចិនស្ថិតក្នុងស្ថានភាពប្រឈមមុខដាក់គ្នាយ៉ាងស្វិតស្វាញលើបញ្ហាជាច្រើន កិច្ចប្រជុំនេះ ត្រូវបានវាយតម្លៃថា មិនអាចបង្កើតការបោះជំហានយ៉ាងសំខាន់ៗឡើយ ប៉ុន្តែជាជំហានចាំបាច់ដើម្បីបង្កើតស្ថិរភាពនៅក្នុងប្រទេសនីមួយៗ និងបរិយាកាសអភិវឌ្ឍន៍រួម។

(VOVWORLD) - សម័យប្រជុំលើកទី២ រដ្ឋសភាវៀតណាមនីតិកាលទី១៥ បានបិទបញ្ចប់ នៅរដ្ឋធានីហាណូយ កាលពីចុងសប្ដាហ៍កន្លងទៅ ក្រោយរយៈពេល១៦ថ្ងៃធ្វើ ការ។ ទោះជារយៈពេលធ្វើការមិនវែងដូចនឹងសម័យប្រជុំនៅចុងឆ្នាំរបស់រដ្ឋ សភានីតិកាលមុនៗក៏ដោយ ប៉ុន្តែនៅសម័យប្រជុំលើកនេះ រដ្ឋសភាបានអនុម័ត លើសេចក្ដីសម្រេចចិត្តសំខាន់ជាច្រើន ដែលបង្កើតបន្ថែមកម្លាំងចលករសម្រាប់ ការស្ដារនិងអភិវឌ្ឍសេដ្ឋកិច្ចសង្គមឡើងវិញ។

(VOVWORLD) - APEC CEO Summit (កិច្ចប្រជុំកំពូលនាយកប្រតិបត្តិនៃវេទិកាសហប្រតិបត្តិការ សេដ្ឋកិច្ចតំបន់អាស៊ី-ប៉ាស៊ីហ្វិក) ដែលជាសកម្មភាពដ៏សំខាន់មួយនៃកិច្ចប្រជុំកំពូល APEC បានប្រព្រឹត្តទៅក្នុងអំឡុងថ្ងៃទី១១និងទី១២ ខែវិច្ឆិកា។ ប្រធានរដ្ឋវៀតណាម លោក Nguyen Xuan Phuc ដែលជាភ្ញៀវកិត្តិយសនៃកិច្ចប្រជុំឆ្នាំនេះ បាននាំមកនូវ សំណើរជាក់លាក់មួយចំនួន តាមនោះបន្តបញ្ជាក់នូវការប្ដេជ្ញាចិត្តរបស់វៀតណាមក្នុង ការរួមដំណើរជាមួយបណ្ដាខឿនសេដ្ឋកិច្ច APEC និងប្រជាជនជំនះពុះពារលើជម្ងឺ រាតត្បាត ស្ដារសេដ្ឋកិច្ចឡើងវិញ ដើម្បីតំបន់អាស៊ីមួយប្រកបដោយសន្តិភាព ចីរភាព និងវិបុលភាពសម្រាប់ប្រជាជនទាំងអស់។

(VOVWORLD) - ខែកំពូល “ដើម្បីជនក្រីក្រ” ឆ្នាំ ២០២១ កំពុងប្រព្រឹត្តទៅក្នុងបរិបទនៃការរាតត្បាតជំងឺកូវីដ-១៩ ដែលកំពុងប៉ះពាល់យ៉ាងធ្ងន់ធ្ងរដល់គ្រួសារក្រីក្រ គ្រួសារជួបការលំបាក ដែលបណ្តាលឲ្យពលករជាច្រើនបាត់បង់ការងារ និងគ្មានប្រាក់ចំណូលសម្រាប់ធានាជីវភាពប្រចាំថ្ងៃ។ តាមនោះ សកម្មភាពនិងគោលនយោបាយកាត់បន្ថយភាពក្រីក្រក៏ត្រូវបានផ្លាស់ប្តូរស្របតាមតថភាពជាក់ស្តែង ដែលកាន់តែមានភាពសម្បូរបែប ដោយមិនត្រឹមតែការផ្តល់ជំនួយសង្គ្រោះបន្ទាន់ប៉ុណ្ណោះទេ ថែមទាំងឆ្ពោះទៅរកការជួយឧបត្ថម្ភដល់ជីវភាពរស់នៅ ការងារ និងប្រាក់កម្ចីអនុគ្រោះដល់ជនក្រីក្រដើម្បីអ្នកទាំងនេះរួចផុតចេញពីភាពក្រីក្រប្រកបដោយចីរភាព។

(VOVWORLD) - សម័យសួរដេញដោលលើកដំបូងរបស់អាណត្តិរដ្ឋសភាវៀតណាមនីតិកាលទី ១៥ បានបើកជាផ្លូវការ នាព្រឹកថ្ងៃទី ១០ វិច្ឆិកា។ វិស័យចំនួន ៤ ដែលត្រូវបានសមាជិករដ្ឋសភាជ្រើសរើសយកមកធ្វើការសួរដេញដោលដល់សមាជិករដ្ឋាភិបាលក្នុងរយៈពេល ២ ថ្ងៃកន្លះនៃសម័យប្រជុំគឺមាន៖ សុខាភិបាល ; ការងារ - យុទ្ធជនពិការ និងសង្គមកិច្ច; ផែនការ និងវិនិយោគ; អប់រំ និងបណ្តុះបណ្តាល។ សម័យសួរដេញដោលត្រូវបានត្រៀមរៀបចំយ៉ាងល្អិតល្អន់ ដោយសង្ឃឹមថា បង្កើតកម្លាំងចលករជាវិជ្ជមានសម្រាប់អាណត្តិទាំងមូលផងដែរ។

(VOVWORLD) - សប្តាហ៍កំពូលនៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) លើកទី២៨ (APEC ២៨) តាមទម្រង់អនឡាញ ដែលដឹកនាំដោយប្រទេសនូវែលហ្សេឡង់ បានចាប់ផ្តើមជាផ្លូវការនៅថ្ងៃទី ៥ ខែវិច្ឆិកា តាមរយៈកិច្ចប្រជុំបូកសរុបរាល់កិច្ចប្រជុំជាន់ខ្ពស់ថ្នាក់មន្ត្រី APEC។ ជាមួយនឹងរបៀបវារៈដ៏សំខាន់មួយដែលបានប្រកាស កិច្ចប្រជុំកំពូល APEC ២៨ ត្រូវបានជឿជាក់ថា នឹងបង្កើតមូលដ្ឋានគ្រឹះសហប្រតិបត្តិការថ្មីដ៏សំខាន់មួយសម្រាប់ការអភិវឌ្ឍនៅក្នុងតំបន់អាស៊ី-ប៉ាស៊ីហ្វិក ដែលជាតំបន់ប្រមូលផ្តុំនូវសេដ្ឋកិច្ចឈានមុខគេជាច្រើនរបស់ពិភពលោក និងរួមចំណែកដល់ ៦០% នៃផលិតផលក្នុងស្រុកសរុបនិងជិត ៥០% នៃពាណិជ្ជកម្មសកលលោក។

(VOVWORLD) - លោកនាយករដ្ឋមន្រ្តីរដ្ឋាភិបាល Pham Minh Chinh និងគណៈប្រតិភូជាន់ខ្ពស់ វៀតណាម ទើបបានបញ្ចប់យ៉ាងល្អប្រសើរនូវដំណើរចូលរួមកិច្ចប្រជុំលើកទី២៦បណ្ដា ភាគីចូលរួមអនុសញ្ញាក្របខ័ណ្ឌនៃអង្គការសហប្រជាជាតិអំពីការប្រែប្រួលអាកាសធាតុ (COP២៦) នៅអង់គ្លេស; ដំណើរទស្សនកិច្ចការងារនៅចក្រភពអង់គ្លេស និងដំណើរ ទស្សនកិច្ចជាផ្លូវការនៅសាធារណៈរដ្ឋបារាំង ចាប់ពីថ្ងៃទី៣១ តុលា ដល់ថ្ងៃទី៥ វិច្ឆិកា។ ដំណើរទស្សនកិច្ចទទួលបានលទ្ធផលវិជ្ជមានជាច្រើន ហើយបើកចេញវិស័យសហ ប្រតិបត្តិការពោរពេញទៅដោយយថាទស្សន៍នាពេលខាងមុខ។

(VOVWORLD) - ក្រោយរយៈពេលជាងមួយឆ្នាំដែលកិច្ចព្រមព្រៀងពាណិជ្ជកម្មសេរីរវាងវៀតណាមនិងសហភាពអឺរ៉ុប (EVFTA) បានចូលជាធរមាន និងចាប់ផ្តើមដំណើរការ EVFTA បានបង្ហាញពីប្រសិទ្ធ ភាពច្បាស់លាស់ ក្នុងការអភិវឌ្ឍ សេដ្ឋកិច្ចរវាងភាគីទាំងពីរ ជាពិសេសកំណើនពាណិជ្ជកម្មនៃការនាំចូល-នាំចេញទ្វេភាគី។ បន្ទាប់ពីជោគ ជ័យជាជំហានដំបូង ភាគីទាំងពីរកំពុងឈានចូលដល់ដំណាក់កាល ពោរពពេញទៅដោយការលំបាក ក្រោមសម្ពាធដែលមិនធ្លាប់មានពីមុនមកនៃជំងឺរាតត្បាតនៅវៀតណាមក៏ដូចជានៅលើពិភពលោក។ ប្រការនេះតម្រូវឱ្យមានការផ្លាស់ប្តូរថ្មីសមស្រប ដើម្បីបន្តបង្កើត ជាអតិបរមានូវឱកាសដែល EVFTA នាំមកជូន។

(VOVWORLD) - ក្នុងសុន្ទរកថាដែលអញ្ជើញថ្លែងនៅសន្និសីទលើកទី ២៦ នៃភាគីចូលរួមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (COP26) ដែលកំពុងប្រព្រឹត្តទៅនៅចក្រភពអង់គ្លេស លោកនាយករដ្ឋមន្ត្រីវៀតណាម Pham Minh Chinh បានអះអាងថា វៀតណាមបាននិងកំពុងខិតខំប្រឹងប្រែងដើម្បីឆ្លើយតបទៅនឹងការប្រែប្រួលអាកាសធាតុផងនិងអភិវឌ្ឍន៍សេដ្ឋកិច្ចផង។ ប្រការនេះគឺដើម្បីធានាបាននូវជីវភាពរស់នៅកាន់តែប្រសើរឡើងសម្រាប់ប្រជាជននៃប្រទេសដែលរងផលប៉ះពាល់យ៉ាងធ្ងន់ធ្ងរពីការប្រែប្រួលអាកាសធាតុនិងដើម្បីចូលរួមចំណែកប្រកបដោយការទទួលខុសត្រូវជាមួយសហគមន៍អន្តរជាតិក្នុងគោលដៅអភិវឌ្ឍន៍ដើម្បីសិទ្ធិមនុស្ស។